دنیا تے آیا کوئی تیری نہ مثال دا

زبیر مرزا

محفلین
image.axd



دنیا تے آیا کوئی تیری نہ مثال دا
میں لبھ کے لیاواں کتھوں سوہنا تیرے نال دا​
حُسن وی غلامی کرے، عشق تیرا پانی بھرے
چن سینہ چیر دیوے انگلی اشارہ کرے
جیہڑا اونہوں ویکھے، پھرے دل نوں‌سنبھال دا​
میں لبھ کے لیاواں کتھوں‌سوہنا تیرے نال دا
تیریاں تے صفتاں دا کوئی وی حساب نئیں
توں تے کتھے تیریاں غلاماں داجواب نئیں
حُوراں نوں تو روپ ونڈیں حبشی بلال دا​
میں لبھ کے لیاواں کتھوں سوہنا تیرے نال دا
پوچھ لے حدیث کولوں، پچھ لے قرآن توں
گلیاں مدینے دیاں ودھ نیں جہان توں
ایسا روضہ ویکھیا نہ کسے لج پال دا​
میں لبھ کے لیاواں کتھوں سوہنا تیرے نال دا
اسی کی ظہوری نالے ساڈا کی بیان اے
ساریاں توں وڈّا نعت خوان تے قرآن اے
سورتاں سیپارے رنگ سوہنے دے جمال دا​
میں لبھ کے لیاواں کتھوں سوہنا تیرے نال دا
دنیا تے آیا کوئی تیری نا مثال دا
میں لبھ کے لیاواں کتھوں سوہنا تیرے نال دا​
(محمد علی ظہوری رحمۃ اللہ علیہ)
 

نایاب

لائبریرین
سبحان اللہ
ان گنت درود و سلام آپ جناب نبی پاک صلی اللہ علیہ و آلہ وسلم کی ذات پاک پر
بلا شبہ بہت خوب نعت مبارکہ شریک محفل کی ۔
ڈھیروں دعائیں
 
Top