کامران عاشر
محفلین
ڈاکٹر سید غضنفر حسین بخاری
سود کھان والے نال رب دی جنگ اے۔جیہڑا سودی لین دین کردا اے رب اوہدے نال ہمیش لئی نراض ہو جاندا اے۔ مولوی عبدالوہاب ہوری جمعہ دی تقریر وچ سود بارے گل کر رہے سن۔ مولوی ہوری اُچے پنڈ دی وڈی مسیت وچ پندرہ سالاں توں امامت کردے پئے سن۔
مولوی عبدالوہاب ہوری ہمیش سودی کاروبار کرن والیاں دے کن کھچدے سن۔ مولوی ہوری مسیت نال اسرے پکیاں اٹاں دے گھر وچ رہندے سن۔ کدے کسے نے اوہناں دے مونہوں اولی گل نہیں سی سنی۔ ہر ویلے مسئلے مسائل کردے رہندے سن۔ جے مسئلیاں توں ویہلے ہندے تاں تسبیح کردے رہندے سگوں گلاں باتاں کردے وی تسبیح پھیردے رہندے سن۔ اپنے پنڈ والیاں نال سود ی لین دین دے گھاٹیاں بارے ہر ویلے گل بات کردے رہندے۔ ہمیش اُچے سراں وچ وعظ کردے آیتاں حدیثاں بیاندے تے فارسی دے شعر وی پڑھدے سن۔ ایتکی جمعے تے اوہناں نیں پھیر سودی کاروبار کرن والیاں دی چنگی دھوڑ پٹی سی۔ مولوی ہوری وڈے ہرکھ نال کردے ہوندے سن کہ پندرہ ورھے بیت گئے نیں ایتھے وعظ کردیاں پر شڑباگے دے لوکاں تے کوئی اثر نہیں ہویا۔کتے دی پوچھل بھاویں سو ورھے وی ونجھلی وچ پئی رہوئے اوہ ڈنگی ای رہندی اے۔
مولوی ہوراں دا گوانڈھی اختر نمبردار بینک مینجر سی۔اوہ لوکائی نوں سود اُتے ادھار شیواں وی لے کے دیندا سی۔ مولوی عبدالوہاب ہوراں اوہندے نال کدی حضرت دا سلام نہیں سی لیا۔
مولوی جی ایہ سنہ 1958 نہیں ہیگا ایہہ 2014ء اے۔۔ساڈی رہت بہت تے ہلے وی سنہ 85 والی اے۔۔ مولوی ہوراں دی تینویں صغراں بولدی پئی سی۔ بھلئے لوکے اٹھے ویلے شکایتاں کرن والیاں سوانیاں نوں رب دوزخ وچ سٹے گا۔ مولوی ہوراں نے کوڑ نال اپنی سوانی ول ویکھدیاں کہیا۔ جے جیوندیاں ای کجھ نہ لبھے تے اوہ حیاتی کیہڑا دوزخ توں گھٹ اے۔ صغری نے جواب دتا۔ میں آکھیا اے صبر کرن والیاں نال رب راضی ہوندا اے۔۔ مولوی عبدالوہاب ہوراں نے سمجھان والے انداز وچ آکھیا ۔۔ صغری مونہہ وچ ای بُڑبُڑ کردی روٹی ٹکر رنھن لئی چوترے ول ودھ گئی۔ مولوی ہوری الانی منجی تے بیٹھے تسبیح پھیرن لگ پئے۔ رات پئے گئی مولوی ہوری کفتاں دی نماز توں مگروں سپیکر وچ وعظ کردے ہندے سن اج وہ سودی لین دین تے سودی کم کرن والیاں تے لتے رہے سن۔ وعظ مکن مگروں گھر آئے تے اوہناں ویکھیا پئی صغریٰ اپنے لیڑیاں دی پنڈ بنھی اے تے تیاری وٹی بیٹھی اے۔۔
کیہ ہویا بھلئے لوکے ایس ویلے کدھر دی تیاری کر کتی آ۔۔ مولوی ہوراں نے حیران ہندیاں پچھیا۔ جیس گھر وچ سکون نہ ہووئے اوتھے کیہ رہناں۔ میں پچھلے تن وریہاں توں تہانوں آکھ رہی آں مینوں گہنے بنوا دیو، تسی ہر واری جھوٹے وعدے کردے او پئی ایتکی عید تے جیہڑی پنڈ والے خدمت کرن گے اوہناں پیسیاں نال میں تینوں جیسراں آکھاں دی گہنیاں دا سیٹ خرید دیاں گا۔۔۔پر تہاڈا ہر وعدہ جھوٹا اے۔۔ مولوی جی تسی ہر اک نوں سچ بولن تے وعدے پورے کرن دا آکھدے او پر تسی آپ جھوٹے وعدے کردے او۔ صغریٰ دی زبان قینچی وانگوں چل رہی سی۔
مولوی ہوراں دا حیرت نال مونہہ کھلا سی۔اوہناں نوں اپنیاں کناں وچ پین والیاں واجاں پتھر دا بنا چھڈیا سی۔ مولوی ہوری منجی تے بیٹھ گئے۔۔۔ چپ چپتے دڑ وٹ کے اوہ بھوئیں ول ویکھن لگ پئے۔ اوہناں دی تسبیح کھلو چکی سی جیہدے منکیاں دے پاسے اوہناں دیاں انگلیاں ہر ویلے گھمدیاں رہندیاں سن۔ اوہناں دی تینویں بولی لگی جاندی سی۔ مولوی ہوری جھٹ کو گلاں سندے رہے ایس توں مگروں اوہ گھروں باہر نکل گئے۔۔ اوہ اپنے گواڈھی اختر نمبردار دے گھر دا بوہا کھڑکا رہے سن۔۔
سورج اُگ پیا ،اختر کیوں جے بینک مینجر سی اوہنے مولوی ہوراں دا بینک وچ اکاونٹ کھولیا، تے اوہناں نوں جنیاں پیسیاں دی لوڑ سی اونی رقم سود دے حساب نوں مکھ رکھدیاں اوہناں دے اکاونٹ وچ پا دتی۔ بینک توں نکلدیاں مولوی ہوراں دی تسبیح چوکھی گھم رہی سی تے اوہ اپنی پگڑی سدھی کر کے شڑباگے جان لئی ٹانگے تے بیٹھ چکے سن۔۔۔ صغری خش سی کیوں جے اوہدے دل دی سدھر پوری ہو چکی سی گہنیاں دا سیٹ اوہنوں لبھن والا سی۔
اج جمعہ سی پنڈ شڑباگے دی وڈی مسیت اندر مولوی عبدالوہاب ہوری لہک لہک کے جمعے دا خطبہ دے رہے سن، اوہ اپنے جمعے دے خطبے چ سچ بولن تے وعدہ پورا کرن بارے چوکھے زور شور نال تقریرپئے کردے سن
لنک
http://www.wichaar.com/news/123/ARTICLE/31640/2015-07-23.html
سود کھان والے نال رب دی جنگ اے۔جیہڑا سودی لین دین کردا اے رب اوہدے نال ہمیش لئی نراض ہو جاندا اے۔ مولوی عبدالوہاب ہوری جمعہ دی تقریر وچ سود بارے گل کر رہے سن۔ مولوی ہوری اُچے پنڈ دی وڈی مسیت وچ پندرہ سالاں توں امامت کردے پئے سن۔
مولوی عبدالوہاب ہوری ہمیش سودی کاروبار کرن والیاں دے کن کھچدے سن۔ مولوی ہوری مسیت نال اسرے پکیاں اٹاں دے گھر وچ رہندے سن۔ کدے کسے نے اوہناں دے مونہوں اولی گل نہیں سی سنی۔ ہر ویلے مسئلے مسائل کردے رہندے سن۔ جے مسئلیاں توں ویہلے ہندے تاں تسبیح کردے رہندے سگوں گلاں باتاں کردے وی تسبیح پھیردے رہندے سن۔ اپنے پنڈ والیاں نال سود ی لین دین دے گھاٹیاں بارے ہر ویلے گل بات کردے رہندے۔ ہمیش اُچے سراں وچ وعظ کردے آیتاں حدیثاں بیاندے تے فارسی دے شعر وی پڑھدے سن۔ ایتکی جمعے تے اوہناں نیں پھیر سودی کاروبار کرن والیاں دی چنگی دھوڑ پٹی سی۔ مولوی ہوری وڈے ہرکھ نال کردے ہوندے سن کہ پندرہ ورھے بیت گئے نیں ایتھے وعظ کردیاں پر شڑباگے دے لوکاں تے کوئی اثر نہیں ہویا۔کتے دی پوچھل بھاویں سو ورھے وی ونجھلی وچ پئی رہوئے اوہ ڈنگی ای رہندی اے۔
مولوی ہوراں دا گوانڈھی اختر نمبردار بینک مینجر سی۔اوہ لوکائی نوں سود اُتے ادھار شیواں وی لے کے دیندا سی۔ مولوی عبدالوہاب ہوراں اوہندے نال کدی حضرت دا سلام نہیں سی لیا۔
مولوی جی ایہ سنہ 1958 نہیں ہیگا ایہہ 2014ء اے۔۔ساڈی رہت بہت تے ہلے وی سنہ 85 والی اے۔۔ مولوی ہوراں دی تینویں صغراں بولدی پئی سی۔ بھلئے لوکے اٹھے ویلے شکایتاں کرن والیاں سوانیاں نوں رب دوزخ وچ سٹے گا۔ مولوی ہوراں نے کوڑ نال اپنی سوانی ول ویکھدیاں کہیا۔ جے جیوندیاں ای کجھ نہ لبھے تے اوہ حیاتی کیہڑا دوزخ توں گھٹ اے۔ صغری نے جواب دتا۔ میں آکھیا اے صبر کرن والیاں نال رب راضی ہوندا اے۔۔ مولوی عبدالوہاب ہوراں نے سمجھان والے انداز وچ آکھیا ۔۔ صغری مونہہ وچ ای بُڑبُڑ کردی روٹی ٹکر رنھن لئی چوترے ول ودھ گئی۔ مولوی ہوری الانی منجی تے بیٹھے تسبیح پھیرن لگ پئے۔ رات پئے گئی مولوی ہوری کفتاں دی نماز توں مگروں سپیکر وچ وعظ کردے ہندے سن اج وہ سودی لین دین تے سودی کم کرن والیاں تے لتے رہے سن۔ وعظ مکن مگروں گھر آئے تے اوہناں ویکھیا پئی صغریٰ اپنے لیڑیاں دی پنڈ بنھی اے تے تیاری وٹی بیٹھی اے۔۔
کیہ ہویا بھلئے لوکے ایس ویلے کدھر دی تیاری کر کتی آ۔۔ مولوی ہوراں نے حیران ہندیاں پچھیا۔ جیس گھر وچ سکون نہ ہووئے اوتھے کیہ رہناں۔ میں پچھلے تن وریہاں توں تہانوں آکھ رہی آں مینوں گہنے بنوا دیو، تسی ہر واری جھوٹے وعدے کردے او پئی ایتکی عید تے جیہڑی پنڈ والے خدمت کرن گے اوہناں پیسیاں نال میں تینوں جیسراں آکھاں دی گہنیاں دا سیٹ خرید دیاں گا۔۔۔پر تہاڈا ہر وعدہ جھوٹا اے۔۔ مولوی جی تسی ہر اک نوں سچ بولن تے وعدے پورے کرن دا آکھدے او پر تسی آپ جھوٹے وعدے کردے او۔ صغریٰ دی زبان قینچی وانگوں چل رہی سی۔
مولوی ہوراں دا حیرت نال مونہہ کھلا سی۔اوہناں نوں اپنیاں کناں وچ پین والیاں واجاں پتھر دا بنا چھڈیا سی۔ مولوی ہوری منجی تے بیٹھ گئے۔۔۔ چپ چپتے دڑ وٹ کے اوہ بھوئیں ول ویکھن لگ پئے۔ اوہناں دی تسبیح کھلو چکی سی جیہدے منکیاں دے پاسے اوہناں دیاں انگلیاں ہر ویلے گھمدیاں رہندیاں سن۔ اوہناں دی تینویں بولی لگی جاندی سی۔ مولوی ہوری جھٹ کو گلاں سندے رہے ایس توں مگروں اوہ گھروں باہر نکل گئے۔۔ اوہ اپنے گواڈھی اختر نمبردار دے گھر دا بوہا کھڑکا رہے سن۔۔
سورج اُگ پیا ،اختر کیوں جے بینک مینجر سی اوہنے مولوی ہوراں دا بینک وچ اکاونٹ کھولیا، تے اوہناں نوں جنیاں پیسیاں دی لوڑ سی اونی رقم سود دے حساب نوں مکھ رکھدیاں اوہناں دے اکاونٹ وچ پا دتی۔ بینک توں نکلدیاں مولوی ہوراں دی تسبیح چوکھی گھم رہی سی تے اوہ اپنی پگڑی سدھی کر کے شڑباگے جان لئی ٹانگے تے بیٹھ چکے سن۔۔۔ صغری خش سی کیوں جے اوہدے دل دی سدھر پوری ہو چکی سی گہنیاں دا سیٹ اوہنوں لبھن والا سی۔
اج جمعہ سی پنڈ شڑباگے دی وڈی مسیت اندر مولوی عبدالوہاب ہوری لہک لہک کے جمعے دا خطبہ دے رہے سن، اوہ اپنے جمعے دے خطبے چ سچ بولن تے وعدہ پورا کرن بارے چوکھے زور شور نال تقریرپئے کردے سن
لنک
http://www.wichaar.com/news/123/ARTICLE/31640/2015-07-23.html
