ثُریا کی گُڑیا

[تفسیر]

ثُریا کی گُڑیا​

​

http://www.urduweb.org/flash/children/doll.swf​

سُنو اِک مزے کی کہانی سُنو​

کہانی ہماری زبانی سُنو​

ثُریا کی گُڑیا تھی چھوٹی بُہت​

نہ دُبلی بُہت اور نہ موٹی بُہت​

جو دیکھو تو ننھی سی گُڑیا تھی وہ​

مگر اِک شرارت کی پڑیا تھی وہ​

جو سوتی تو دِن رات سوتی تھی وہ​

جو روتی تو دِن رات روتی تھی وہ​

نہ امّی کےساتھ اور نہ ابّا کےساتھ​

وہ ہر وقت رہتی ثُریا کے ساتھ​

ثُریا نے اِک دِن یہ اُس سے کہا​

مِری ننّھی گُڑیا یہاں بَیٹھ جا​

بُلایا ہے امّی نے آتی ہوں میں​

کھٹولی میں تُجھ کو سُلاتی ہُوں میں​

وہ نادان گڑیا خفا ہوگی​

وہ روئی وہ چِلّائی اور سو گئ​

اچانک وہاں اِک پری آگئی​

کُھلی آنکھ گڑیا کی گھبراگئی​

تو بولی پری مسکرائی ہوئی​

سُنہری پروں کو ہِلاتی ہوئی​

اِدھر آو تُم مجھ سے باتیں کرو!​

میں نازک پری ہُوں نہ مُجھ سےڈرو!​

وہ گُڑیا مگر اَور بھی ڈر گئی​

لگی چِیخنے ہائے میں مَر گئی​

مِری پیاری آپا بچالو مُجھے​

کسی کوٹھڑی میں چُھپالو مجھے​

ثُریا نے آکر اُٹھایا اُسے​

اُٹھا کر گلے سے لگایا اُسے​

گلے سے لگاتے ہی چپ ہوگئی​

وہ چُپ ہوگئی اور پھر سوگئی​

ثُریا کو دیکھا پَری اُڑ گئی​

جِدھر سے تھی آئی اُدھر مُڑ گئی​

 

[شعیب سعید شوبی]

ثریّا اپنی گڑیا کے ساتھ!

 

[سیدہ شگفتہ]

واہ ۔۔۔ کتنا خوبصورت کمرہ ہے

 

[سیدہ شگفتہ]

ابن سعید