کاشفی
محفلین
غزل
(بہزاد لکھنوی)
ساقیا ہاں شراب رہنے دے
میری مٹی خراب رہنے دے
صاف ظالم جواب رہنے دے
مجھ پر اک کیفِ خواب رہنے دے
ساقیا جام پر دیئے جا جام
یہ حساب و کتاب رہنے دے
مجھ میں تجھ میں رہے تو کچھ تفریق
اپنے رُخ پر نقاب رہنے دے
میری ناکامیاں ہیں کیف سے پُر
مجھ کو ناکامیاب رہنے دے
دین و دنیا لٹا کے آیا ہوں
دین و دنیا خراب رہنے دے
اب تو قدموں پہ جھک گیا مرا سر
اب تو یہ پیچ و تاب رہنے دے
میرے دل کی بساط کچھ بھی نہیں
نگہ انتخاب رہنے دے
او بلا نوشِ میکدہ بہزاد
کوئی جامِ شراب رہنے دے
(بہزاد لکھنوی)
ساقیا ہاں شراب رہنے دے
میری مٹی خراب رہنے دے
صاف ظالم جواب رہنے دے
مجھ پر اک کیفِ خواب رہنے دے
ساقیا جام پر دیئے جا جام
یہ حساب و کتاب رہنے دے
مجھ میں تجھ میں رہے تو کچھ تفریق
اپنے رُخ پر نقاب رہنے دے
میری ناکامیاں ہیں کیف سے پُر
مجھ کو ناکامیاب رہنے دے
دین و دنیا لٹا کے آیا ہوں
دین و دنیا خراب رہنے دے
اب تو قدموں پہ جھک گیا مرا سر
اب تو یہ پیچ و تاب رہنے دے
میرے دل کی بساط کچھ بھی نہیں
نگہ انتخاب رہنے دے
او بلا نوشِ میکدہ بہزاد
کوئی جامِ شراب رہنے دے