بچے دا ترلہ - نزہت عباس

[عبدالقیوم چوہدری]

نی مائیں، میرے نال پنجابی
بول
تے دِل دے بوُہے کھولھ
دوُجیاں بولیاں کیوں بولیں
توں آپنی بولی بول
انگریزی اُردوُ سِکھ لوو باہروں
توں گھر دی بولی بول
دادی دی نہ پلے پئے
جد میں بیٹھاں کول
آپنے توں نہ وّکھرا کر
جِند میری نہ رول
انگریزی اردو بن بن بولیں
کھڑ کے اپنا خالی ڈھول
ماں بولی میرا پہلا حق
حق نوں سچ وچّ تول
مٹھی ماں دی بولی مٹھی
رس کنا وچّ گھول
تیری بولی لوری بن
سدا رہسی میرے کول​

 

[فرخ منظور]

"جِند میری نہ رو"​

ایس مصرعے دا آخری لفظ "رول" اے۔ اینہوں صحیح کر دیو۔ مہربانی۔

 

[محمدعاصم بھٹی]

ماشاءاللہ بہت ودھیااکھان پیش کیتا اے عبدالقیوم چوہدری صاحب نیں۔

سانوں چاہیدااے کہ جس طرح اسی اردو تے انگریزی سکھن لئی کوشش کرنے آں اس طرح سانوں اپنی ماں بولی نوں سکھن دی وی کوشش کرنی چاہی دی اے۔
رب سوہنا سانوں ساریاں نوں اپنی ماں بولی پنجابی نال محبت کرن دی توفیق دیووے۔ آمین

 

[عبدالقیوم چوہدری]

ماشاءاللہ بہت ودھیااکھان پیش کیتا اے عبدالقیوم چوہدری صاحب نیں۔

سانوں چاہیدااے کہ جس طرح اسی اردو تے انگریزی سکھن لئی کوشش کرنے آں اس طرح سانوں اپنی ماں بولی نوں سکھن دی وی کوشش کرنی چاہی دی اے۔
رب سوہنا سانوں ساریاں نوں اپنی ماں بولی پنجابی نال محبت کرن دی توفیق دیووے۔ آمین

آمین۔
جُگ جُگ جیوو جی۔ بھلا ہووے جے۔

 

[جاسمن]

ودھیا نظم اے تے نظم وچ جیسے خیال نوں پیش کیتا گیا اے، اوہ حق تے سچ اے۔
سوہنے طریقے نال ماں بولی دے حق وچ لکھی گئی نظم۔