افتخار عارف رات دن خواب بنتی ہوئی زندگی

[زبیر مرزا]

رات دن خواب بنتی ہوئی زندگی
دل میں نقد اضافی کی لو
آنکھ بارِ امانت سے چُور
موج خوں بے نیاز مآل
دشت بےرنگ سے درد کے پھول چُنتی ہوئی زندگی
خوف و اماندگی سے حجل
آرزوؤں کے آشوب سے مضمحل
منہ کے بل خاک پر آ پڑی
ہر طرف اک بھیانک سکوت
کوئی نوحہ نہ آنسونہ پھول
حاصل جسم و جاں بے نشاں رہ گزاروں کی دھول
اجنبی شہر میں
خاک برسر ہوئی زندگی
کیسی بے گھر ہوئی زندگی

افتخار عارف​

 

[محمد بلال اعظم]

کوئی نوحہ نہ آنسونہ پھول​

حاصل جسم و جاں بے نشاں رہ گزاروں کی دھول​

اجنبی شہر میں​

خاک برسر ہوئی زندگی​

کیسی بے گھر ہوئی زندگی​

کیا خوبصورت کہا ہے عارف صاحب نے​

 

[محمد وارث]

شکریہ زحال مرزا صاحب پوسٹ کرنے کیلیے۔

 

[کاشفی]

بہت خوب زحال مرزا صاحب!