عدم تم میرے پاس جب نہیں ہوتے

[معاویہ وقاص]

• 
  تم میرے پاس جب نہیں ہوتے
  مجھ میں کوئی کمی سی ہوتی ہے
  
  پیار بھی وہ اس طرح کرتے ہیں
  جس طرح دشمنی سی ہوتی ہے
  
  بندہ پرور ملا کرو ہم سے
  تم کو مل کر خوشی سی ہوتی ہے
  
  اس کے چلنے کی طرز ایسی ہے
  جس طرح راگنی سی ہوتی ہے
  
  بات کا حسن ختم ہے ان پر
  بات پہلے سے بنی ہوتی ہے
  
  مے کدے کی شناخت یہ ہے عدم
  ہر طرف زندگی سی ہوتی ہے
  
  عبدالحمید عدم

 

[سید زبیر]

مے کدے کی شناخت یہ ہے عدم​

ہر طرف زندگی سی ہوتی ہے​

واہ ۔ ۔ ۔اعلیٰ انتخاب​

 

[پپو]

مے کدے کی شناخت یہ ہے عدم​

ہر طرف زندگی سی ہوتی ہے​