ان دو تصویروں میں اٹلانٹا شہر کے ڈاؤنٹاؤن کا منظر ہے۔ یہ تصاویر میں نے ڈاؤنٹاؤن سے کوئی 1-2 میل شمال میں مڈٹاؤن میں ایک پارکنگ ڈیک کے اوپر سے لی تھیں۔
اٹلانٹا میں ہمارا پہلا اپارٹمنٹ کافی پرانا تھا۔ میرا خیال ہے کہ وہ بلڈنگ 1947 کے آس پاس بنی تھی۔ اب وہ گرا دی گئی ہے۔ یہ تصویر اسی جگہ کی ہے جہاں تصویر لیتے وقت نئی اپارٹمنٹ بلڈنگز تعمیر ہو رہی تھیں۔
یہ ٹیک ٹرالی ہے۔ نہیں نہیں ہم سان فرانسسکو نہیں آ گئے۔ یہ یونیورسٹی کی بس ہے جس کا نام ٹیک ٹرالی ہے ورنہ یہ trolley بالکل بھی نہیں۔ ویسے اس میں جیپیایس ہے جس کی مدد سے آپ ویبسائٹ پر دیکھ سکتے ہیں کہ یہ اس وقت کدھر ہے۔
یہ بلڈنگ بھی ان دنوں بن رہی تھی جب تصویر لی تھی۔ اس کی پانچویں منزل پر میں اکثر بھاگتا پایا جاتا ہوں کہ یہ campus recreation center ہے۔ یہیں وہ سوئمنگ پول بھی ہے جہاں 1996 میں اولیمپک مقابلے ہوئے تھے۔
