واصف روشنی، کائنات کی خُوشبو --- واصف علی واصف

[الف نظامی]

روشنی، کائنات کی خُوشبو​

چار سُو حُسنِ ذات کی خُوشبو​

​

فاصلے وقت کے سمٹتے ہیں​

جب مہکتی ہے رات کی خُوشبو​

​

دل کی گہرائیوں سے جب نکلے​

پھیلتی جائے بات کی خُوشبو​

​

آدمی کو عدم سے لاتی ہے​

عالمِ شش جہات کی خُوشبو​

​

تا قیامت رہے گی شرمندہ​

کربلا میں فرات کی خُوشبو​

​

اِک تعفّن، غرور کی دُنیا​

عاجزی میں نجات کی خُوشبو​

​

اپنے اپنے مزار میں واصف​

اپنی اپنی صفات کی خُوشبو​

​

واصف علی واصف​