مصطفیٰ زیدی راکھ

[غزل قاضی]

راکھ​

​

میں رات ایسے جزیرے میں تھا جہاں مجھ کو​

ہر ایک ٹھوس حقیقت مِلی گماں کی طرح​

​

پکارتا تھا پُراَسرار عالم موجود​

تھکی تھکی ہُوئی ارواح ِ رفتگاں کی طرح​

​

دَمک رہا تھا ہر اک گوشہ ء وطن لیکن​

خزاں کی دھوپ میں صحرائے بیکراں کی طرح​

​

مَیں اپنی قوم سے اپنی زباں میں گویا تھا​

زبان ِ شہر ِ خموشاں کے ترجماں کی طرح​

​

سجے ہُوئے تھے سنگھاسن پہ عارضی حاکم​

قوائے ارض و سما کے مزاج داں کی طرح​

​

ہر ایک شخص طلب گار تھا کہ شام و سحر​

اُسی کا نام لیا جائے اور اذاں کی طرح​

​

مصطفیٰ زیدی​

​

(کوہ ِ ندا)​

 

[عمر سیف]

مَیں اپنی قوم سے اپنی زباں میں گویا تھا​

زبان ِ شہر ِ خموشاں کے ترجماں کی طرح​

ہر ایک شخص طلب گار تھا کہ شام و سحر​

اُسی کا نام لیا جائے اور اذاں کی طرح​

واہ ۔​

 

[غزل قاضی]

شکریہ عمر سیف صاحب !

 

[عمراعظم]

زبردست۔ شکریہ شیئر کرنے کے لئے۔

 

[غزل قاضی]

انتخاب پسند فرمانے کا شکریہ عمر اعظم صاحب !