جون ایلیا دل میں اور دنیا میں اب نہیں ملیں گے ہم

[Saraah]

دل میں اور دنیا میں اب نہیں ملیں گے ہم
وقت کے ہمیشہ میں اب نہیں ملیں گے ہم

اپنی بے تقاضائی اپنی وضع ٹھہری ہے
حال ِ پر تقاضا میں اب نہیں ملیں گے ہم

اب نہیں ملیں گے ہم کوچہ تمنا میں
کوچہ تمنا میں اب نہیں ملیں گے ہم

ایک خواب تھا دیروز ایک فسوں تھا امروز
اور کسی بھی فردا میں اب نہیں ملیں گے ہم

اب جنون ہے اپنا گوشہ گیر تنہائی
سو دیار وصحرا میں اب نہیں ملیں گے ہم

حرف زن نہ ہوں گے لبِ جاوداں خاموشی میں
ہاں کسی بھی معنیٰ میں اب نہیں ملیں گے ہم

زنگی شتاباں ہے شہر ِ خفتہ کی جانب
شہر ِ شور و غوغا میں اب نہیں ملیں گے ہم

ایک حال بے حالی دل کا طور ٹھہرا ہے
حالِ حالت افزا میں اب نہیں ملیں گے ہم

 

[ظفری]

اپنی بے تقاضائی اپنی وضع ٹھہری ہے
حال ِ پر تقاضا میں اب نہیں ملیں گے ہم​

واہ بہت خوب ۔۔۔۔۔مابدولت کو پسند آئی ۔

محفل پر شئیرنگ کے لیئے بہت بہت شکریہ ۔

 

[فرخ منظور]

شکریہ سارہ! یہ کلام کس شاعر کا ہے؟ شاید کچھ ٹائپنگ کی بھی اغلاط ہیں۔

 

[خواجہ طلحہ]

شکریہ سارہ! یہ کلام کس شاعر کا ہے؟ شاید کچھ ٹائپنگ کی بھی اغلاط ہیں۔

بھی سے کیا مطلب ہوا؟ کیا کلام میں کچھ کلام ہے؟

 

[Saraah]

شکریہ سارہ! یہ کلام کس شاعر کا ہے؟ شاید کچھ ٹائپنگ کی بھی اغلاط ہیں۔

یہ جون ایلیا کی غزل ہے ۔۔۔پلیز مجھے ضرور بتائیں کہاں غلطیاں ہیں

 

[حسن جاوید]

بہت خوب۔۔۔۔۔
مجھے بہت پسند آئی ہے ۔۔۔ شئیرنگ کے لیئے بہت بہت شکریہ ۔

 

[Saraah]

ظفری ،حسن جاوید پسندیدگی کے لیے بہت شکریہ

 

[فرخ منظور]

سارہ اس شعر میں شاید خموشی ہونا چاہیے۔ ہو سکے تو کتاب سے دوبارہ دیکھ لیں۔
حرف زن نہ ہوں گے لبِ جاوداں خاموشی میں
ہاں کسی بھی معنیٰ میں اب نہیں ملیں گے ہم

اس شعر کے پہلے مصرع میں شاید زندگی ہونا چاہیے۔ اسے بھی کتاب سے دوبارہ دیکھ لیجیے۔
زنگی شتاباں ہے شہر ِ خفتہ کی جانب
شہر ِ شور و غوغا میں اب نہیں ملیں گے ہم

 

[Saraah]

جی میں نے دیکھ لیا ہے ایسے ہی لکھا ہے

 

[محمد وارث]

سارہ اس شعر میں شاید خموشی ہونا چاہیے۔ ہو سکے تو کتاب سے دوبارہ دیکھ لیں۔
حرف زن نہ ہوں گے لبِ جاوداں خاموشی میں
ہاں کسی بھی معنیٰ میں اب نہیں ملیں گے ہم

اس شعر کے پہلے مصرع میں شاید زندگی ہونا چاہیے۔ اسے بھی کتاب سے دوبارہ دیکھ لیجیے۔
زنگی شتاباں ہے شہر ِ خفتہ کی جانب
شہر ِ شور و غوغا میں اب نہیں ملیں گے ہم

جی میں نے دیکھ لیا ہے ایسے ہی لکھا ہے

تو پھر اس کا مطلب ہے کہ کتاب میں بھی غلطیاں ہیں۔

پہلے شعر میں لب کی نیچے اضافت نہیں ہے، اور خاموشی کی جگہ خموشی ہے، وگرنہ وزن خراب ہوگا، درست شعر یوں ہے

حرف زن نہ ہوں گے لب، جاوداں خموشی میں
ہاں کسی بھی معنیٰ میں اب نہیں ملیں گے ہم

دوسرے شعر میں 'زندگی' ہی چاہیئے۔