1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

جون ایلیا رنج ہے حالت سفر حال قیام رنج ہے

فرحان محمد خان نے 'پسندیدہ کلام' کی ذیل میں اس موضوع کا آغاز کیا، ‏مئی 14, 2017

  1. فرحان محمد خان

    فرحان محمد خان محفلین

    مراسلے:
    2,095
    جھنڈا:
    Pakistan
    موڈ:
    Cheeky
    رنج ہے حالت سفر حال قیام رنج ہے
    صبح بہ صبح رنج ہے شام بہ شام رنج ہے

    اس کی شمیم زلف کا کیسے ہو شکریہ ادا
    جب کہ شمیم رنج ہے جب کہ مشام رنج ہے

    صید تو کیا کہ صید کار خود بھی نہیں یہ جانتا
    دانہ بھی رنج ہے یہاں یعنی کہ دام رنج ہے

    معنئ جاودان جاں کچھ بھی نہیں مگر زیاں
    سارے کلیم ہیں زبوں سارا کلام رنج ہے

    بابا الف مری نمود رنج ہے آپ کے بقول
    کیا مرا نام بھی ہے رنج ہاں ترا نام رنج ہے

    کاسہ گداگری کا ہے ناف پیالہ یار کا
    بھوک ہے وہ بدن تمام وصل تمام رنج ہے

    جیت کے کوئی آئے تب ہار کے کوئی آئے تب
    جوہر تیغ شرم ہے اور نیام رنج ہے

    دل نے پڑھا سبق تمام بود تو ہے قلق تمام
    ہاں مرا نام رنج ہے ہاں ترا نام رنج ہے

    پیک قضا ہے دم بہ دم جونؔ قدم قدم شمار
    لغزش گام رنج ہے حسن خرام رنج ہے

    بابا الف نے شب کہا نشہ بہ نشہ کر گلے
    جرعہ بہ جرعہ رنج ہے جام بہ جام رنج ہے

    آن پہ ہو مدار کیا بود کے روزگار کا
    دم ہمہ دم ہے دوں یہ دم وہم دوام رنج ہے

    رزم ہے خون کا حذر کوئی بہائے یا بہے
    رستم و زال ہیں ملال یعنی کہ سام رنج ہے
    جون ایلیا
     

اس صفحے کی تشہیر