طارق شاہ
محفلین
غزل
خراشِ دل پہ جمائی تھی جو کمال کے ساتھ
وہ دُھول زخم کی صُورت ہٹی خیال کے ساتھ
تمام عمر کٹے کیوں نہ پھرملال کے ساتھ
جو فیصلے ہوں محبّت کےاشتعال کے ساتھ
مری حیات کو،جھونکے ہوئے بہار کے اب
وہ چند لمحے جو بیتے تھے خوش جمال کے ساتھ
سمجھ سکے نہ تعلق وہ، لاکھ سمجھایا
گو گفتگو رہی اُن سے مری مثال کے ساتھ
تھی کیسی دُور نگاہی ، نظر نہ آیا اُنھیں
خود اپنا خاک میں ملنامرے زوال کے ساتھ
کچھ اور ساتھ بھی رہتے تو کیا بدل جاتا
نبردآرا ہی رہتے کسی ملال کے ساتھ
حق اپنا مفت میں مجھ پر جما رہے تھے خلش
بسر کچھ اور تھا مشکل اب اُس دیال کے ساتھ
شفیق خلش