تم اتنا جو مسکرا رہے ہو - کیفی اعظمی

تم اتنا جو مسکرا رہے ہو
کیا غم ہے جس کو چھپا رہے ہو

آنکھوں میں نمی ہنسی لبوں پر
کیا حال ہے کیا دکھا رہے ہو

بن جائینگے زہر پیتے پیتے
یہ اشک جو پیتے جا رہے ہو

جن زخموں کو وقت بھر چلا ہے
تم کیوں انہیں چھیدے جارہے ہو

ریکھاؤں کا کھیل ہے مقدر
ریکھاؤں سے مات کھا رہے ہو

کیفی اعظمی

 

واہ، بہت خوب۔
جگجیت نے گا کر امر کردیا ہے اس غزل کو۔

 

شکریہ!

 

بہت خوب !

 

جن زخموں کو وقت بھر چلا ہے​

تم کیوں انہیں چھیدے جارہے ہو​

ریکھوں کا کھیل ہے مقدر​

ریکھوں سے مات کھا رہے ہو​

 

بہت خوب!!

 

اس کا مطلب بتا دیں۔
کہیں لیکھوں تو نہیں ہے ☺

 

واہ لاجواب غزل ہے ،
جگجیت سنگھ کی آواز میں یہ غزل سن کر غزل کا مزا دوبالا ہو جاتا ہے ۔

 

فرقان احمد بھیا لفظ ریکھاؤں ہے ۔آپ اس لنک میں دیکھ لیں اور تدوین کر دیں ۔

 

دوسرے شعر کے پہلے مصرعے میں "ہے" اضافی ہے!

 

نشان دہی کے لیے شکریہ!

 

وااااااااااااااااہ خوب

 

میری پسندیدہ غزلوں میں سے ایک....

 

ریکھاؤں سے مراد ہاتھ کی لکیریں ہیں
ہندی زبان کا لفظ ہے وہ.....

 

پہلے شعر کے دوسرے مصرعے میں بھی “ہے“ زیادہ ہے۔ لیکن وہاں “ہے“ ہٹا دینے سے معنی پورا نہیں ہوگا۔

ممکن ہے اصلی شعر اس حالت میں رہا ہو:
کیا غم ہے جسے چھپا رہے ہو

لیکن فلم کی وجہ سے “جس کو“ مشہور ہوگیا ہو۔۔۔