عبیداللہ علیم جی جان سے اے ارضِ وطن مان گئے ہم ۔ عبید اللہ علیمؔ

[فاتح]

جی جان سے اے ارضِ وطن مان گئے ہم
جب تُو نے پکارا ترے قربان گئے ہم

جو دوست ہُوا اُس پہ محبت کی نظر کی
دشمن پہ ترے صورتِ طوفان گئے ہم

ہم ایسے وفادار و پرستار ہیں تیرے
جو تُو نے کہا تیرا کہا مان گئے ہم

مرہم ہیں ترے ہونٹ، مسیحا ہے تری زلف
ہم موجۂ گُل تھے کہ پریشان گئے ہم

افسوں نہ کوئی چلنے دیا حیلہ گراں کا
ہر شکل عدو کی ترے پہچان گئے ہم

خاکِ شہدا نے ترے پرچم کو دعا دی
لہرا کے جو پرچم نے کہا جان گئے ہم
(عبید اللہ علیم) 1965ء
​

 

[کاشفی]

بہت خوب جناب فاتح صاحب!

 

[عائشہ عزیز]

بہت ہی عمدہ شیئرنگ ہے بھیا

 

[فاتح]

کاشفی صاحب، عائشہ عزیز صاحبہ اور دیگر تمام پسند کرنے والوں کا بھی بے حد شکریہ!