دعائیہ کلام

رشدیٰ ندا

محفلین
فن کو ایسا کمال دے یارب

جس کی دنیا مثال دے یارب


دل سیہ ہوگئے اندھیروں سے

تُو ہی ان کو اجال دے یارب


میرے سجدے جواب دیں سارے

مجھ کو ایسے سوال دے یارب


غم کئی بَس گئے مرے دل میں

اُن کو جَڑ سے نکال دے یارب


دولتوں سے غرض نہیں کوئی

صرف رزقِ حلال دے یارب


دین و دنیا کی خیر ہو جس میں

ایسے عمدہ خیال دے یارب


اک ردائے حجاب دے مجھ کو

حسن بھی بے مثال دے یارب


کشتیاں ہیں بھنور میں ایماں کی

تُو ہی ان کو اچھال دے یارب


ہم کو اپنا اسیرِ الفت کر

عشق بھی لازوال دے یارب
 
Top