تاریخی شہر اوچ شریف

چھوٹاغالبؔ نے 'تاریخ کا مطالعہ' کی ذیل میں اس موضوع کا آغاز کیا، ‏جون 7, 2012

  1. چھوٹاغالبؔ

    چھوٹاغالبؔ لائبریرین

    مراسلے:
    1,983
    جھنڈا:
    Pakistan
    موڈ:
    Lonely
    اولیا کرام کی سر زمین اوچشریف سابق ریاست بہاولپور کی تحصیل احمد پور شرقیہ کے مغرب کی جانب 21 کلو میٹر کے فاصلے پر واقع ہے
    یہ تاریخی شہر مذہبی ، ثقافتی ، تجارتی و علمی و روحانی حیثیت کا حامل رہا ہے
    قبل از مسیح یہ شہر بہت بڑا تجارتی اور فوجی مرکز ہونے کے باوجود 36 مربع میل حدودِ اربعہ کا شہر ہوتا ہوگا، مگر اب یہ ایک اجڑا دیار ہے۔
    جہاں یہ خطہ فاتحین کی عتابی نگاہوں کے پیشِ نظر رہا وہاں یہ سر زمین خیر کے داعی انسانوں ، راموں ، گروؤں ، لاماؤں ، گیانیوں ، سادھوؤں اور طلوعِ اسلام کے بعد اولیا کرام کی توجہ کا مرکز رہی۔ حضور ختم المرتبت ﷺ کی آل اطہار جتنی کثرت سے اس سر زمین پر آ کر آباد ہوئی ، زمانے کے کسی اور خطے میں نہیں ہوئی۔
    اگر اس کو تاریخی حوالے سے دیکھا جائے تو معلوم ہوتا ہے کہ سیدنا حضرت نوح علیہ اسلام کے بیٹے یافث نے ڈیڑھ ہزار سال قبل مسیح اس شہر کی بنیاد رکھی۔
    اوچ شریف کے اوراق پلٹیں تو معلوم ہوتا ہےیہ شہر حملوں اور قدرتی آفتوں کی زد میں رہا ہے۔ شکست و ریخت اس کا مقدر بنی۔ ہر فاتح اس شہر کو فتح کرنے کے بعد آگ لگا دیتا تھا اور اس کو بگڑتے سنورتے کئی عرصے لگ جاتے ۔ سونے کی چڑیا ہونے کی وجہ سے ہر آنے والے حکمران ی نظریں اس شہر پر جمی رہیں ۔ وسیع حدودِ اربعہ رکھنے کے باوجود اب یہ شہر گلیوں کوچوں تک محدود ہو کر رہ گیا ہے۔
    حیران کن بات یہ ہے ہزاروں سال سے آباد اس شہر کا وجود ابھی تک قائم ہے تاہم حکمرانوں کی باہمی جنگ و جدل سے ہونے والی تباہی کے اثرات ۔اورشہر کی تباہ کاریوں کی کہانیاں صدیوں پرانی چلی آ رہی ہیں ۔
    ماضی میں اس کے مختلف نام رہے۔ اچھ، اوچ ، اوسا، الیگزینڈرہ۔

    ایک روایت کے مطابق بارہویں صدی میں یہاں کا ہندو راجہ جے پال تخت نشین تھا ۔ اس کی دو بیٹیاں تھیں ۔ ایک کا نام اوچھا رانی جس کے نام پر اوچ آباد کیا گیا ۔دوسری بیٹی کا نام سیتا رانی تھا ، جس کے نام پر سیت پور آباد ہوا (جو کہ اب بھی موجود ہے)

    جب حضرت جلال الدین سرخ پوش بخاری ؒ اوچشریف تشریف لائےتو اوچ کا نام دیو گڑھ تھا۔
    مشہور سیاح ابنِ بطوطہ بھکر سے ہوتا ہوا جب اوچشریف پہنچا تو اسے تجارتی شہر پایا ۔ (یہاں تجارتی سلسلہ دریائی ہوتا تھا)ابنِ بطوطہ یہاں سے ہوتا ہوا دریائی راستوں سے عرب چلاگیا۔
    سینکڑوں دفعہ اس شہر کے محا صرے ہوئے ۔ تباہی اور بربادی سے ہزاروں مکان ٹیلوں کی شکل اختیار کر گئے۔ لاکھوں انسان موت کی نذر ہو گئے۔تاریخی آثار آج بھی اس کی بربادی کا منہ بولتا ثبوت ہیں ۔ دھرم شالے ، پریم مندر ، شمشان بھومی وغیرہ کے آثارِ قدیمہ اور کھنڈرات وضح طور پر محسوس ہوتے ہیں ۔ خدا جانے اسے کتنی بار اجاڑا گیا ۔ کتنے مکین دفن ہوئے ، کتنے بے گناہ انسان زندہ جلا دئیے گئے۔
    یہاں پر 2 ہزار سال پرانی قبریں ، انسانی ڈھانچے ، کھوپڑیاں ، ہڈیاں ان ٹیلوں نما دیواروں میں پیوست نظر آتی ہیں ۔ بعض اوقات بارش کے بعد پرانے مکانوں کی بنیادیں واضح طور پر نظر آجاتی ہیں، اور کئی پرانے سکے ، پارنی چیزیں ان ملبوں سے مل جاتی ہیں ۔ خبر نہیں تہہ نشین ان ٹیلوں میں کتنے نوادرات دفن ہیں ۔ اگر آثارِ قدیمہ والے توجہ دیں تو موہنجوداڑو ، ہڑپہ جیسی چیزیں حاصل ہو سکتی ہیں
    ایک روایت ہے کہ چچ نے آج سے ڈیڑھ ہزار سال قبل اس شہر کو ملتان پہنچنے کے دوران محاصرہ کر کے اپنے قبضے میں لے لیا۔ جبکہ پانچ سو سال قبل حسن ارغونی نے اس شہر کو جلا کر راکھ کر دیا ۔ اس وقت اوچ شریف قلعہ کی حیثیت رکھتا تھا۔
    سکندرِ اعظم کی فتح کے بعد اوچ کو سکندریہ کے نام سے پکارا جانے لگا ۔ جب سکندر یہاں سے واپس لوٹا تو اس نے اس شہر کو کچھ معاہدوں کے تحت راجہ پورس کے حوالے کیا ۔
    1005ء میں سلطان محمود غزنوی نے اس شہر پر حملہ کیا، اور راجہ جے پال کو شکست دی۔
    1075ء میں شہاب الدین غور ی نے اس شہر پر اپنا تسلط قائم کیا۔
    سلطان جلال الدین شاہ خوارزم 1221 ھ چنگیز خان سے شکست کھا کر دریائے سندھ عبور کرکے فرار ہوا ۔ سندھ پہنچنے کے بعد ناصر الدین قباچہ اور شمس الدین التمش سے مدد کی درخواست کی لیکن بے سود۔جب ناامید واپس جانے لگا تو شہر اوچ کو آگ لگا دی ۔
    گیارہویں صدی عیسوی کے آخر میں جنوبی ہند کے بہت مشہور شہروں میں اوچ شریف کا شمار ہونے لگا ۔
    اس کے بعد یہ شہر بھاٹیہ خاندان کے بادشاہوں کے زیرِ اقتدار رہا۔

    سادات کرام کی اوچ شریف میں آمد:۔
    روایت ہے کہ پہلے سادات عظام کی آمد ساحلِ مکران پر ہوئی ۔ سندھ کے صادقین نے از حد عزت و توقیر اور پذیرائی دی ، تو یہ سلسلہ مکران سے لے کر اوچ اور ملتان اور اس کے بعد ہندوستان میں پھیلتا چلا گیا ۔ اوچشریف میں سب سے پہلے بزرگ سیدنا صفی الدین حقانی گارزونی تشریف فرما ہوئے ۔ پھر اولیا کرام کی آمد کا سلسلہ شروع ہو گیا۔

    (جاری ہے)
     
    • معلوماتی معلوماتی × 11
    • زبردست زبردست × 8
    • پسندیدہ پسندیدہ × 4
  2. مہ جبین

    مہ جبین محفلین

    مراسلے:
    6,246
    جھنڈا:
    Pakistan
    موڈ:
    Relaxed
    سبحان اللہ ، ماشاءاللہ اس تاریخی سر زمین کی کیا بات ہے۔۔۔!
     
    • پسندیدہ پسندیدہ × 2
  3. حسیب نذیر گِل

    حسیب نذیر گِل محفلین

    مراسلے:
    7,236
    جھنڈا:
    Pakistan
    موڈ:
    Innocent
    بہت زبردست لکھا آپ نے مزید کا نتظار رہے گا
     
  4. mfdarvesh

    mfdarvesh محفلین

    مراسلے:
    6,524
    جھنڈا:
    Pakistan
    موڈ:
    Breezy
    بہت خوب،
    اگر کچھ تصاویر بھی لگا دیتے تو لطف دوبالا ہوجاتا
     
    • متفق متفق × 1
  5. نایاب

    نایاب لائبریرین

    مراسلے:
    13,220
    جھنڈا:
    Pakistan
    موڈ:
    Goofy
    اوچ شریف کی تاریخ سے آگہی دینے پر بہت شکریہ
    محترم چھوٹے غالب جی ۔۔ باقی کب لکھیں گے ۔۔۔۔۔۔۔۔۔۔۔۔۔۔
     
  6. کاشف اکرم وارثی

    کاشف اکرم وارثی محفلین

    مراسلے:
    721
    جھنڈا:
    Kuwait
    موڈ:
    Persnickety
    جزاک اللہ خیر ۔۔ معلومات فراہم کرنے کا شکریہ
     
  7. چھوٹاغالبؔ

    چھوٹاغالبؔ لائبریرین

    مراسلے:
    1,983
    جھنڈا:
    Pakistan
    موڈ:
    Lonely
    میرے کیمرے سے لی گئی تصاویر
    مزارات اور مقبروں اور تاریخی مقامات کی
    (ایک قسط) میرے فیس بک اکاؤنٹ میں موجود ہے
     
    • پسندیدہ پسندیدہ × 2
  8. یوسف-2

    یوسف-2 محفلین

    مراسلے:
    4,043
    جھنڈا:
    Pakistan
    موڈ:
    Shh
    فیس بک سے یہاں کاپی بھی کردیں، اگر بہت زیادہ خرچہ نہ ہو تو :D
     
    • پر مزاح پر مزاح × 1
    • متفق متفق × 1
  9. چھوٹاغالبؔ

    چھوٹاغالبؔ لائبریرین

    مراسلے:
    1,983
    جھنڈا:
    Pakistan
    موڈ:
    Lonely
    • پسندیدہ پسندیدہ × 1
  10. سیدہ شگفتہ

    سیدہ شگفتہ لائبریرین

    مراسلے:
    28,742
    بہت شکریہ بھائی ، اگر تصاویر بھی شامل کر سکیں تو ضرور کیجیے ۔
     
  11. چھوٹاغالبؔ

    چھوٹاغالبؔ لائبریرین

    مراسلے:
    1,983
    جھنڈا:
    Pakistan
    موڈ:
    Lonely
    میرا یہ اُچ شریف کا وزٹ ایک طرح سے ہنگامی وزٹ کہا جا سکتا ہے
    صرف 4 گھنٹے تھے جن میں جملہ ننھیال میں اپنی شکل بھی دکھانی تھی اور مزارات پر بھی حاضری دینی تھی
    پھر بھی تقریباً 70 تصاویر لیں، اور جتنی روایات اکٹھی کر سکا وہ کیں
    مگر اب انشاءاللہ ایک تفصیلی وزٹ کروں گا
    اور جو جو مقا مات میں نہیں دیکھ پایا اور جن کی مکمل تفصیل میرے پاس موجود نہیں وہ بھی انشاءاللہ جلد ہی پوسٹ کروں گا
    مگر یوسف ثانی صاحب کے ڈر سے اس سفر نامے کا دوسرا حصہ لکھنے کی ہمت نہیں ہوئی، اور تصاویر پوسٹ کرنے میں بھی
    کیا معلوم کب یہ کس پوسٹ پہ غیر متفق ہو جائیں، یا نا پسندی کا جھنڈا لہرا دیں
     
    • پسندیدہ پسندیدہ × 2
    • غیر متفق غیر متفق × 1
  12. یوسف-2

    یوسف-2 محفلین

    مراسلے:
    4,043
    جھنڈا:
    Pakistan
    موڈ:
    Shh
    مالی دا کم پانی لانا ۔ ۔ ۔ :D
    بھتیجہ عزیز! آپ اپنا کام ستائش و صلہ (پسند، متفق، زبردستوغیرہ) کی تمنا کے بغیر کئے جائیں۔ متفق و غیرمتفق ہونا قارئین کا حق ہے۔ اسی سے آپ کو یہ اندازہ لگانے میں مدد ملے گی کہ آپ کتنے پانی میں ہیں اور کتنے خشکی پر :D
     
    • متفق متفق × 2
    • غیر متفق غیر متفق × 1
  13. محمد جاوید اختر

    محمد جاوید اختر محفلین

    مراسلے:
    289
    جھنڈا:
    Pakistan
    موڈ:
    Breezy
    غالب جی آپ کا میرے فیس بک اکاؤنٹ میں کیا ہے
     
    • پسندیدہ پسندیدہ × 1
  14. نایاب

    نایاب لائبریرین

    مراسلے:
    13,220
    جھنڈا:
    Pakistan
    موڈ:
    Goofy
    کچھ تصویر بتاں چند حسینوں کے خطوط
    اور اپنے غالب صغیر کی متاع کیا ہے
     
    • زبردست زبردست × 1
    • پر مزاح پر مزاح × 1
  15. چھوٹاغالبؔ

    چھوٹاغالبؔ لائبریرین

    مراسلے:
    1,983
    جھنڈا:
    Pakistan
    موڈ:
    Lonely
    کوئی بتلاؤ کہ ہم بتلائیں کیا

    ایسے پوچھنے سے آپ کا کیا مقصد ہے؟ یا میرے جواب سے آپ کو کیا فائدہ ہوگا؟
    بہتر ہے خود ہی دیکھ لیں، ننکانہ دور تے نئیں
     
  16. چھوٹاغالبؔ

    چھوٹاغالبؔ لائبریرین

    مراسلے:
    1,983
    جھنڈا:
    Pakistan
    موڈ:
    Lonely
  17. حسیب نذیر گِل

    حسیب نذیر گِل محفلین

    مراسلے:
    7,236
    جھنڈا:
    Pakistan
    موڈ:
    Innocent
    • پر مزاح پر مزاح × 2
    • معلوماتی معلوماتی × 1
  18. عسکری

    عسکری معطل

    مراسلے:
    18,520
    جھنڈا:
    Pakistan
    موڈ:
    Daring
    او یہ تو میرے ٹاؤن کی بات ہو رہی ہے :eek: اچھا میں آ کر آپکو تصاویر اور معلومات دیتا ہوں۔ اوچ میرا آبائی شہر ہے میں نے اپنا سارا بچپن یہیں گزارہ تھا یہاں کے سکول کالج گلیاں میری ان گنت یادوں سے بھرے ہیں ۔وہ لوگ بھی اب تک ہمیں یاد کرتے ہیں کہ بابا بلھے شاہ کی پیدائشی نگری میں اب کیا کیا بلائیں ہمارے جیسی پیدا ہوتی ہیں :laugh:
     
    • پسندیدہ پسندیدہ × 3
    • زبردست زبردست × 1
    • پر مزاح پر مزاح × 1
  19. برگ حنا

    برگ حنا محفلین

    مراسلے:
    387
    جھنڈا:
    Pakistan
    موڈ:
    Fine

    بہت اچھا لکھا ہے اویس بھیا آپ نے
    اور آپ کی اس تحریر سے اوچ شریف سے متعلق بہت اہم اور مفید معلومات سے آگاہی حاصل ہوئی ہے
    خوش رہیں اور یوں ہی اپنی تحریروں سے محفل کا سرمایہ بڑھاتے رہیں اور محفلین کے ذوق و آگہی کی تسکین کا سامان کرتے ہوئے ان سے داد و تحسین
    وصول کرتے رہیں آمین
     
    • پسندیدہ پسندیدہ × 2
  20. نیلم

    نیلم محفلین

    مراسلے:
    11,419
    جھنڈا:
    England
    موڈ:
    Lurking
    خوب...کچھ تصاویر بھی ہونی چاہیےتھی
     
    • پسندیدہ پسندیدہ × 1

اس صفحے کی تشہیر