شیزان
لائبریرین
جنہیں خوابوں سے اِنکاری بہت ہے
اُن آنکھوں میں بھی بیداری بہت ہے
اُن آنکھوں میں بھی بیداری بہت ہے
نہایت خُوبصورت ہے وہ چہرہ
مگر جذبات سے عاری بہت ہے
مگر جذبات سے عاری بہت ہے
اُسے میں یاد رکھنا چاہتا ہوں
مگر اِس میں بھی دُشواری بہت ہے
مگر اِس میں بھی دُشواری بہت ہے
سبَب ہو کوئی تو بتلائیں بھی ہم
کہ گِریہ رات سے طاری بہت ہے
کہ گِریہ رات سے طاری بہت ہے
بہت مصرُوفیت کی جَا ہے دُنیا
مگر لوگوں میں بےکاری بہت ہے
مگر لوگوں میں بےکاری بہت ہے
مجھے بھی مہلتِ یک دو نفس دے
مجھے بھی زندگی پیاری بہت ہے
مجھے بھی زندگی پیاری بہت ہے
اِدھر اعضاء بکھرتے جا رہے ہیں
اُدھر دشمن کی تیاری بہت ہے
اُدھر دشمن کی تیاری بہت ہے
یہی نانِ جویں محنت ہے میری
اِسی محنت میں سرشاری بہت ہے
اِسی محنت میں سرشاری بہت ہے
اِسی مٹی میں ہیں افلاک میرے
اِسی میں خوئے سرداری بہت ہے
اِسی میں خوئے سرداری بہت ہے
اِنہی لوگوں میں ہیں کچھ لوگ میرے
مرے لوگوں میں خُودداری بہت ہے
مرے لوگوں میں خُودداری بہت ہے
سُخن کا بوجھ کیسے اُٹھ سکے گا
جو پتھر ہے یہاں، بھاری بہت ہے
جو پتھر ہے یہاں، بھاری بہت ہے
مرے ساحل سمندر روکتے ہیں
سلیم اِتنی وفاداری بہت ہے
سلیم اِتنی وفاداری بہت ہے
سلیم کوثر
