1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

ن م راشد زندگی اک پیرہ زن! -- از ن م راشد

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏ستمبر 26, 2007

  1. فرخ منظور

    فرخ منظور لائبریرین

    مراسلے:
    12,649
    جھنڈا:
    Pakistan
    موڈ:
    Cold
    زندگی اک پیرہ زن! -- از ن م راشد

    زندگی اک پیرہ زن!
    جمع کرتی ھے گلی کوچوں میں روز و شب پرانی دھجیاں!
    تیز، غم انگیز، دیوانہ ہنسی سے خندہ زن
    بال بکھرے، دانت میلے، پیرھن
    دھجیوں کا ایک سونا اور نا پیدا کراں، تاریک بن!

    لو ھوا کے ایک جھونکے سے اڑی ھیں ناگہاں
    ھاتھ سے اس کے پرانے کاغذوں کی بالیاں
    اور وہ آپے سے باھر ھو گئی
    اس کی حالت اور ابتر ھو گئی
    سہہ سکے گا کون یہ گہرا زیاں

    اب ھوا سے ہار تھک کر جھک گئی ھے پیرہ زن
    جھک گئی ھے پاؤں پر، جیسے دفینہ ھو وہاں!
    زندگی، تو اپنے ماضی کے کنوئیں میں جھانک کر کیا پائے گی

    اس پرانے اور زھریلی ھواؤں سے بھرے، سونے کنویں میں
    جھانک کر اس کی خبر کیا لائے گی
    اس کی تہہ میں سنگریزوں کے سوا کچھ بھی نہیں
    جز صدا کچھ بھی نہیں!
     
    • زبردست زبردست × 1
  2. فاتح

    فاتح لائبریرین

    مراسلے:
    15,751
    جھنڈا:
    Pakistan
    موڈ:
    Hungover
    بہت خوب جناب سخنور صاحب بہت ہی خوب۔
    آپ کے کہنے پر میں نے ضیا محی الدین کی آواز میں کچھ آڈیوز کے روابط ڈھونڈ نکالے ہیں اور اب انہیں پوسٹ کرنے والا ہوں۔
     
  3. محمد وارث

    محمد وارث لائبریرین

    مراسلے:
    25,289
    جھنڈا:
    Pakistan
    موڈ:
    Depressed
    بہت خوب، لا جواب
     
    • متفق متفق × 1
  4. لاریب مرزا

    لاریب مرزا محفلین

    مراسلے:
    5,643
    بہت اعلیٰ!! اتنا خوبصورت کلام شریکِ محفل کرنے کا شکریہ
     
    • دوستانہ دوستانہ × 1
  5. فرخ منظور

    فرخ منظور لائبریرین

    مراسلے:
    12,649
    جھنڈا:
    Pakistan
    موڈ:
    Cold
    بہت عنایت۔ اردو محفل پر ن م راشد کا مکمل کلام لائبریری کے اردو شاعری کے سیکشن میں دیکھا جا سکتا ہے۔
     
    • دوستانہ دوستانہ × 1
  6. لاریب مرزا

    لاریب مرزا محفلین

    مراسلے:
    5,643
    یہ اتفاق ہی ہے کہ لائبریری سیکشن کو کبھی نہیں کھنگالا۔ کسی روز فرصت سے کھنگالیں گے۔ ابھی تو یہ سوال ذہن میں آیا ہے کہ کچھ شعراء کا کلام پسندیدہ کلام اور لائبریری سیکشن دونوں جگہ موجود ہے۔ اس کی کیا وجہ ہے؟؟
     
  7. فرخ منظور

    فرخ منظور لائبریرین

    مراسلے:
    12,649
    جھنڈا:
    Pakistan
    موڈ:
    Cold
    چونکہ لائبریری میں تمام لوگوں کی دلچسپی نہیں ہوتی جیسے کہ آپ نے بھی اعتراف کیا۔ اسی لیے کم از کم میں اکثر دونوں جگہ کلام پوسٹ کرتا ہوں لیکن تمام نہیں۔ لائبریری میں سے چیدہ چیدہ۔
     
    • پسندیدہ پسندیدہ × 1
  8. لاریب مرزا

    لاریب مرزا محفلین

    مراسلے:
    5,643
    ہمارا سوال یہ تھا کہ اگر کلام پسندیدہ کلام میں پوسٹ ہو رہا ہے تو لائبریری سیکشن میں بھی پوسٹ کرنے کی کیا ضرورت ہے؟؟ ہیں تو دونوں محفل کا حصہ :) :)
     
  9. فرخ منظور

    فرخ منظور لائبریرین

    مراسلے:
    12,649
    جھنڈا:
    Pakistan
    موڈ:
    Cold
    لائبریری میں ایسا کلام پوسٹ کیا جاتا ہے جسے ایک ای کتاب شکل دینا مقصود ہو۔ اور ایک ہی دھاگے میں تمام کلام پوسٹ کیا جاتا ہے اور لائبریری سیکشن میں ہر خاص و عام کو تبصرے کا حق حاصل نہیں جس کی وجہ سے سنجیدہ کام بیکار کے مباحث کی نذر نہیں ہوتا۔
     
  10. لاریب مرزا

    لاریب مرزا محفلین

    مراسلے:
    5,643
    جی ٹھیک۔ ہم سمجھ گئے۔ اور یہ تو ہمیں پتا تھا کہ جو لائبریرین ہیں وہی لائبریری سیکشن میں تبصرہ کر سکتے ہیں۔
     
    • پسندیدہ پسندیدہ × 1

اس صفحے کی تشہیر