تخلص پر مبنی اشعار

[نازنین شاہ]

اردو محفل کے ساتھیوں کی خدمت میں سلام
میں نے اپنے طور پہ تلاش کرنے کی کوشش کی مگر مجھے ایسی کوئی لڑی نہیں ملی اگر موجود ہو تو میں اپنی لاعلمی تسلیم کرتی ہوں
بہرحال ساتھیوں یہاں شعراء کرام کے تخلص پر مبنی اشعار شامل کیجیئے گا
پہلا شعر میری طرف سے پیش خدمت ہے

بکھرتے ٹوٹتے محسن کو اور کیا کہنا
خراب اور وہ خانہ خراب کبا ہوگا
محسن نقوی

 

[سیما علی]

تمہیں ناز ہو نہ کیونکر کہ لیا ہے داغؔ کا دل
یہ رقم نہ ہاتھ لگتی نہ یہ افتخار ہوتا !!!!!!!!!!!
داغ دہلوی

 

[سیما علی]

امید وصل نے دھوکے دیے ہیں اس قدر حسرت
کہ اس کافر کی ’ہاں‘ بھی اب ’نہیں‘ معلوم ہوتی ہے
چراغ حسن حسرت

 

[سیما علی]

خنجر چلے کسی پہ تڑپتے ہیں ہم امیر
سارے جہاں کا درد ہمارے جگر میں ہے
امیر مینائی

 

[سیما علی]

بنا کر فقیروں کا ہم بھیس غالب
تماشائے اہل کرم دیکھتے ہیں
مرزا غالب

 

[سیما علی]

دور بیٹھا غبار میرؔ اس سے
عشق بن یہ ادب نہیں آتا
میر تقی میر

 

[سیما علی]

مرگ جگرؔ پہ کیوں تری آنکھیں ہیں اشک ریز
اک سانحہ سہی مگر اتنا اہم نہیں!!!!!!
جگر مراد آبادی

 

[سیما علی]

خدا کا گھر ہے بت خانہ ہمارا دل نہیں آتشؔ
مقام آشنا ہے یاں نہیں بیگانہ آتا ہے

 

[سیما علی]

تجھے نہ مانے کوئی تجھ کو اس سے کیا مجروحؔ
چل اپنی راہ بھٹکنے دے نکتہ چینوں کو

 

[سیما علی]

نہ بہلاوا نہ سمجھوتا جدائی سی جدائی ہے
اداؔ سوچو تو خوشبو کا سفر آساں نہیں ہوتا

 

[سیما علی]

کوئی نام و نشاں پوچھے تو اے قاصد بتا دینا
تخلص داغؔ ہے وہ عاشقوں کے دل میں رہتے ہی

داغ دہلوی

 

[سیما علی]

اس بت کے در پہ غیر سے اکبرؔ نے کہہ دیا
زر ہی میں دینے لایا ہوں جان آپ دیجئے

 

[سیما علی]

شعر غیروں کے اسے مطلق نہیں آئے پسند
حضرت اکبرؔ کو بالآخر طلب کرنا پڑا !!!!!!!!

 

[سیما علی]

رکھ قدم ثابت نہ چھوڑ اکبرؔ صراط مستقیم
خیر چل جانے دے ان کی چال دیکھا جائے گا