مصطفیٰ زیدی جو دن گزر گئے ہیں ترے التفات میں ۔مصطفیٰ زیدی

[شعیب خالق]

جو دن گزر گئے ہیں ترے التفات میں
میں ان کو جوڑ لوں کہ گھٹا دوں حیات میں

کچھ میں ہی جانتا ہوں جو مجھ پر گزر گئی
دنیا تو لطف لے گی مرے واقعات میں

میرا تو جرم تذکرہ عام ہے مگر
کچھ دھجیاں ہیں میری زلیخا کے ہاتھ میں

آخر تمام عمر کی وسعت سما گئی
اک لمحۂ گزشتہ کی چھوٹی سے بات میں

اے دل ذرا سی جرأت رندی سے کام لے
کتنے چراغ ٹوٹ گئے احتیاط میں
مصطفیٰ زیدی​

 

[شمشاد]

بہت شکریہ جناب مصطفٰی زیدی کی شاعری شیئر کرنے کا۔

 

[محمد وارث]

شکریہ شعیب صاحب مصطفٰی زیدی کی خوبصورت غزل شیئر کرنے کیلیئے۔

عموماً شعرا اسطرح کے قوافی نہیں باندھتے جیسے کہ مصطفٰی زیدی نے اس غزل میں باندھا ہے یعنی تا کے ساتھ ط کا قافیہ، بہرحال زیدی کی یہ غزل نئے شعرا کیلیئے سند کا کام دے سکتی ہے۔

 

[فرخ منظور]

بہت شکریہ شعیب - وارث صاحب جو بات کر رہے ہیں وہ اعجاز صاحب نے بھی کی تھی کی بات، ہات، نشاط، کا قافیہ بھی شعرا استعمال کرتے ہیں‌- اور اس غزل پر خاص طور پر فاتح کی توجہ دلانا چاہوں گا کہ شعرا ایسے بھی باندھتے ہیں-

 

[شعیب خالق]

شمشاد صاحب ۔، وارث صاحب اور فرخ صاحب آپ تینوں استادوں کا بہت بہت شکریہ

 

[فرخ منظور]

جو دن گزر گئے ہیں ترے التفات میں​

میں ان کو جوڑ لوں کہ گھٹا دوں حیات میں​

کچھ میں ہی جانتا ہوں جو مجھ پر گزر گئی
دنیا تو لطف لے گی مرے واقعات میں

میرا تو جرم تذکرۂ عام ہے مگر
کچھ دھجیاں ہیں میری زلیخا کے ہات میں

آخر تمام عمر کی وسعت سما گئی
اک لمحۂ گزشتہ کی چھوٹی سی بات میں

اے دل ذرا سی جرأت رندی سے کام لے
کتنے چراغ ٹوٹ گئے احتیاط میں

(مصطفیٰ زیدی)​