بشیر بدر خدا ہم کو ایسی خدائی نہ دے ۔ بشیر بدر

[فاتح]

خدا ہم کو ایسی خدائی نہ دے
کہ اپنے سوا کچھ دکھائی نہ دے

خطا وار سمجھے گی دنیا تجھے
اب اتنی زیادہ صفائی نہ دے

ہنسو آج اتنا کہ اس شور میں
صدا سسکیوں کی سنائی نہ دے

مجھے ایسی جنت نہیں‌ چاہیے
جہاں سے مدینہ دکھائی نہ دے

خدا ایسے احساس کا نام ہے
رہے سامنے اور دکھائی نہ دے
بشیر بدر​

گلوکار: مسعود خان اور شیلو خان

گلوکارہ: چترا سنگھ

 

[محمد وارث]

واہ واہ واہ کیا خوبصورت غزل ہے۔

بہت شکریہ فاتح صاحب

 

[مہ جبین]

بہت خوب فاتح بھائی

 

[امیداورمحبت]

خطا وار سمجھے گی دنیا تجھے​

اب اتنی زیادہ صفائی نہ دے​

خوبصورت ۔۔۔۔۔۔۔۔۔۔۔۔۔۔