"ب" سے بچ کر رہنا

انیس الرحمن نے 'مضامین کی ادارت' کی ذیل میں اس موضوع کا آغاز کیا، ‏فروری 18, 2013

ٹیگ:
  1. انیس الرحمن

    انیس الرحمن محفلین

    مراسلے:
    8,245
    جھنڈا:
    Pakistan
    موڈ:
    Buzzed
    "ب" سے بچ کر رہنا
    سید خرم ریاض
    یہ نجومی لوگ بھی بڑے عجیب ہوتے ہیں۔ بعض اوقات ایسی بات کہہ جاتے ہیں کہ اس سے دوسروں کی زندگی خراب ہوجاتی ہے۔
    ہمارے گھر کے کچھ دور ایک نجومی صاحب نے ڈیرا جما رکھا تھا۔ ایک روز میں نے سوچا کہ ان سے اپنے مستقبل کے بارے میں پوچھنا چاہیے۔ چنانچہ میں ان کے پاس گیا۔ انہوں نے میرا ہاتھ دیکھا اور فرمانے لگے، "زندگی میں ہمیشہ "ب" سے بچ کر رہنا۔ مطلب یہ کہ اگر تمہیں زندگی پیاری ہے تو "ب" سے شروع ہونے والی چیزوں سے بچنا۔"
    یہ سن کر میرا سر چکرانے لگا اور پہلی دفعہ دن میں تارے نظر آنے کا مطلب سمجھ آیا۔
    میں وہاں سے کسی نہ کسی طرح اٹھا اور گھر آ کر "بستر" کے بجائے فرش پر لیٹ گیا۔ امّی نے دیکھا تو کہا، "بیٹا! کیا ہوا؟"
    "کچھ نہیں امّی! وہ ذرا سر چکرا رہا ہے اور ہاں برائے مہربانی مجھے بیٹا نہ کہیے گا۔"
    "لیکن کیوں؟ کیا تم میرے بیٹے نہیں ہو؟" امّی نے حیرت سے کہا۔
    "ہوں تو، لیکن مجھے لڑکا کہیے۔" میں نے ہاتھ جوڑتے ہوے کہا۔ ابھی میری اور امّی کی یہ گفتگو ہو رہی تھی کہ باجی کالج سے آ گئیں۔ ان کا موڈ خراب تھا۔ مجھے دیکھتے ہی برس پڑیں، "ارے! یہ تم فرش پر کیوں لیٹے ہو؟"
    "بس آپا! ذرا گرمی لگ رہی تھی۔" میں نے بہانہ بنایا۔
    "ایں! اسے کیا ہوگیا؟ یہ مجھے باجی سے آپا کہہ رہا ہے؟" انہوں نے غصے سے کہا۔
    بہرحال، میں اٹھ کر کھڑا ہو گیا، کیوں کہ "بیٹھنا" تو میرے نصیب میں نہ تھا۔ پھر امّی سے پوچھا، "امّی! آج کیا پکایا ہے؟"
    انہوں نے کہا، "بھنڈی اور بکرے کا گوشت۔"
    یہ سن کر مجھے رونا آ گیا۔ "ب" والی چیز کھانا تو دور کی بات، میں انہیں دیکھ بھی نہیں سکتا تھا۔ خیر جناب! میں ہوٹل میں آ گیا اور دو سموسوں کا آرڈر دیا۔ بیرا سموسے رکھ کر چلا گیا۔ میرے ساتھ میز پر بیٹھا ایک شخص "برفی" کھا رہا تھا۔ اسے دیکھ کر میرا دماغ خراب ہو گیا اور میں وہاں سے اٹھ کر چلا آیا۔
    مہینے کی "بارہ" "بیس" اور "بائیس" تاریخیں میرے لیے منحوس تھیں۔ دن میں جب بھی "بارہ" بجتے دل میں ایک ہول سا اٹھنے لگتا۔ "بادام" کی آئس کریم تو میری جان کی دشمن ہو گئی۔ ہفتے میں "بدھ" کے دن محتاط رہنا پڑتا کہ کوئی ناخوشگوار واقعہ پیش نہ آ جائے۔ کتابوں کو اب "بستے" کے بجائے ہاتھوں میں لے جانے لگا۔ اب تو "بس" میں جاتے ہوئے ڈر لگتا تھا۔ روز پیدل ہی اسکول جاتا تھا۔
    سر کے "بال" جو مجھے بےحد عزیز تھے ناچار منڈوانے پڑے۔ کچھ دن پہلے ابّو نے ایک "بیکری" خریدی تھی۔ شام کے وقت وہاں بیٹھتا تھا، لیکن اب میں نے ابّو سے صاف کہہ دیا کہ مجھے معاف کر دیں، میں بیکری پر نہیں بیٹھ سکتا۔
    "بقر عید" کے دنوں میں ہر طرف "بکروں" کو دیکھ کر مجھے سانس اوپر نیچے ہوتا محسوس ہوا۔ "بلال" اور "باسط" جیسے دوستوں سے دوستی چھوڑنی پڑی۔ کوئی "باتونی" شخص آ جاتا تو گھبراہٹ سی ہونے لگتی اور دل کی دھڑکن تیز ہو جاتی۔ "برسات" جیسے موسم سے الجھن ہونے لگتی۔ "بارش" سے اب جان کے لالے پڑ گئے۔ "بلّی" بھی جان کی دشمن ہو گئی۔
    انہی دنوں میرے دوست "بابر" کی شادی تھی۔ لازمی بات ہے "برات" بھی جانی تھی اور وہ بھی "بہاول پور"۔ ابّو نے کہا، "بیٹا! تم بہت دنوں سے کہیں نہیں گئے۔ "بابر" تمہارا دوست بھی ہے۔ چلے جاؤ۔"
    اب میں ابّو کو کیا بتاتا کہ وہاں تو اتنی سارے "ب" جمع ہیں۔ بھلا آپ ہی بتائیے کہ اتنی بہت سی "ب" کے درمیان میں میں زندہ رہ سکتا تھا۔
    "بدھ" کے روز امّی نے "بکرے" کی "بریانی" پکائی۔ "بریانی" دیکھ کر منہ میں پانی بھر آیا، کیوں کہ بریانی مجھے بہت پسند ہے۔ اب تو مجھ سے رہا نہیں گیا۔ نجومی کو جا کر گردن سے پکڑ لیا کہ یہ تم نے کیسی مصیبت میں پھنسا دیا ہے۔ اس نے کہا، "ارے بھئی! غلطی ہو گئی۔ تمہارے ستارے کہتے ہیں "ن" سے پرہیز کرنا ہے۔
    اب آپ بتائیے میں کیا کروں۔۔۔
    ٭٭٭​
     
    • زبردست زبردست × 18
    • پر مزاح پر مزاح × 14
    • پسندیدہ پسندیدہ × 5
  2. انیس الرحمن

    انیس الرحمن محفلین

    مراسلے:
    8,245
    جھنڈا:
    Pakistan
    موڈ:
    Buzzed
    ماہنامہ ہمدرد نونہال، اکتوبر ١٩٩٣ سے لیا گیا۔
     
    • زبردست زبردست × 5
    • معلوماتی معلوماتی × 4
    • پسندیدہ پسندیدہ × 1
    • دوستانہ دوستانہ × 1
  3. قرۃالعین اعوان

    قرۃالعین اعوان محفلین

    مراسلے:
    8,647
    موڈ:
    Lurking
    بہت ہی مزہ آیا تھا یہ تحریر پڑھ کر ہم کزنز نے پھر بہت بار اس طرح کے کھیل کھیلے کہ اب اتنی دیر میں تم نے ب استعمال نہیں کرنا یا فلاں حرف استعمال نہیں کرنا
    آج یہ ایک بار پڑھ کر پھر :heehee: وہی سب یاد آگیا
     
    • پسندیدہ پسندیدہ × 3
    • پر مزاح پر مزاح × 2
    • زبردست زبردست × 1
  4. عبدالروف اعوان

    عبدالروف اعوان محفلین

    مراسلے:
    607
    جھنڈا:
    England
    موڈ:
    Bored
    ہاہا ، ذبردست
     
    • پسندیدہ پسندیدہ × 1
    • پر مزاح پر مزاح × 1
  5. عبدالقدوس راشد

    عبدالقدوس راشد محفلین

    مراسلے:
    487
    جھنڈا:
    Pakistan
    موڈ:
    Breezy
    بہت عمدہ شیئرنگ
     
    • پسندیدہ پسندیدہ × 1
  6. مقدس

    مقدس لائبریرین

    مراسلے:
    28,441
    جھنڈا:
    England
    موڈ:
    Tired
    مزہ آ گیا انیس بھیا :)
     
    • پسندیدہ پسندیدہ × 1
    • متفق متفق × 1
  7. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    بہت خوب!
    جب اس نے ن سے پرہیز کرنے کا کہا تو سب سے پہلے اس کی ”ناک“ کاٹنی چاہیے تھی، پھر اس ”نالائق“ کو اتنا مارنا تھا کہ وہ آیندہ خود کو ”نجومی“ کہنا ہی بھول جاتا۔
    نامرادا۔۔۔۔!
    ظاہر ہے اگر اس کی جگہ آپ نجومی سے ملتے تو کیا آپ نیلم نبیل نایاب ناعمہ عزیز نیرنگ خیال نگار ف نکتہ ور نوید ظفر کیانی نوید صادق نمرہ نوآموز ندیم عامر نازنین ناز ناز پری وغیرہ سے بات چیت ترک کردیتے کیا؟
     
    • پر مزاح پر مزاح × 7
    • متفق متفق × 6
    • زبردست زبردست × 3
  8. عینی شاہ

    عینی شاہ محفلین

    مراسلے:
    9,698
    موڈ:
    Cheerful
    :thumbsup:ویری نائس انیس بھائی
     
    • پسندیدہ پسندیدہ × 1
  9. مہ جبین

    مہ جبین محفلین

    مراسلے:
    6,246
    جھنڈا:
    Pakistan
    موڈ:
    Relaxed
    • پسندیدہ پسندیدہ × 2
    • پر مزاح پر مزاح × 1
  10. مہ جبین

    مہ جبین محفلین

    مراسلے:
    6,246
    جھنڈا:
    Pakistan
    موڈ:
    Relaxed
    :laugh::laugh::laugh:
     
    • پسندیدہ پسندیدہ × 1
    • متفق متفق × 1
  11. شمشاد

    شمشاد لائبریرین

    مراسلے:
    200,069
    جھنڈا:
    Pakistan
    موڈ:
    Relaxed
    ہاہاہاہا، مزہ آ گیا۔
     
    • پسندیدہ پسندیدہ × 1
  12. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    :pak:
     
    • پسندیدہ پسندیدہ × 1
  13. ذوالقرنین

    ذوالقرنین لائبریرین

    مراسلے:
    4,167
    جھنڈا:
    Pakistan
    موڈ:
    Brooding
    بہت زبردست انیس الرحمن بھائی! کمزور اور کم ہمت افراد کے ساتھ ایسا ہی ہونا چاہیے۔
     
    • پسندیدہ پسندیدہ × 1
  14. فاتح

    فاتح لائبریرین

    مراسلے:
    15,751
    جھنڈا:
    Pakistan
    موڈ:
    Hungover
    زبردست انیس بھائی
    گویا ایک اور کہانی :)
     
    • پسندیدہ پسندیدہ × 1
  15. قیصرانی

    قیصرانی لائبریرین

    مراسلے:
    45,875
    جھنڈا:
    Finland
    موڈ:
    Festive
    زبردست شیئرنگ :)
     
    • پسندیدہ پسندیدہ × 1
  16. نکتہ ور

    نکتہ ور محفلین

    مراسلے:
    669
    جھنڈا:
    Pakistan
    موڈ:
    Cheerful
    بہت خوب۔
    میں "س" سے دور بھاگتا ہوں
    سکر کا سربت سیسم کے سجر کے سائے میں فرس پر نسست فرما کر سام سات بجے نوس کیا۔
     
    • پر مزاح پر مزاح × 3
  17. مقدس

    مقدس لائبریرین

    مراسلے:
    28,441
    جھنڈا:
    England
    موڈ:
    Tired
    اردو میں لکھیں ناں بھائی۔۔ یہ کیا لکھا آپ نے؟
     
    • زبردست زبردست × 1
    • پر مزاح پر مزاح × 1
  18. شمشاد

    شمشاد لائبریرین

    مراسلے:
    200,069
    جھنڈا:
    Pakistan
    موڈ:
    Relaxed
    اردو میں ہی لکھا ہوا ہے۔ تم ایسا کرو کہ بہت ساری سینوں پر تین تین نقطے ڈال کر شینیں بنا لو۔ مثلاً سکر کو شکر، سربت کو شربت وغیرہ کر لو۔
     
    • متفق متفق × 2
  19. نایاب

    نایاب لائبریرین

    مراسلے:
    13,422
    جھنڈا:
    Pakistan
    موڈ:
    Goofy
    بہت خوب ۔۔۔۔۔۔۔۔
     
    • پسندیدہ پسندیدہ × 2
  20. محمد بلال اعظم

    محمد بلال اعظم لائبریرین

    مراسلے:
    10,219
    جھنڈا:
    Pakistan
    موڈ:
    Angelic
    کمال کی تحریر ہے انیس یا۔
    ہت مزہ آیا۔
    اقی اتیں عد میں۔
     
    • پسندیدہ پسندیدہ × 1
    • پر مزاح پر مزاح × 1

اس صفحے کی تشہیر