ابن انشا دشت پڑتا ہے میاں عشق میں گھر سے پہلے ۔ ابن انشا

اپنے ہمراہ جو آتے ہو ادھر سے پہلے
دشت پڑتا ہے میاں عشق میں گھر سے پہلے

چل دیے اٹھ کے سوئے شہرِ وفا کوئے حبیب
پوچھ لینا تھا کسی خاک بسر سے پہلے

عشق پہلے بھی کیا، ہجر کا غم بھی دیکھا
اتنے تڑپے ہیں نہ گھبرائے نہ ترسے پہلے

جی بہلتا ہی نہیں اب کوئی ساعت، کوئی پل
رات ڈھلتی ہی نہیں چار پہر سے پہلے

ہم کسی در پے ٹکے اور نہ کہیں دستک دی
سینکڑوں در تھے مری جاں ترے در سے پہلے

چاند سے آنکھ ملی، جی کا اجالا جاگا
ہم کو سو بار ہوئی صبح سحر سے پہلے
ابن انشا​

 

واہ
کیا بات ہے انشا جی کی

 

بہت عمدہ کلام

 

بہت شکریہ بلال اور نیلم

 

چل دیے اٹھ کے سوئے شہرِ وفا کوئے حبیب
پوچھ لینا تھا کسی خاک بسر سے پہلے

سدا بہار کلام فاتح بھائی۔ بہت عمدہ۔ شکریہ

 

شکریہ! آپ کو پسند آیا ہمیں قیمت وصول پائی

 

ہم کسی در پے ٹکے اور نہ کہیں دستک دی
سینکڑوں در تھے مری جاں ترے در سے پہلے
بہت خوب ۔۔۔۔۔۔۔۔۔۔۔۔۔۔۔۔۔۔

 

شکریہ امیداورمحبت

 

فاتح بھائی بہت خوبصورت انتخاب
چل دیے اٹھ کے سوئے شہرِ وفا کوئے حبیب
پوچھ لینا تھا کسی خاک بسر سے پہلے
واہ ۔ ۔۔ کیا بات ہے

 

شکریہ بزرگوار۔۔۔ محبت ہے آپ کی

 

چل دیے اٹھ کے سوئے شہرِ وفا کوئے حبیب
پوچھ لینا تھا کسی خاک بسر سے پہلے
واہ واہ۔۔۔۔۔کیا عمدہ غزل ہے۔

 

شکریہ مدیحہ گیلانی صاحبہ

 

ہم کسی در پے ٹکے اور نہ کہیں دستک دی
سینکڑوں در تھے مری جاں ترے در سے پہلے

بہت خوب!

 

بہت شکریہ

 

ہم کسی در پے ٹکے اور نہ کہیں دستک دی
سینکڑوں در تھے مری جاں ترے در سے پہلے

خوب۔

 

بہت خوب۔ ابن انشاء زندہ باد

 

شکریہ

 

شکریہ اور آپ کی "انشا" پردازی پائندہ باد

 

لاجواب۔ بہت شکریہ فاتح صاحب ارسال فرمانے کیلیے۔

 

انتخاب پسند فرمانے پر ممنون ہوں وارث صاحب