جملہ جملہ! 1.5 نصب (انسٹال) کرنے کا طریقہ ۔اردو میں

باسم نے 'اردو آئی۔ٹی ٹیوٹوریل' کی ذیل میں اس موضوع کا آغاز کیا، ‏اپریل 18, 2009

  1. باسم

    باسم محفلین

    مراسلے:
    1,767
    جھنڈا:
    Pakistan
    موڈ:
    Festive
    جملہ! کا تعارف
    جملہ! ایک مفت سی ایم ایس (ویب اجزا سنبھالنے کا نظام) ہے جس کی مدد سے کسی ویب سائٹ کو منظم رکھنا آسان رہتا ہے، یہ سائٹ میں موجود مواد کو ترتیب دینے کیلیے ڈیٹابیس کا استعمال کرتا ہے، دوسرے سی ایم ایس پر جملہ! کی فوقیت اس کے استعمال میں وسعت، محفوظ ہونے اور ہزاروں ایکسٹنشنز کی دستیابی کی وجہ سے ہے۔

    اردو جملہ!
    جملہ! کی ریلیز 1.5.10 میں اردو زبان کو بھی انسٹالیشن میں شامل کردیا گیا ہے جبکہ سائٹ اور منتظم حصوں کیلیے اردو پیک الگ سے فراہم کیا گیا ہے جسے نصب کرکے جملہ! کو مکمل طور پر اردو زبان میں ڈھالا جاسکتا ہے۔
    اردو پیک نصب کرنے کا طریقہ (شکریہ عمران حسینی)

    جملہ! حاصل کرنا
    [​IMG]
    1. http://www.joomla.org/ سائٹ پر جاکر ڈاؤن لوڈ جملہ! کے ربط کو کلک کیجیے۔
    [​IMG]
    2. نیا صفحہ کھلنے پر جملہ! 1.5 کے تازہ ترین ورژن کا مکمل پیکج ڈاؤن لوڈ کجیے۔

    اپ لوڈ کے قابل بنانا
    [​IMG]
    1. پیکج اپنے کمپیوٹر پر محفوظ کرنے کے بعد پیکج کو رائٹ کلک Extract All کرکے ان زپ کرلیجیے۔

    اپ لوڈ کرنا
    اس کیلیے کوئی ایف ٹی پی کلائنٹ مثلاً FileZilla اور درج ذیل معلومات ہونا ضروری ہیں:
    ا۔ آپ کے ایف ٹی پی ہوسٹ کا پتہ جیسے : ftp://yourjoomlasite.com/
    ب۔ آپ کا ایف ٹی پی یوزر نیم جیسے : joomlauser
    ج۔ آپ کا ایف ٹی پی پاسورڈ جیسے : j1o2o3
    [​IMG]
    1. فائل زیلا کھولیے اور کنکٹ بار میں مانگی گئی معلومات لکھ کر سرور سے جُڑ جائیے۔
    دائیں طرف آپ کو سرور اور بائیں طرف اپنے کمپیوٹر کے فولڈرز اور فائلیں نظر آرہی ہونگی
    2. اپنے کمپیوٹر میں ان زپ کیا گیا جملہ! پیکج بائیں طرف کھولیے
    3. اس میں موجود تمام فولڈر اور فائلیں منتخب کیجیے
    4. رائٹ کلک کرکے اپ لوڈ کو دبادیجیے
    پیکج اپ لوڈ ہونا شروع ہوجائے گا اور سب سے نیچے اپ لوڈ ہونے کی تفصیلات دی جارہی ہونگی اور کچھ دیر میں یہ عمل مکمل ہوجائے گا۔
    اگر آپ لوکل سرور مثلاً wamp پر جملہ! نصب کررہے ہیں تو پیکج کو C:\wamp\www میں پیسٹ کردیں۔

    ڈیٹابیس بنانا
    [​IMG]
    جملہ! کیلیے ڈیٹابیس بنانا ضروری ہے اس کے بغیر یہ کام نہیں کرتا ڈیٹابیس بنانے کیلیے اپنے ویب کنٹرول پینل یا لوکل سرور سے phpMyAdmin میں جائیے۔
    1. ڈیٹابیس کا نام مثلاً joomla لکھیے۔
    2. ڈیٹابیس کی کولیشن utf8_unicode_ci منتخب کیجیے۔
    3. Create بٹن دبائیے۔
    [​IMG]
    ڈیٹابیس بن جانے کا پیغام ظاہر ہوگا اور بائیں طرف ڈیٹابیس بنا نظر آئے گا۔

    جملہ! نصب (انسٹال) کرنا
    ویب براؤزر سے اپنی سائٹ میں جہاں آپ نے جملہ اپ لوڈ کیا ہے مثلاً : http://www.yourjoomlasite.com یا سب ڈومین مثلاً : http://www.joomla.yoursite.com یا سب ڈاریکٹری مثلاً http://www.yoursite.com/joomla: پر جائیے۔
    لوکل سرور مثلاً wamp سرور میں http://localhost/ پر جاکر Your Projects کے تحت جملہ پیکج کے لنک کو کلک کیجیے۔
    جملہ! تنصیب کا صفحہ کھل جائے گا جس میں دائیں طرف تنصیب کے سات مراحل نمبروار لکھے ہونگے اور بائیں طرف ہر مرحلے میں مانگی گئی تفصیلات اور ان کے متعلق معلومات لکھی ہونگی جبکہ بائیں طرف اوپر اگلے پچھلے مرحلے پر جانے یا معلومات کے جانچنے کے بٹن دیے ہونگے۔

    1. زبان کا انتخاب
    [​IMG]
    پہلا مرحلہ زبان کے انتخاب کا ہے
    1.1 یہاں سے اردو زبان کے انتخاب کجیے
    1.2 اور "آگے" کو دباکر اگلے مرحلے پر جائیے۔

    2. قبل از تنصیب جانچ
    [​IMG]
    دوسرا مرحلہ یہ جانچنے کیلیے ہے کہ آپ کا سرور جملہ! سے کس حد تک موافقت رکھتا ہے تاکہ آپ جملہ! کو اطمینان سے استعمال کرسکیں اگر کوئی کمی ہو تو اسے دور کرسکیں اور اگر ایسا ممکن نہ ہو تو دوسرے ہوسٹ کا انتخاب کرلیں عموماً اس کی ضرورت نہیں پڑتی۔
    2.1 سرخ رنگ سے منتخب پہلی فہرست میں سب پر ہاں لکھا ہونا ضروری ہے اگر ایسا نہ ہو تو اسے درست کرنے کی کوشش کیجیے ورنہ آپ کو پریشانی ہوسکتی ہے۔
    2.2 سبز نشان لگی دوسری فہرست میں مناسب حالت سے موافقت بہتر ہے لیکن اس کے بغیر بھی جملہ! کے عمل میں کوئی فرق نہیں پڑے گا۔
    2.3 اگلے مرحلے پر جائیے۔

    3. اجازت نامہ
    [​IMG]
    تیسرا مرحلہ جملہ! استعمال کرنے کے اجازت نامے پر مشتمل ہے جو آپ کو منظور ہی ہوگا لہذا
    3.1 اگلے مرحلے پر جائیے۔

    4. ڈیٹابیس کی ترتیب
    [​IMG]
    چوتھا مرحلہ تمام مراحل میں سب سے اہم ہے لہذا اسے دھیان سے طے کیجیے۔
    جملہ! ڈیٹابیس کی بنیاد پر مضامین وغیرہ سنبھالتا ہے اس لیے اسے ڈیٹابیس کی معلومات درکار ہیں جو آپ یہاں فراہم کریں گے یہ معلومات آپ کا ہوسٹ آپ کو فراہم کرتا ہے یا پھر ڈیٹابیس بناتے وقت آپ خود درج کرتے ہیں، یہ دو حصوں پر مشتمل ہیں۔
    بنیادی ترتیبیں
    4.1 سب سے پہلے ڈیٹابیس کی قسم چنیے، یہ عموماً mysql ہوتی ہے۔
    4.2 ہوسٹ کا نام لکھیے، یہ عموماً localhost ہوتا ہے۔
    4.3 ڈیٹابیس کا صارف نام لکھیے، لوکل سرور میں عموماً "root" ہوتا ہے۔
    4.4 اپنے ڈیٹابیس کا خفیہ لفظ لکھیے، اگر آپ نے ڈیٹابیس بناتے وقت نہیں لکھا تو اسے خالی چھوڑدیں۔
    4.5 اپنے ڈیٹابیس کا نام لکھیے، اگر آپ کا ہوسٹ صرف ایک ڈیٹابیس نام فراہم کرتا ہے تو اعلٰی ترتیبوں میں ٹیبل سابقہ ڈال کر جملہ! کے ڈیٹابیس کو جدا کرسکتے ہیں۔
    اعلٰی ترتیبیں
    یہاں آپ کو دو اختیار دیے گئے ہیں
    4.6 پرانے ٹیبل ہٹانے کیلیے پہلے اختیار "موجود ٹیبل ہٹائیے" کو منتخب کیجیے، دھیان رہے اس سے تمام ٹیبلز حذف ہوجائیں گے اور آپ انہیں واپس نہیں لاسکیں گے۔
    4.7 یا ان کا بیک اپ بنانے کیلیے دوسرا اختیار چنیے اور ٹیبل سابقے میں کوئی سابقہ لکھ دیجیے جو آپ کے پرانے جملہ! ٹیبلز کے شروع میں لگ جائے گا اور آپ بوقت ضرورت انہیں واپس لا سکیں گے۔
    4.8 اگلے مرحلے پر جائیے۔

    5. ایف ٹی پی ترتیب
    [​IMG]
    اس مرحلے میں ایف ٹی پی اکاؤنٹ کی تفصیلات لکھی جائیں گے تاکہ جملہ! فائل سسٹم کو بہتر طریقے سے سنبھال سکے۔
    بنیادی ترتیبیں
    اگر آپ کا سرور ونڈوز پر ہے تو
    5.1 "ایف ٹی پی فائل سسٹم کی لیئر فعال کجیے" میں نہیں کو اختیار کرکے اگلے مرحلے پر جاسکتے ہیں۔
    اگر آپ کا سرور لینکس پر ہے تو
    5.2 "ایف ٹی پی فائل سسٹم کی لیئر فعال کجیے" میں ہاں کو اختیار کیجیے۔
    5.3 ایف ٹی پی صارف لکھیے۔
    5.4 ایف ٹی پی خفیہ لفظ لکھیے۔
    5.5 ایف ٹی پی روٹ پاتھ خود لکھیے یا پہلا بٹن دبا کر خود کار طریقے سے تلاش کروائیے۔
    5.6 یہ جاننے کیلیے کہ درج کی گئی معلومات درست ہیں یا نہیں "ایف ٹی پی ترتیبوں کی توثیق کیجیے" کا بٹن دبائیے درست نہ ہوں تو انہیں درست کرلیجیے۔
    اعلٰی ترتیبیں
    ضرورت ہو تو یہ معلومات لکھیے
    5.7 ایف ٹی پی ہوسٹ لکھیے یہ آئی پی کی صورت میں ہوسکتا ہے۔
    5.8 ایف ٹی پی پورٹ لکھیے۔
    5.9 ایف ٹی پی خفیہ لفظ محفوظ رکھنا چاہتے ہیں یا نہیں اسے ہاں یا نہیں کے ذریعے اختیار کیجیے۔ نہیں کی صورت میں آپ کو ہر بار دوبارہ لکھنا پڑے گا اور محفوظ طریقہ یہی ہے۔
    5.10 اگلے مرحلے پر جائیے۔

    6. اہم ترتیب
    [​IMG]
    یہ آخری اور اہم مرحلہ ہے جس میں آپ کچھ انتظامی اور ڈیٹابیس کی تفصیل بتاکر تنصیب مکمل کرلیں گے۔
    6.1 یہاں سب سے اوپر سائٹ کا نام لکھیے۔
    6.2 پھر اپنا ای میل کا پتہ لکھیے۔
    6.3 اب اپنا انتظامی خفیہ لفظ لکھیے اور نیچے اس کی توثیق کیجیے۔
    جملہ! ڈیٹابیس
    6.4 اگرآپ جملہ! کا استعمال جانتے ہیں اور بالکل خالی تنصیب چاہتے ہیں تو اگلے مرحلے پر جائیے۔
    6.5 اگر آپ جملہ! پہلی بار استعمال کررہے ہیں تومناسب ہوگا کہ آپ نمونہ ڈیٹا نصب کرلیں تاکہ آپ کو جملہ! کے استعمال کا اندازہ ہوسکے، اس کیلیے "نمونہ ڈیٹا نصب کیجیے" کا اختیار چنیے۔
    6.6 اگر آپ کے پاس جملہ! کا محفوظ شدہ ڈیٹابیس موجود ہے اور اسے لانا چاہتے ہیں تو دوسرے اختیار "مائگریشن اسکرپٹ لوڈ کیجیے" کو اختیار کیجیے۔
    6.7 انتہائی اپ لوڈ حجم میں وہ مقدار نظر آرہی ہوگی جس کے برابر ڈیٹابیس فائل آپ اپنے سرور پر اپ لوڈ کرسکتے ہیں اس سے بڑی ہونے کی صورت میں آپ کو فائل تقسیم کرنی پڑے گی۔
    6.8 نیچے اپنی پرانی سائٹ کا ڈیٹابیس ٹیبل سابقہ لکھیے۔
    6.9 پرانی سائٹ کی ڈیٹابیس انکوڈنگ ڈالیے۔
    6.10 لوکل سرور یا کمپیوٹر سے مائگریشن اسکرپٹ ڈھونڈیے اگر پہلے سے اپ لوڈ ہے تو نچلے چیک باکس کو منتخب کیجیے۔
    6.11 اگر سائٹ جملہ! کے ورژن 1.0 کے ذریعے بنائی گئی تھی اور اس کا مائگریشن اسکرپٹ استعمال کررہے ہیں تو اس کی نشاندہی کیجیے۔
    6.12 "اپ لوڈ اور پھر عملدرآمد کیجیے" کو دبائیے۔
    6.13 عمل مکمل ہونے پر اگلے مرحلے پر جائیے۔

    7. تکمیل
    [​IMG]
    یہاں آپ کو صرف یہ اطلاع دینا مقصود کہ آپ کا جملہ! کامیابی سے نصب ہوگیا ہے۔
    7.1 اپنی سائٹ کی انتظام گاہ ( جہاں آپ مضمون لکھنا، اردو زبان نصب کرنا، روابط بدلنا وغیرہ کرسکیں ) میں داخل ہونے کیلیے منتظم کو کلک کیجیے اور نیا صفحہ کھلنے پر مانگی معلومات لکھ کر داخل ہوجائیے۔
    7.2 اپنی جملہ! سائٹ کے صفحہ اول پر جانے کیلیے بائیں طرف اوپر سائٹ کے بٹن کو کلک کیجیے۔
    [​IMG]
    توجہ: اب آپ کو اپنے سرور سے انسٹالیشن فولڈر حذف کرنا ہے اس کے بغیر جملہ! کا صفحہ اول دکھائی نہیں دے گا ایف ٹی پی کلائنٹ کی مدد سے سرور سے جڑ جائیے اور installation فولڈر حذف کردیجیے۔
    [​IMG]
    اگر آپ انسٹالیشن فولڈر حذف کیے بغیر صفحہ اول پر جائیں گے تو اوپر والا پیغام ظاہر ہوگا۔
    (اگر کہیں کوئی غلطی ہو تو براہ کرم اطلاع کردیجیے اور اشاعت کی عام اجازت ہے)
     
    • پسندیدہ پسندیدہ × 9
  2. نبیل

    نبیل محفلین

    مراسلے:
    16,627
    جھنڈا:
    Germany
    موڈ:
    Depressed
    جزاک اللہ خیر باسم۔ میں نے اس ٹیوٹوریل کو یہاں منتقل کر دیا ہے۔ اگر آپ اپنے مضمون میں ترمیم کرکے اس میں جملہ کا اردو ترجمہ شامل کرنے کا طریقہ بھی شامل کر دیں تو اس سے بھی اس ٹیوٹوریل کی افادیت میں اضافہ ہو جائے گا۔ میں نے آپ کے تیار کردہ ترجمے کو استعمال کرکے جملہ 1.5.10 کو لوکل ہوسٹ پر انسٹال کیا ہوا ہے۔ ابھی اس کی ٹیمپلیٹس کی اردو کسٹمائزیشن پر کام باقی ہے۔ کچھ پراجیکٹس سے فارغ ہو کر اس پر بھی توجہ دوں گا۔ اگر کوئی دوست جملہ 1.5 کی ٹیمپلیٹس کی اردو کسٹمائزیشن کرکے فراہم کر دیں تو اس سے بھی جملہ کے اردو پیکج کی تیاری میں مدد مل سکتی ہے۔
     
    • پسندیدہ پسندیدہ × 2
  3. باسم

    باسم محفلین

    مراسلے:
    1,767
    جھنڈا:
    Pakistan
    موڈ:
    Festive
    شکریہ نبیل بھائی!
    میں وقت ملنے پر اسے بھی شامل کرنے کی کوشش کرتا ہوں۔
     
  4. ذیشان حیدر

    ذیشان حیدر محفلین

    مراسلے:
    389
    جھنڈا:
    Pakistan
    موڈ:
    Busy

    بہت شکریہ بھائی جان!
    لیکن یہ تو بتلائیے کہ اردو جملہ کس کام آتا ہے اورہم اس سے کیا فائدہ حاصل کرسکتے ہیں۔ اس کی افادیت بتا دیں‌نوازش ہوگی۔
    جزاک اللہ خیرا و الحسن الجزا
     
  5. باسم

    باسم محفلین

    مراسلے:
    1,767
    جھنڈا:
    Pakistan
    موڈ:
    Festive
    میرے بھائی تحریر کے شروع میں ہی لکھا تھا
    مزید کوئی سوال ہو تو ضرور پوچھیے
     
  6. فخرنوید

    فخرنوید محفلین

    مراسلے:
    3,211
    جھنڈا:
    Pakistan
    موڈ:
    Angelic
    اردو شامل کرنے کا طیرقہ بھی بتا دیں ۔ تاکہ ہم سے بھی تجاحہل عارف لوگ سمجھ سکیں
     
  7. باسم

    باسم محفلین

    مراسلے:
    1,767
    جھنڈا:
    Pakistan
    موڈ:
    Festive
  8. شکاری

    شکاری محفلین

    مراسلے:
    529
    کیا جملہ کو بطور بلاگ ورڈ پریس کی جگہ بھی استعمال کیا جاسکتا ہے ؟؟
     
  9. خرم

    خرم محفلین

    مراسلے:
    2,294
    کیا جملہ کے لئے ایڈیٹر بھی مہیا ہو گیا ہے؟
     
  10. باسم

    باسم محفلین

    مراسلے:
    1,767
    جھنڈا:
    Pakistan
    موڈ:
    Festive
    جملہ بھی بطور بلاگ استعمال ہوسکتا ہے مگر بلاگ کیلیے یہ ورڈپریس کا متبادل نہیں ہوسکتا
    جملہ کیلیے اردو ایڈیٹر ابھی تک دستیاب نہیں ہوسکا ہے
     
  11. slave of allah

    slave of allah محفلین

    مراسلے:
    29
    جزاک اللہ
    بہترین چيز پیش کے ہے آپ نے۔
     
  12. شکاری

    شکاری محفلین

    مراسلے:
    529
    میں پھر بھی اسے تجرباتی طور پر بلاگنگ کے لیے استعمال کرکے دیکھوں گا۔

    کوئی نیا تجربہ ہی صیحیح ۔ ۔ ۔ ۔
     
    • پسندیدہ پسندیدہ × 1
  13. شکاری

    شکاری محفلین

    مراسلے:
    529
    -------------------------------------------------------------------------------------------------------------------

    جس ہوسٹ پر میرا بلاگ انسٹال ہے اسی پر میں اس کا تجربہ کرنا چاہتا ہوں اگر میں ایک الگ سے مائی ایس کیو ایل ڈیٹا بیس انسٹال کرکے اس پر اگر جملہ انسٹال کروں تو کونسا آپشن منتخب کروں جو میرے بلاگ کے ٹیبلز کو ڈسٹرب نہ کرے۔
     
  14. باسم

    باسم محفلین

    مراسلے:
    1,767
    جھنڈا:
    Pakistan
    موڈ:
    Festive
    اگر نئے نام سے ڈیٹابیس بنے یا ایک ہی نام کے ڈیٹابیس کو استعمال کرنے کی اجازت ہو دونوں صورتوں میں دوسرا اختیار منتخب کیا جائے گا
    الگ بنے تو پرانے ٹیبلز کو کچھ بھی نہیں ہوگا اگر ایک ہی نام سے ہوتو جملہ کے ٹیبلز اسی ڈیٹابیس میں الگ سابقے کے ساتھ بنیں گے
     
    • پسندیدہ پسندیدہ × 1

اس صفحے کی تشہیر