خواب - مالی کا کام سرانجام

منیب الف نے 'روز مرہ کے معمولات سے' کی ذیل میں اس موضوع کا آغاز کیا، ‏دسمبر 12, 2018

  1. منیب الف

    منیب الف محفلین

    مراسلے:
    400
    کیا آپ یوٹیوب دیکھتے ہیں؟
    دیکھتے ہی ہوں گے!
    علامہ فوراً بغل گیروی کا نام سنا ہے؟
    شاید نہ سنا ہو!
    اصلی نام ان کا فرحت عباس شاہ ہے جو شاعری کے بعد اب pranks کر کے بھی خوب نام کما رہے ہیں۔
    علامہ صاحب نے ایک فاسٹ فوڈ دکان پر prank کیا تھا جو میرے گھر کے بہت قریب ہے۔
    آج کے خواب میں جو لان مجھے نظر آیا، وہ اسی دکان سے دو چار گھر آگے چھوڑ کر موجود ہے۔
    اس تمہید کے بعد اب خواب سنیے:
    ہوتا کچھ یوں ہے کہ میں گلی کی نکڑ پہ ایک بڑے لان کے آگے کھڑا مالیوں کا انتظار کر رہا ہوں۔
    میری ذمہ داری ہے کہ میں لان میں لگے ایک کافی بڑے اور اونچے درخت کی ایک مخصوص شاخ کٹواؤں۔
    یہ ذمہ داری شاید لان کے مالک نے مجھے سونپی ہے لیکن خواب میں وہ بذاتِ خود موجود نہیں۔
    خیر، کافی دیر انتظار کرنے کے بعد بالآخر سامنے سے دو مالی آتے دکھائی دیتے ہیں۔
    انھیں دیکھ کر میں سوچتا ہوں،
    ”منیب! مالی تو آ گئے لیکن تھکے ہارے لگتے ہیں۔
    شاید پہلے ہی کہیں محنت مزدوری کر کے آ رہے ہیں۔“
    جب وہ قریب پہنچتے ہیں تو میں انھیں کہتا ہوں،
    ”کافی دیر لگا دی آپ نے!
    اس درخت کی ایک بڑی شاخ کاٹنی ہے، کاٹ لیں گے؟“
    وہ معذرت کرتے ہوئے کہتے ہیں،
    ”بھائی! ہمیں پتہ نہیں تھا کام ایسا محنت طلب ہے۔
    اس میں کافی وقت لگ جائے گا۔
    ہمیں پتہ ہوتا تو ہم پہلے یہیں آ جاتے۔
    اب تو کافی تھک چکے ہیں۔
    ان شاء اللہ، کل کسی وقت آ جائیں گے۔“
    ان کے رخصت ہونے کے بعد میں سوچتا ہوں،
    ”منیب! کل کا انتظار کون کرے؟
    بہتر ہے میں خود ہی شاخ کاٹنے کی کوشش کروں۔“
    یہ سوچتے ہی میں درخت کے تنے پہ چڑھ جاتا ہوں۔
    میرے پاس کلہاڑی وغیرہ تو نہیں ہوتی لیکن میں چھلانگ لگا کر شاخ کے ساتھ لٹک جاتا ہوں
    اور اپنے وزن کے ساتھ اسے نیچے گرانے میں کامیاب ہو جاتا ہوں۔
    میں کہتا ہوں،
    ”واہ منیب،
    بظاہر ایسی سخت نظر آنے والی شاخ اندر سے اتنی نرم نکلی!
    یہ کام تو میں نے اکیلے ہی انجام دے دیا۔“
    اسی فتح مندی کے احساس کے ساتھ خواب کی شاخیں بھی ٹوٹ جاتی ہیں :wiltedrose:
     
    • معلوماتی معلوماتی × 1
  2. منیب الف

    منیب الف محفلین

    مراسلے:
    400
    م حمزہ بھائی
    یہ ہے تازہ ترین خواب :)
     
    • پسندیدہ پسندیدہ × 2
  3. م حمزہ

    م حمزہ محفلین

    مراسلے:
    4,039
    موڈ:
    Cool
    ایک بات تو طے ہے کہ آپ کو اپنے خواب بہت اچھے طریقے سے یاد رہتے ہیں۔ ایسا لگتا ہے کہ جس لمحہ خواب دیکھنا شروع اسی لمحہ قلم لیکر اسے لکھنا بھی شروع کردیتے ہیں۔ ایک ذرا سا سین بھی آپ مِس نہیں کرتے۔ ایسے میں مجھے S T Coleridge کی : Kubla Khan: a vision in a dream مجھے بہت یاد آتی ہے۔ وہ بیچارہ بھی پوری پُوئم نہیں لکھ پایا تھا۔
     
    • پسندیدہ پسندیدہ × 1
    • دوستانہ دوستانہ × 1
  4. منیب الف

    منیب الف محفلین

    مراسلے:
    400
    بہت شکریہ م حمزہ بھائی :rose:
    ٹھیک سے یاد نہیں لیکن شاید میں نے اس نظم کا کچھ حصہ سکول یا کالج کے کورس میں پڑھا ہے۔
    آپ نے تجسس بیدار کر دیا ہے۔
    اب اسے دوبارہ پڑھنا پڑے گا :glasses-nerdy:
     
    • پسندیدہ پسندیدہ × 2

اس صفحے کی تشہیر