ابن انشا بھارت اور پاکستان - از: ابن انشاء

کاشفی

محفلین
بھارت​
تحریر: ابن انشاء​

یہ بھارت ہے، گاندھی جی یہیں پیدا ہوئے تھے، لوگ ان کی بڑی عزت کرتے تھے، ان کو مہاتما کہتے تھے، چنانچہ مار کر ان کو یہیں دفن کر دیا اور سمادھی بنا دی، دوسرے ملکوں کے بڑے لوگ آتے ہیں تو اس پر پھول چڑھاتے ہیں، اگر گاندھی جی نہ مرتے یعنی نہ مارے جاتے تو پورے ہندوستان میں عقیدت مندوں کیلئے پھول چڑھانے کی کوئی جگہ نہ تھی۔ بھارت بڑا امن پسند ملک ہے جس کا ثبوت یہ ہے کہ اکثر ہمسایہ ملکوں کے ساتھ اس کے سیز فائر کے معاہدے ہوچکے ھیں، حال ہی میں ہمارے ساتھ ہوا اس سے پہلے چین کے ساتھ ہوا۔ بھارت کا مقدس جانورگائے ہے ، بھارتی اس کا دودھ پیتے ہیں، اسی کے گوبر سے چوکا لیپتے ہیں، اور اس کو قصائی کے ہاتھ بیچتے ہیں، اس لئیے کیونکہ وہ خود گائے کو مارنا یا کھانا پاپ سمجھتے ہیں۔ آدمی کو بھارت میں مقدس جانور نہیں گنا جاتا۔ بھارت کے بادشاہوں میں راجہ اشوک اور راجہ نہرو مشہور گزرے ہیں۔ اشوک سے ان کی لاٹ اور دہلی کا اشوکا ھوٹل یادگار ہیں، اور نہرو جی کی یادگار مسئلہ کشمیر ہے جو اشوک کی تمام یادگاروں سے زیادہ مضبوط اور پائیدار معلوم ہوتا ہے ۔ راجہ نہرو بڑے دھر ماتما آدمی تھے، صبح سویرے اٹھ کر شیر شک آسن کرتے تھے، یعنی سر نیچے اور پیر اوپر کرکے کھڑے ہوتے تھے، رفتہ رفتہ ان کو ہر معاملے کو الٹا دیکھنے کی عادت ہوگئی تھی، حیدر آباد کے مسئلہ کو انہوں نے رعایا کے نقطہ نظر سے دیکھا۔ یوگ میں طرح طرح کے آسن ہوتے ہیں، نا واقف لوگ ان کو قلابازیاں سمجھتے ہیں، نہرو جی نفاست پسند بھی تھے دن میں دو بار اپنے کپڑے اور قول بدلا کرتے تھے۔ :grin:


بشکریہ: (پیشکش: شعبۂ تحریر و پیشکش تبیان، اسلامی جمہوریہ ایران)
 

کاشفی

محفلین
پاکستان

پاکستان
(تحریر : ابن انشاء)
Pakistan-1.jpg

حدود اربعہ پاکستان کے مشرق ميں سيٹو ہے، مغرب ميں سنٹو، شمال ميں تاشقند اور جنوب ميں پاني يعني جائے مفر کسي طرف نہيں۔

پاکستان کے دو حصے ہيں، مشرقی پاکستان اور مغربي پاکستان يہ ايک دوسرے سے بڑے فاصلے پر، اس کا اندازہ اب ہو رہا ہے۔

دونوں کا اپنا اپنا حدود اربعہ بھي ہے۔

مغربي پاکستان کے شمال ميں پنجاب ، جنوب ميں سندھ ، مشرق ميں ھندوستان اور مغرب ميں سرحد اور بلوچستان ھيں، يہاں پاکستان خود کہاں واقع ہے اور واقع ہے بھي نہيں اس پر آج کل ريسرچ ہو رہي ہے۔ مشرقی پاکستان کے چاروں طرف آج کل مشرقي پاکستان ہي ہے۔


بشکریہ: (پیشکش: شعبۂ تحریر و پیشکش تبیان، اسلامی جمہوریہ ایران)
 

میر انیس

لائبریرین
پاکستان کے دو حصے ہيں، مشرقی پاکستان اور مغربي پاکستان يہ ايک دوسرے سے بڑے فاصلے پر، اس کا اندازہ اب ہو رہا ہے۔ دونوں کا اپنا اپنا حدود اربعہ بھي ہے۔ مغربي پاکستان کے شمال ميں پنجاب ، جنوب ميں سندھ ، مشرق ميں ھندوستان اور مغرب ميں سرحد اور بلوچستان ھيں، يہاں پاکستان خود کہاں واقع ہے اور واقع ہے بھي نہيں اس پر آج کل ريسرچ ہو رہي ہے۔ مشرقی پاکستان کے چاروں طرف آج کل مشرقي پاکستان ہي ہے۔ [/size نے کہا:
[/color]

بشکریہ: (پیشکش: شعبۂ تحریر و پیشکش تبیان، اسلامی جمہوریہ ایران)

ابنِ انشاہ کے مزاح کی کیا بات ہے جناب
 
Top