اقبال رباعیات - علامہ محمد اقبال

[دل پاکستانی]

فراغت دے اسے کار جہاں سے
کہ چھوٹے ہر نفس کے امتحاں سے
ہوا پيري سے شيطاں کہنہ انديش
گناہ تازہ تر لائے کہاں سے
۔۔۔۔۔۔۔۔۔۔۔۔۔۔۔۔۔
دگرگوں عالم شام و سحر کر
جہان خشک و تر زير و زبر کر
رہے تيري خدائي داغ سے پاک
مرے بے ذوق سجدوں سے حذر کر
۔۔۔۔۔۔۔۔۔۔۔۔۔۔۔۔۔
غريبي ميں ہوں محسود اميري
کہ غيرت مند ہے ميري فقيري
حذر اس فقر و درويشي سے، جس نے
مسلماں کو سکھا دي سر بزيري
۔۔۔۔۔۔۔۔۔۔۔۔۔۔۔۔۔
خرد کي تنگ داماني سے فرياد
تجلي کي فراواني سے فرياد
گوارا ہے اسے نظارئہ غير
نگہ کي نا مسلماني سے فرياد
۔۔۔۔۔۔۔۔۔۔۔۔۔۔۔۔۔
کہا اقبال نے شيخ حرم سے
تہ محراب مسجد سو گيا کون
ندا مسجد کي ديواروں سے آئي
فرنگي بت کدے ميں کھو گيا کون؟
۔۔۔۔۔۔۔۔۔۔۔۔۔۔۔۔۔
ترے دريا ميں طوفاں کيوں نہيں ہے
خودي تيري مسلماں کيوں نہيں ہے
عبث ہے شکوۂ تقدير يزداں
تو خود تقدير يزداں کيوں نہيں ہے؟

 

[عمران شناور]

شکریہ جناب دل پاکستانی!

 

[دل پاکستانی]

شکریہ عمران صاحب۔ ورنہ یہاں اقبال کا کلام پیش کرنے پر لوگ شکریہ ادا کرنے میں کمال کنجوسی کا مظاہرہ کرتے ہیں۔ شاید اقبال کا کلام آسانی سے ہضم نہیں ہوتا اسلئے

 

[محمد وارث]

نہیں، بلکہ اس کی وجہ یہ ہے کہ اقبال کا کلام ہر جا، ہر جگہ 'سیروں' کے لحاظ سے موجود ہے، 'رباعیات اقبال' کے نام ہی سے ایک اور تھریڈ یہاں موجود ہے اور اس میں رباعیات بھی زیادہ ہیں، بہرحال آپ لگے رہیئے، داد اور صلے کی پرواہ مت کریں!

 

[دل پاکستانی]

شکریہ جناب وارث صاحب۔ میرا مقصد داد وصول کرنا نہیں تھا بلکہ عام مشاہدے کی بات کی تھی۔ بری لگی ہو تو معذرت خواہ ہوں۔