راجہ رینٹل کیس کو تفہیم دینی چاہئے از نویدظفرکیانی

[نویدظفرکیانی]

راجہ رینٹل کیس کو تفہیم دینی چاہئے
ڈاکوؤں چوروں کو بھی تکریم دینی چاہئے​

​

پی سی بی سے منتخب ہوتے نہیں ہیں کرکٹر
گلی ڈنڈے کی اسے اک ٹیم دینی چاہئے​

​

بولڈ کرنا چاہئے پہلے ہی ہلے میں اِسے
باؤلنگ بہرِ کرپشن سیم دینی چاہئے​

​

رتبہء جمہور جب روزِ الیکش بڑھ گیا
تو گدھوں کو بھی بہت تعظیم دینی چاہئے​

​

یاد بندر کی قلابازی اگر آئے تجھے
تو سیاست کو یہی تجسیم دینی چاہئے​

​

قول دینا چاہئے بیگم کو الفت کا مگر
جان حسبِ خواہشِ تحریم دینی چاہئے​

​

پہلے لینا چاہئے اسٹامپ پر عہدِ وفا
پھر کسی کو پیار کی اقلیم دینی چاہئے​

​

ہانکتے ہیں دل کے لینے اور دینے پر گپیں
شاعروں کو میڈیکل تعلیم دینی چاہئے​

​

ایم این اے کو جعلی ڈگری کی اجازت ہو ظفر
اک نئی دستورمیں ترمیم دینی چاہئے​

​

نویدظفرکیانی​

 

[محمد خلیل الرحمٰن]

راجہ رینٹل کیس کو تفہیم دینی چاہئے​

ڈاکوؤں چوروں کو بھی تکریم دینی چاہئے​

​

​

رتبہء جمہور جب روزِ الیکش بڑھ گیا​

تو گدھوں کو بھی بہت تعظیم دینی چاہئے​

​

یاد بندر کی قلابازی اگر آئے تجھے​

تو سیاست کو یہی تجسیم دینی چاہئے​

​

​

ایم این اے کو جعلی ڈگری کی اجازت ہو ظفر​

اک نئی دستورمیں ترمیم دینی چاہئے​

​

​

داد قبول فرمائیے جناب۔ کیا سیاسی غزل ہے ، بہت خوب

 

[نیرنگ خیال]

لاجواب۔۔۔ بہت ہی عمدہ۔۔ زبردست

رتبہء جمہور جب روزِ الیکش بڑھ گیا
تو گدھوں کو بھی بہت تعظیم دینی چاہئے