تحقیقی رپورٹ : ’جب ہم پڑھتے ہیں تو ہرچیز بدل جاتی ہے‘

حاتم راجپوت نے 'تعلیم و تدریس' کی ذیل میں اس موضوع کا آغاز کیا، ‏اگست 3, 2015

  1. حاتم راجپوت

    حاتم راجپوت لائبریرین

    مراسلے:
    1,594
    جھنڈا:
    Pakistan
    موڈ:
    Cool
    [​IMG]
    کسی پُرلطف کتاب میں کھو جانے کے بہت سے فوائد سامنے آئے ہیں۔

    ایک رپورٹ میں کہا گیا ہے کہ کسی اچھی کتاب میں غرق ہوجانے سے لوگ ایک دوسرے کی صلاحیت سے خود کو جوڑتے ہیں اور ان کی احساس ہم آہنگی میں اضافہ ہوتا ہے۔دا ریڈینگ ایجنسی کی تحقیق کے ایک جائزے میں کہا گیا ہے بچوں اور بالغوں دونوں میں خوشی کے لیے مطالعے کرنے سے تعلیمی نتائج سے کہیں زیادہ حاصل ہوتا ہے۔برطانیہ کے چار ہزار بالغوں پر مبنی اس حالیہ مطالعے میں کہا گیا ہے کہ خوشی، سرور، حظ یا لطف حاصل کرنے کے لیے کتابوں کا مطالعہ کرنے والے سماجی تقریبات سے زیادہ لطف اندوز ہوتے ہیں۔

    تحقیق میں کہا گیا ہے کہ اس سے بچوں میں جذبات و احساسات کی سمجھ میں بھی اضافہ ہوتا ہے۔

    مجموعی طور پر اس تحقیق میں یہ پایا گيا ہے کہ مطالعے کا تعلق، سرور حاصل کرنے، سکون پانے یا راہ فرار اختیار کرنے سے ہے۔

    [​IMG]
    اس میں یہ بھی پتا چلا کہ لڑکیوں کے مقابلے لڑکے کسی لفظ کے پوشیدہ معانی سے زیادہ مثبت طور پر متاثر ہوئے۔

    تحقیق میں اس بات پر نظر رکھی گئی ہے کہ ذوق و شوق سے کیا جانے والا مطالعہ کس طرح ذہنی اور جسمانی صحت کو تقویت پہنچاتا ہے۔

    اس میں کہا گیا ہے جو لوگ عموما لطف اندوز ہونے کے لیے پڑھتے ہیں:

    • ان میں تناؤ اور پژمردگی (ڈپریشن) پیدا ہونے کے امکان کم ہوتا ہے،
    • ان میں زیادہ خودداری یا خود پسندی ہوتی ہے،
    • وہ مشکل حالات سے نمٹنے کے زیادہ اہل ہوتے ہیں،
    • ان کی نیند کا معمول بہتر ہوتا ہے۔
    اس میں سات سے نو سال کے بچوں پر مبنی جرمنی میں ہونے والے ایک مطالعے کا بھی ذکر ہے جس میں خواندگی اور جذبات و احساسات کی سمجھ کے درمیان ممکنہ رشتوں پر نظر ڈالی گئی ہے۔

    [​IMG]
    مطالعے سے خودپسندی اور راہِ فرار اختیار کرنا بھی منسلک ہے۔

    اس رپورٹ میں سکول کے بعد بچوں کو جذباتی موضوعات والی بچوں کی کتابیں پڑھ کرسنائی گئیں اور پھر ان پر بات کی گئی۔
    اس میں یہ پایا گیا کہ اس سے بچوں کی جذباتی لفظیات، معلومات اور فہم و ادراک میں اضافہ ہوا۔
    اس میں یہ بھی پتہ چلا کہ ’لڑکیوں کے مقابلے لڑکے کسی لفظ کے پوشیدہ معانی سے زیادہ مثبت طور پر متاثر ہوئے۔‘
    رپورٹ میں کہا گيا: ’ہمیں اپنی شناخت کی فہم و ادراک میں اضافے سے مطالعے کا قریبی تعلق ہے اور یہ دوسروں کے نظریات کو سمجھنے میں بھی بہت اہم رول ادا کر سکتا ہے۔‘

    دا ریڈینگ ایجنسی کے چیف ایگزیکٹیو سو ولکنسن نے کہا کہ رپورٹ کے نتائج بتاتے ہیں کہ ’جب ہم پڑھتے ہیں تو ہرچیز بدل جاتی ہے۔‘


    بی بی سی اردو : ربط
     
    • معلوماتی معلوماتی × 4
    • پسندیدہ پسندیدہ × 1
    • زبردست زبردست × 1
  2. حاتم راجپوت

    حاتم راجپوت لائبریرین

    مراسلے:
    1,594
    جھنڈا:
    Pakistan
    موڈ:
    Cool
    میرے اپنے مشاہدہ کے مطابق مطالعہ کے شائق نوجوان لڑکے یا لڑکیوں میں روز مرہ زندگی کے مسائل کو بہتر انداز میں سمجھنے کی صلاحیت پیدا ہوتی ہے اور یہی صلاحیت پھر ان مسائل کے بہتر حل کی طرف رجوع کرتی ہے۔ مزید یہ کہ مطالعہ کرنے والے افراد کی امیجینیشن خاصی اسٹرانگ ہوتی ہے اور وہ اپنی تخلیقی صلاحیتوں کا بہتر اظہار کر سکتے ہیں۔
     
    • متفق متفق × 1
  3. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    راہ فرار کا تو میں خود شاہد ہوں :)
     
    • پر مزاح پر مزاح × 1
  4. نوشاب

    نوشاب محفلین

    مراسلے:
    754
    جھنڈا:
    Pakistan
    موڈ:
    Happy
    مثلا``
     
    • پر مزاح پر مزاح × 1
  5. آوازِ دوست

    آوازِ دوست محفلین

    مراسلے:
    1,906
    جھنڈا:
    Pakistan
    موڈ:
    Relaxed
    ذوق اور شوق کا اچھا امتزاج بن جائے تو مطالعاتی تفریح ایک نشہ ہے :)
     
    • متفق متفق × 1
  6. آوازِ دوست

    آوازِ دوست محفلین

    مراسلے:
    1,906
    جھنڈا:
    Pakistan
    موڈ:
    Relaxed
    حق بات ہے :)
     
    • متفق متفق × 1
  7. نمرہ

    نمرہ محفلین

    مراسلے:
    602
    جھنڈا:
    Pakistan
    موڈ:
    Paranoid
    سماجی تقریبات سے لطف اندوز ہونے کے لیے تو کتاب ساتھ لے کر جانا ضروری ہے:)
    راہِ فرار کے طور پر تو ایپک فینٹسی سے بڑھ کر کوئی چیز نہیں۔ اس بات سے اتفاق ہے کہ مطالعے سے دوسروں کے نظریات سمجھنے میں مدد ملتی ہے ۔
     
    • زبردست زبردست × 1
  8. محمدظہیر

    محمدظہیر محفلین

    مراسلے:
    2,949
    ہر چیز کیسے بدلتی ہے ۔ پڑھنے والے کے اندر تبدیلی آتی ہے یا باہر کے حصے میں؟
     

اس صفحے کی تشہیر