تیرگی میں جل رہے ہیں خواب سارے

[احسن مرزا]

السلام و علیکم! ایک غزل محفل میں موجود احباب کے خدمت میں بغرضِ اصلاح حاضر ہے

تیرگی میں جل رہے ہیں خواب سارے​

ٹمٹماتے ہیں مری حسرت کے تارے​

​

ہم نے اکثر، اک جلا کر شمع تیری​

بس پتنگے حسرتِ دوراں کے مارے​

​

شاعری خونَ جگر سے ہورہی ہے​

چل پڑے جب سے جگر پر غم کے آرے​

​

کرب کی سولی پہ لٹکی ہے محبت​

اب بھی زندہ ہے تو حسرت کے سہارے​

​

جب ہوا تیری وفائوں کی چلے گی​

پھر ہی چٹخیں گے محبت سے شرارے​

​

کھول رکھی ہے لحد دل کی کبھی سے​

اب کوئی آکر نئی حسرت اتارے​

​

دل میں خیمے لگ گئے تنہائیوں کے​

(کون آنکھوں میں بسی دنیا سنوارے)​

​

کس طرح سے غم منایا جائے احسن​

اور کیسے، شب کوئی رو کر گزارے​

 

[الف عین]

اچھی غزل ہے، ماشاء اللہ بہت کم ضرورت ہے اصلاح کی۔انشاء اللہ بعد میں مشورے دیتا ہوں۔

 

[احسن مرزا]

محترم مجھے انتظار رہے گا۔ ہمت افزائی پر بھی ممنون ہوں بہت!