دھوپ، چھاؤں

[جاسمن]

ارمؔ پر دھوپ کا احساس غالب آ نہیں سکتا
مرے سر پر ابھی تک سایۂ دیوار زندہ ہے

ارم زہرا

 

[جاسمن]

وصل کی دھوپ بڑی سرد ہوا کرتی تھی
ہم ترے ہجر کی چھاؤں میں جلا کرتے تھے
نجیب احمد

 

[جاسمن]

دھوپ ہے اور بہت ہے لیکن
چھاؤں اس سے بھی سوا ہے مجھ میں
رئیس فروغ

 

[جاسمن]

کیوں نہ سورج کی تمازت کا بھرم رکھنے کو
نرم چھاؤں میں کڑی دھوپ ملالی جائے
علینا عترت

 

[جاسمن]

خود اُڑ گیا ہے ابرِ گریزاں کے رُوپ میں
محرومیوں کی دھوپ میں پھیلا دیا مجھے

 

[جاسمن]

چھتوں سے دھوپ تو رُکتی ہے، بھُوک ٹلتی نہیں
تلاشِ رزق میں گھر سے نکلنا پڑتا ہے

 

[مومن فرحین]

سفر میں دھوپ تو ہوگی جو چل سکو تو چلو
سبھی ہیں بھیڑ میں تم بھی نکل سکو تو چلو

ندا فاضلی

 

[جاسمن]

بچا لیا تھا خواب جو مسافتوں کی دھوپ سے
وہ ابر و باد منظروں کے درمیان کھو دیا
ایوب خاور

 

[سیما علی]

ہجر کی دھوپ میں چھاؤں جیسی باتیں کرتے ہیں
آنسو بھی تو ماؤں جیسی باتیں کرتے ہیں

افتخار عارف

 

[سیما علی]

دور صحرا کی کڑی دھوپ میں چھاؤں جیسا
وہ تو لگتا تھا مجھے میری دعاؤں جیسا

اویس الحسن خان

 

[سیما علی]

چھاؤں کی شکل دھوپ کی رنگت بدل گئی
اب کے وہ لو چلی ہے کہ صورت بدل گئی

فاروق شفق

 

[لاريب اخلاص]

مجھ کو چھاؤں میں رکھا اور خود بھی وہ جلتا رہا
میں نے دیکھا اک فرشتہ باپ کی پرچھائیں میں
نامعلوم

 

[لاريب اخلاص]

اب ہم کو شفقتوں کی گھنی چھاؤں کیا ملے
جتنے تھے سایہ دار شجر سارے کٹ گئے
ساغرؔ اعظمی

 

[لاريب اخلاص]

یادوں کے درختوں کی حسیں چھاؤں میں جیسے
آتا ہے کوئی شخص بہت دور سے چل کے
خورشید احمد جامی

 

[سیما علی]

بیٹھ جاتا ہوں جہاں چھاؤں گھنی ہوتی ہے
ہائے، کیا چیز غریب الوطنی ہوتی ہے

حفیظ جونپوری

 

[شمشاد]

شدید دھوپ میں سارے درخت سوکھ گئے
بس اک دعا کا شجر تھا جو بے ثمر نہ ہوا
(علینا عترت)

 

[مومن فرحین]

تمہارے شہر کی ہر چھاؤں مہرباں تھی مگر
جہاں پہ دھوپ کڑی تھی وہاں شجر ہی نہ تھا

پروین شاکر

 

[جاسمن]

ذکیؔ ہمارا مقدر ہیں دھوپ کے خیمے
ہمیں نہ راس کبھی آیا سائبان کوئی
طارق ذکی

 

[گُلِ یاسمیں]

کڑی ہے دھوپ سر پرِ ، کس طرح سائے بچاؤ گے
سفر دشوار ہے اب سوچ لو، کیا ساتھ آؤ گے

نوید ہاشمی

 

[سیما علی]

دھوپ کی شاخ پہ اندر سے بھی جھلسا ہوا میں
چودھویں چاند سے پانی میں اترتے ہوئے تم)