جیا راؤ
محفلین
کتاب: شب شکن
شاعر: بہزاد برہم
تعارف۔۔۔۔۔ بزبانِ امجد اسلام امجد
"بہزاد برہم کا جو کلام مسوّدے کی شکل میں میری نظر سے گزرا ہے اُس سے اندازہ ہوتا ہے کہ وہ ایک ترقی پسند سوچ کے حامل، حالاتِ حاضرہ سے با خبر اور زندگی سے محبت کرنے والے انسان ہیں۔ واضح رہے کہ گلہ وہیں ہوتا ہے جہاں محبت ہو۔ یہ بھی اندازہ ہوتا ہے کہ اردو زبان اور ادب سے ان کا تعلق درسی اور تعلیمی نوعیت کا نہیں بلکہ شوق اور فطری لگن کے حوالے سے ہے۔
بہزاد برہم کی شاعری خصوصاً غزلوں میں ایک تازگی اور ٹھہراؤ ہے لیکن اُن کے تخلص 'برہم' کی نسبت اُن کی مرہم اثراورمدھم لے کی شاعری تو کچھ اور کہتی نظر آتی ہے۔" امجد اسلام امجد
تعارف۔۔۔ بزبانِ سعود عثمانی
"بہزاد برہم کی شاعری مجھے ٹھنڈے میٹھے چشمے کی یاد دلاتی ھے۔ زمین کی گہرائی کے راز سمیٹے ایک پھوٹتا پانی جو ڈھونڈنے والوں کو ڈھونڈ رہا ہے۔ جو کچھ مجھے سطحِ خاک پر نظر آتا ہے اُس سے زیادہ متاثر کن مجھے وہ تخلیقی ذخائر محسوس ہوتے ہیں جو اس کے بطون میں پوشیدہ ہیں اور جن کے ظہور کے لئے وقت کو انتظار کرنا ہوگا۔
بہزاد برہم کی نظمیں اور غزلیں دونوں اس کے تخلیقی وفور کا پتہ دیتی ہیں لیکن اسکی نظموں نے مجھے زیادہ متاثر کیا ہے۔ ایک بہاؤ میں لکھی ہوئی یہ نظمیں وہ فکر، دکھ، موسیقیت اور تاثیر کو اپنے اندر سمیٹے ہوئے ہیں جو کسی تخلیق کار کی اصل قوت کے عناصرِ اربعہ ہیں۔" سعود عثمانی
منتخب کلام۔۔۔۔
کیوں گزر جاتی نہیں توُ کیوں گزر جاتی نہیں
اے شبِ فرقت بتا کیا پی لیا آبِ حیات!
وہی دھوپ دھوپ سے راستے وہی تار تار سے واسطے
وہی بے ثمر سی ریاضتیں وہی عشق ہے وہی امتحاں
وہی زخم زخم سی آرزو وہی اشک اشک لہو لہو
وہی مجھ سے غم کی رفاقتیں وہی راز ہے وہی رازداں
سچی عدالتوں کی کہانی بھی جھوٹ ہے
اور قاتلوں کی آنکھ کا پانی بھی جھوٹ ہے
یاروں کی دو رخی کا عبث غم ہو جان پر
ہے وقت وہ کہ دشمنِ جانی بھی جھوٹ ہے
افراطِ زر کی کہنہ کہانی جو خام تھی
پھر جنس کی یہ تازہ گرانی بھی جھوٹ ہے
یہ داغ ایک لفظ ہے مرہم بھی ایک لفظ
چارہ گری بھی، زخمِ نہانی بھی جھوٹ ہے
ہرزہ سرائی ہیں یہ محبت کے معجزے
الفت نئی بھی مکر، پرانی بھی جھوٹ ہے
اِس برف زارِ دل میں اُگاتے ہو شعر تم
برہم تمہاری شعلہ بیانی بھی جھوٹ ہے
بہت نادان ہو لوگو! جو اِن کو بیَت کہتے ہو
فروزاں برسرِ قرطاس ہیں الہام کے بوسے
نوا سے کیف چھلکتا ہے سو شرابوں کا
نفس کو عطرِ سمن میں بسا کے رکھتے ہو
نظر کے تیر سے ہے تم کو خوب آگاہی
بڑے رحیم ہو نظریں جھکا کے رکھتے ہو
امنگ جاگی سنور کے نکلے، جو دل نے چاہا تو گھر سے نکلے
تمہیں رجھانے کو جو سجیں گے وہ اور ہوں گے وہ میں نہیں ہوں
حسین شمعیں ہزار ہا ہوں کبھی نہ ان پہ نظرکروں گا
جو ان کےشعلوں میں جل بجھیں گے وہ اور ہوں گے وہ میں نہیں ہوں
تری کہی ہوئی باتوں کی بازگشتیں، اف!
ترے خطوں کی طرح کاش ان کو داب آتا
بنا تمنا، بغیر عنواں گزر رہی ہے
گزر رہی ہے مگر، مری جاں! گزر رہی ہے
نظر نظارے کے ساتھ لہریں نہ لے تو کیونکر!
وہ رشکِ رفتارِ صد غزالاں گزر رہی ہے
۔۔۔۔۔۔۔۔۔۔۔۔۔۔۔۔۔
وہ ان کا پردہ بھی کیا ہے برہم! کہ جیسے رنگِ ظہورِ ہمدم!
مرے خیالوں کی اوٹ لے کر مری غزل کو لباس کرنا
۔۔۔۔۔۔۔۔۔۔۔۔۔۔۔۔۔۔۔۔۔
ہم کشتگانِ عشق تھے بیٹھے تھے خود میں گم
اور کام ہم کو حسبِ روایت کوئی نہ تھا
۔۔۔۔۔۔۔۔۔۔۔۔۔۔۔۔۔۔۔
اٹل ہے میرا لوٹنا، ہوں صبحِ شب شکن
سو فرقتوں کی تیرگی سے ہارنا نہیں!
۔۔۔۔۔۔۔۔۔۔۔۔۔۔۔۔۔۔۔۔۔
"بہزاد برہم، بزمِ اہلِ سخن میں 'نو وارد' تو ہیں لیکن ان کی پیشانی کی چمک کہتی ہے کہ اس کتاب کی اشاعت کے بعد وہ 'اجنبی' نہیں رہیں گے۔" امجد اسلام امجد
شاعر: بہزاد برہم
تعارف۔۔۔۔۔ بزبانِ امجد اسلام امجد
"بہزاد برہم کا جو کلام مسوّدے کی شکل میں میری نظر سے گزرا ہے اُس سے اندازہ ہوتا ہے کہ وہ ایک ترقی پسند سوچ کے حامل، حالاتِ حاضرہ سے با خبر اور زندگی سے محبت کرنے والے انسان ہیں۔ واضح رہے کہ گلہ وہیں ہوتا ہے جہاں محبت ہو۔ یہ بھی اندازہ ہوتا ہے کہ اردو زبان اور ادب سے ان کا تعلق درسی اور تعلیمی نوعیت کا نہیں بلکہ شوق اور فطری لگن کے حوالے سے ہے۔
بہزاد برہم کی شاعری خصوصاً غزلوں میں ایک تازگی اور ٹھہراؤ ہے لیکن اُن کے تخلص 'برہم' کی نسبت اُن کی مرہم اثراورمدھم لے کی شاعری تو کچھ اور کہتی نظر آتی ہے۔" امجد اسلام امجد
تعارف۔۔۔ بزبانِ سعود عثمانی
"بہزاد برہم کی شاعری مجھے ٹھنڈے میٹھے چشمے کی یاد دلاتی ھے۔ زمین کی گہرائی کے راز سمیٹے ایک پھوٹتا پانی جو ڈھونڈنے والوں کو ڈھونڈ رہا ہے۔ جو کچھ مجھے سطحِ خاک پر نظر آتا ہے اُس سے زیادہ متاثر کن مجھے وہ تخلیقی ذخائر محسوس ہوتے ہیں جو اس کے بطون میں پوشیدہ ہیں اور جن کے ظہور کے لئے وقت کو انتظار کرنا ہوگا۔
بہزاد برہم کی نظمیں اور غزلیں دونوں اس کے تخلیقی وفور کا پتہ دیتی ہیں لیکن اسکی نظموں نے مجھے زیادہ متاثر کیا ہے۔ ایک بہاؤ میں لکھی ہوئی یہ نظمیں وہ فکر، دکھ، موسیقیت اور تاثیر کو اپنے اندر سمیٹے ہوئے ہیں جو کسی تخلیق کار کی اصل قوت کے عناصرِ اربعہ ہیں۔" سعود عثمانی
منتخب کلام۔۔۔۔
کیوں گزر جاتی نہیں توُ کیوں گزر جاتی نہیں
اے شبِ فرقت بتا کیا پی لیا آبِ حیات!
۔۔۔۔۔۔۔۔۔۔۔۔۔۔۔۔۔۔
وہی دھوپ دھوپ سے راستے وہی تار تار سے واسطے
وہی بے ثمر سی ریاضتیں وہی عشق ہے وہی امتحاں
وہی زخم زخم سی آرزو وہی اشک اشک لہو لہو
وہی مجھ سے غم کی رفاقتیں وہی راز ہے وہی رازداں
-۔۔۔۔--------
سچی عدالتوں کی کہانی بھی جھوٹ ہے
اور قاتلوں کی آنکھ کا پانی بھی جھوٹ ہے
یاروں کی دو رخی کا عبث غم ہو جان پر
ہے وقت وہ کہ دشمنِ جانی بھی جھوٹ ہے
افراطِ زر کی کہنہ کہانی جو خام تھی
پھر جنس کی یہ تازہ گرانی بھی جھوٹ ہے
یہ داغ ایک لفظ ہے مرہم بھی ایک لفظ
چارہ گری بھی، زخمِ نہانی بھی جھوٹ ہے
ہرزہ سرائی ہیں یہ محبت کے معجزے
الفت نئی بھی مکر، پرانی بھی جھوٹ ہے
اِس برف زارِ دل میں اُگاتے ہو شعر تم
برہم تمہاری شعلہ بیانی بھی جھوٹ ہے
۔۔۔۔۔۔۔۔۔۔۔۔۔۔۔۔۔۔
بہت نادان ہو لوگو! جو اِن کو بیَت کہتے ہو
فروزاں برسرِ قرطاس ہیں الہام کے بوسے
۔۔۔۔۔۔۔۔۔۔۔۔۔۔۔۔۔۔
نوا سے کیف چھلکتا ہے سو شرابوں کا
نفس کو عطرِ سمن میں بسا کے رکھتے ہو
نظر کے تیر سے ہے تم کو خوب آگاہی
بڑے رحیم ہو نظریں جھکا کے رکھتے ہو
۔۔۔۔۔۔۔۔۔۔۔۔۔۔۔۔۔۔
امنگ جاگی سنور کے نکلے، جو دل نے چاہا تو گھر سے نکلے
تمہیں رجھانے کو جو سجیں گے وہ اور ہوں گے وہ میں نہیں ہوں
حسین شمعیں ہزار ہا ہوں کبھی نہ ان پہ نظرکروں گا
جو ان کےشعلوں میں جل بجھیں گے وہ اور ہوں گے وہ میں نہیں ہوں
۔۔۔۔۔۔۔۔۔۔۔۔۔۔۔۔۔۔
تری کہی ہوئی باتوں کی بازگشتیں، اف!
ترے خطوں کی طرح کاش ان کو داب آتا
۔۔۔۔۔۔۔۔۔۔۔۔۔۔۔۔۔۔
بنا تمنا، بغیر عنواں گزر رہی ہے
گزر رہی ہے مگر، مری جاں! گزر رہی ہے
نظر نظارے کے ساتھ لہریں نہ لے تو کیونکر!
وہ رشکِ رفتارِ صد غزالاں گزر رہی ہے
۔۔۔۔۔۔۔۔۔۔۔۔۔۔۔۔۔
وہ ان کا پردہ بھی کیا ہے برہم! کہ جیسے رنگِ ظہورِ ہمدم!
مرے خیالوں کی اوٹ لے کر مری غزل کو لباس کرنا
۔۔۔۔۔۔۔۔۔۔۔۔۔۔۔۔۔۔۔۔۔
ہم کشتگانِ عشق تھے بیٹھے تھے خود میں گم
اور کام ہم کو حسبِ روایت کوئی نہ تھا
۔۔۔۔۔۔۔۔۔۔۔۔۔۔۔۔۔۔۔
اٹل ہے میرا لوٹنا، ہوں صبحِ شب شکن
سو فرقتوں کی تیرگی سے ہارنا نہیں!
۔۔۔۔۔۔۔۔۔۔۔۔۔۔۔۔۔۔۔۔۔
"بہزاد برہم، بزمِ اہلِ سخن میں 'نو وارد' تو ہیں لیکن ان کی پیشانی کی چمک کہتی ہے کہ اس کتاب کی اشاعت کے بعد وہ 'اجنبی' نہیں رہیں گے۔" امجد اسلام امجد
