جی میں آئے جو کچھ کہا جائے
کس لیے آپ میں گُھٹا جائے
کیا خبر یہ نہیں تو اگلی بات
دل سے دنیا کو میری بھا جائے
روتے رہنے سے فائدہ کیا ہے
اور لوگوں کا اس میں کیا جائے
غم سے بچنا کہ بھیڑیا ہے غم
اے مری جان تجھ کو کھا جائے
ایک مدت سے چاہتا ہوں میں
مجھ کو جینے کا ڈھنگ آ جائے
دل ہی جب مطمئن نہیں ہے مرا
مجھ سے کس طرح خوش رہا جائے
ایسے پتھرا چکا ہوں اب کے میں
کوئی کتنا بھی آ ستا جائے
باندھ رکھوں اجالے اپنے کہیں
یوں نہ ہو پھر سے رات چھا جائے
کیا بگاڑا ہے میں نے سب کا عظیم
کوئی آئے مجھے بتا جائے
*****
