اقبال عظیم تم ماتھے پہ بل ڈال کے جو بات کرو گی - اقبال عظیم

حجاب نے 'پسندیدہ کلام' کی ذیل میں اس موضوع کا آغاز کیا، ‏اکتوبر 26, 2007

  1. حجاب

    حجاب محفلین

    مراسلے:
    3,433
    تم ماتھے پہ بل ڈال کے جو بات کرو گی
    تو یاد رہے ہم سے بھی ویسی ہی سنو گی

    یہ ہمسفری مصلحتِ وقت تھی ورنہ
    یہ تو ہمیں معلوم تھا تم ساتھ نہ دوگی

    یہ تازہ ستم ہم کو گوارہ تو نہیں ہے
    ہم یہ بھی سہہ لیتے ہیں کیا یاد کرو گی

    ہم شوق میں برباد ہوئے اپنے ہی ہاتھوں
    روداد ہماری جو سنو گی تو ہنسو گی

    تم آج سمجھتی ہو ہمیں غیر تو سمجھو
    اوروں سے ملو گی تو ہمیں یاد کرو گی

    منزل بھی ابھی دور ہے اور راہ بھی دشوار
    کیا ہوگا اگر اپنے ہی سائے سے ڈرو گی

    اپنوں سے خفا ہو کے کہاں جاؤ گی آخر
    اقبال کو کب تک نظر انداز کرو گی ( اقبال عظیم )

    ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

    اس بھری محفل میں اپنا مدّعا کیسے کہیں
    اتنی نازک بات اُن سے برملا کیسے کہیں

    اُن کی بےگانہ روی کا رنج ہے ہم کو مگر
    اُن کو خود اپنی زباں سے بے وفا کیسے کہیں

    وہ خفا ہیں ہم سے شائد بر بِنائے احتیاط
    اُن کی مجبوری کو بے سمجھے جفا کیسے کہیں

    اہلِ دل لے اُڑیں گے اس ذرا سی بات کو
    اُن کے اندازِ حیا پر مرحبا کیسے کہیں

    خود ہماری ذات سے کیا فیض پہنچا ہے اُنہیں
    دوستوں کی بے رخی کو ناروا کیسے کہیں

    جس قدر وہ باخبر ہے ہم سے کوئی بھی نہیں
    اپنے دشمن کو بھلا نا آشنا کیسے کہیں

    اُن کو جب خود ہی نہ ہو اقبال اپنوں کا خیال
    بے حیا بن کر کہو ہم مدّعا کیسے کہیں۔۔۔۔ ( اقبال عظیم )

    ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
     
    • پسندیدہ پسندیدہ × 1
  2. عمر سیف

    عمر سیف محفلین

    مراسلے:
    36,612
    جھنڈا:
    Pakistan
    موڈ:
    Where
    بہت خوب ۔۔ لا جواب ۔۔
     
    • پسندیدہ پسندیدہ × 1
  3. فرحت کیانی

    فرحت کیانی لائبریرین

    مراسلے:
    10,984
    جھنڈا:
    Pakistan
    موڈ:
    Confused
    :واہ::واہ:
     
    • پسندیدہ پسندیدہ × 1

اس صفحے کی تشہیر