شو کمار بٹالوی جی چاہے پنچھی ہو جاواں

جی چاہے پنچھی ہو جاواں
اڈداں جاواں ، گاؤندا جاواں
ان چھوہ سکھراں نوں چھوہ پاواں
ایس دنیا دیاں راہواں بھل کے،
پھیر کدی واپس نہ آواں
جی چاہے پنچھی ہو جاواں

جا اشنان کراں وچہ زم زم
لا ڈیکاں پیاں ڈان دا پانی
مان سرووردے بیہہ کنڈھے
ٹٹا جیہا اک گیت میں گاواں
جا بیٹھاں وچہ کِھڑیاں روہیاں،
پَھکاں پوناں عطر سنجویاں
ہِمٹسیاں موئیاں موئیاں،
یُگاں یُگاں توں ککر ہویاں
گُھٹ کلیجے میں گرماواں
جی چاہے پنچھی ہو جاواں

ہوئے آلہنا وچہ شتوتاں،
جاں وچہ جنڈ ،کریر، سروٹاں،
آؤن پرے دے سیت فراٹے،
لچکارے ایوں لین ڈالیاں،
جیوں کوئی ڈالی کھیڈے جڑیاں،
وال کھلاری لے لے جھوٹاں
اک دن ایسا جھکڑ جھلے،
اڈ پڈ جاون سبھے تیلے،
بے گھر بے در میں ہو جاواں
ساری عمر پیاں رس غم دا،
ایسے نشے وچہ جند ہنڈاواں
جی چاہے پنچھی ہو جاواں
 
Top