داغ روتا ہے تجھ بغیر دلِ زار زار زار

[شوکت پرویز]

روتا ہے تجھ بغیر دلِ زار زار زار
اور کھینچتا ہے آہ شرربار بار بار

اے دل قمارِ عشق میں شاید ہو تیری جیت
پہلے نکال منہ سے نہ زنہار ہار ہار

بیمار عشق کا نہ کسی کو خدا کرے
عیسیٰ کو بھی رُلائے یہ آزار زار زار

ہم کو اداس کر کے جو صیاد لے چلا
کیا روئے دیکھ کر سوئے گلزار زار زار

بے ڈھب ہے یہ خرام عجب کیا کرے اگر
دامانِ حشر کو تِرے رفتار تار تار

وہ گل اگر نہ پاس ہو وقتِ شناوری
ہو ہم کو موجِ قلزمِ زخّار خار کار

اب داغ سے علاقہ رہا کیا وہ کون ہے
اب تو ہوئے ہیں آپ کے اغیار یار یار

 

[شوکت پرویز]

دوسرے اور چوتھے اشعار میں مجھے کچھ شک ہے، کہ میں نے اسے یہاں سے لیا ہے، اور وہاں یہ دو اشعار غلط لکھے ہوئے تھے (کیونکہ وہاں ان کا وزن درست نہیں)۔۔۔
اساتذہ و احباب سے التماس ہے کہ اگر اس میں کچھ غلطی ہو تو اسے درست کر دیں۔ جزاکم اللہ خیراً۔

 

[قیصرانی]

خوب

 

[طارق شاہ]

روتا ہے تجھ بغیر دلِ زار زار زار
اور کھینچتا ہے آہ شرربار بار بار

روتا ہے تجھ بغیر دلِ زار ، زار زار
اور کھینچتا ہے آہِ شرربار، بار بار

اے دل قمارِ عشق میں ، شاید ہو تیری جیت !
پہلے ، نِکال منہ سے نہ زنہار ، بار بار

بیمارعشق کا نہ کسی کو خُدا کرے
عیسیٰ کو بھی رُلائے یہ آزار ، زار زار

ہم کو اسِیر کر کے جو صیّاد لے چلا !
کیا روئے، دیکھ کر سوئے گلزار، زار زار

بے ڈھب ہے یہ خرام، عجب کیا ، کرے اگر !
دامانِ حشر کو تِرے ، رفتار تار تار

وہ گُل اگر نہ پاس ہو وقتِ شناوری !
ہو ہم کو موجِ قلزمِ زخّار خار کار

اب داغ سےعلاقہ رہا کیا ، وہ کون ہے ؟
اب تو ہُوئے ہیں آپ کے ، اغیار یار یار

داغ دہلوی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنی دانست میں ایسا صحیح گردانا
واللہ عالم

تشکّر شیئر کرنے پر
بہت خوش رہیں

 

[شیزان]

بہت عمدہ انتخاب

 

[طارق شاہ]

روتا ہے تجھ بغیر دلِ زار ، زار زار
اور کھینچتا ہے آہِ شرربار، بار بار

اے دل قمارِ عشق میں ، شاید ہو تیری جیت !
پہلے ، نِکال منہ سے نہ زنہار ، ہار ہار

بیمارعشق کا نہ کسی کو خُدا کرے
عیسیٰ کو بھی رُلائے یہ آزار ، زار زار

ہم کو اسِیر کر کے جو صیّاد لے چلا !
کیا روئے، دیکھ کر سوئے گلزار، زار زار

بے ڈھب ہے یہ خرام، عجب کیا ، کرے اگر !
دامانِ حشر کو تِرے ، رفتار تار تار

وہ گُل اگر نہ پاس ہو وقتِ شناوری !
ہو ہم کو موجِ قلزمِ زخّار، خار خار

اب داغ سےعلاقہ رہا کیا ، وہ کون ہے ؟
اب تو ہُوئے ہیں آپ کے ، اغیار یار یار

داغ دہلوی
۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔
کافی غور کرکے دیکھنے پر یہ شکل درست لگی ہے
کہ یہ، بہ نسبت بالا لکھوں کے ،خیال اور طریقہ پر شاعر کے قریب اور زیادہ ٹھیک لگتا ہے
واللہ عالم
کیا خیال ہے ؟

 

[عمر سیف]

بہت خوب