طارق شاہ
محفلین
غزل
رئیس امروہی
خاموش زندگی جو بسر کر رہے ہیں ہم
گہرے سمندروں میں سفر کر رہے ہیں ہم
صدیوں تک اہتمامِ شبِ ہجر میں رہے !
صدیوں سے انتظارِ سحر کر رہے ہیں ہم
ذرّے کے زخمِ دل پہ توجّہ کئے بغیر
درمانِ دردِ شمس و قمر کر رہے ہیں ہم
صُبحِ ازل سے شامِ ابد تک ہے ایک دِن
یہ دِن تڑپ تڑپ کے بسر کر رہے ہیں ہم
کوئی پُکارتا ہے ہر اک حادثے کے ساتھ
تخلیق کائناتِ دگر کر رہے ہیں ہم
ہم اپنی زندگی تو بَسر کر چُکے رئیس !
یہ کِس کی زیست ہے جو بَسرکررہے ہیں ہم
رئیس امروہی
رئیس امروہی
خاموش زندگی جو بسر کر رہے ہیں ہم
گہرے سمندروں میں سفر کر رہے ہیں ہم
صدیوں تک اہتمامِ شبِ ہجر میں رہے !
صدیوں سے انتظارِ سحر کر رہے ہیں ہم
ذرّے کے زخمِ دل پہ توجّہ کئے بغیر
درمانِ دردِ شمس و قمر کر رہے ہیں ہم
صُبحِ ازل سے شامِ ابد تک ہے ایک دِن
یہ دِن تڑپ تڑپ کے بسر کر رہے ہیں ہم
کوئی پُکارتا ہے ہر اک حادثے کے ساتھ
تخلیق کائناتِ دگر کر رہے ہیں ہم
ہم اپنی زندگی تو بَسر کر چُکے رئیس !
یہ کِس کی زیست ہے جو بَسرکررہے ہیں ہم
رئیس امروہی
آخری تدوین:
