بٹ کوائن میں تنخواہ کی ادائیگی

نبیل

تکنیکی معاون
کرپٹو کرنسی کو اگرچہ کچھ لوگ شک کی نظر سے دیکھتے ہیں اور اسے محض وقتی بلبلہ سمجھتے ہیں، لیکن بتدریج بلاک چین اور بٹ کوائن کی اہمیت تسلیم کی جانے لگی ہے۔ ایک خبر کے مطابق جاپان کی ایک کمپنی نے اپنے ملازموں کی تنخواہ بٹ کوائن میں ہی ادا کرنی شروع کر دی ہے۔ یہ کمپنی خود بھی بٹ کوائن کا کاروبار کرتی ہے اور ملازموں کی تنخواہیں بٹ کوائن میں ادا کرنا اس کا مارکیٹنگ حربہ بھی ہو سکتا ہے۔ بٹ کوائن اگرچہ جدید دور کی کرنسی ہے، لیکن اس کا بڑا مسئلہ اس کی قدر کا تیزی سے اوپر نیچے جانا ہے۔

مزید تفصیل کے لیے ربط۔۔
 

زیک

مسافر
اس کا بڑا مسئلہ اس کی قدر کا تیزی سے اوپر نیچے جانا ہے۔
اس مسئلے کے ہوتے ہوئے یہ کرنسی نہیں بن سکتی۔

فرض کریں یہ ببل ہے تو پھر کبھی نہ کبھی پوپ کرے گا۔

اگر ببل نہیں ہے اور بٹ کائن کی ویلیو اتنی تیزی سے بڑھ رہی ہے تو یہ انتہائی افراط زر ہے۔

دونوں صورتوں میں اس کا کرنسی کے طور پر استعمال محال ہے
 

محمدظہیر

محفلین
سچ کہوں تو مجھے بٹ کوائن خریدنے میں دلچسپی رہی مگر انڈیا میں انکم ٹیکس ڈپارٹمنٹ والوں نے حال ہی میں بٹ کوائن ایجنسیوں پر دھاوا ڈال کر تفصیلات طلب کیں ہیں
دس سال پہلے جنہوں نے بٹ کوائن میں صرف 1000 ڈالر انویسٹ کیے تھے آج کروڑ پتی بن گئے :)
 
آخری تدوین:

یاز

محفلین
اس مسئلے کے ہوتے ہوئے یہ کرنسی نہیں بن سکتی۔

فرض کریں یہ ببل ہے تو پھر کبھی نہ کبھی پوپ کرے گا۔

اگر ببل نہیں ہے اور بٹ کائن کی ویلیو اتنی تیزی سے بڑھ رہی ہے تو یہ انتہائی افراط زر ہے۔

دونوں صورتوں میں اس کا کرنسی کے طور پر استعمال محال ہے
آپ کی بات بظاہر درست ہے، لیکن ان سب خدشات کے باوجود بٹ کوائن کی ویلیو میں اضافہ کیوں ہو رہا ہے؟
کیا یہ اضافہ ڈیمانڈ میں اضافے کی وجہ سے ہی ہے یا کچھ اور وجہ ہے؟
 

محمدظہیر

محفلین
آپ کی بات بظاہر درست ہے، لیکن ان سب خدشات کے باوجود بٹ کوائن کی ویلیو میں اضافہ کیوں ہو رہا ہے؟
کیا یہ اضافہ ڈیمانڈ میں اضافے کی وجہ سے ہی ہے یا کچھ اور وجہ ہے؟
Economics میں law of demand ہے
When the supply is less demand will be more and when the supply will be more, demand will be less.
بٹ کوائن 21 ملین کے بعد رک جائے گی مطلب یہ ہے کہ ڈیمانڈ زیادہ اور سپلائی کم ہے اس لیے اس کی ویلیو میں اضافہ ہوگا.
 

محمدظہیر

محفلین
Adam Smith نے ویلتھ آف نیشن میں مارکیٹ کے حالات اور اکنامکس کے متعلق بڑی دلچسپ بات کہی تھی فی الحال یاد نہیں آ رہا، کل لکھتا ہوں.
 

یاز

محفلین
Economics میں law of demand ہے
When the supply is less demand will be more and when the supply will be more, demand will be less.
بٹ کوائن 21 ملین کے بعد رک جائے گی مطلب یہ ہے کہ ڈیمانڈ زیادہ اور سپلائی کم ہے اس لیے اس کی ویلیو میں اضافہ ہوگا.
لیکن ڈیمانڈ میں اضافہ اگر مصنوعی ببل ہے تو اب تک ہی اس ببل میں اتنی ہوا بھری جا چکی ہے کہ یہ ناقابلِ یقین سی لگتی ہے
 

عثمان

محفلین
سچ کہوں تو مجھے بٹ کوائن خریدنے میں دلچسپی رہی مگر انڈیا میں انکم ٹیکس ڈپارٹمنٹ والوں نے حال ہی میں بٹ کوائن ایجنسیوں پر دھاوا ڈال کر تفصیلات طلب کیں ہیں
دس سال پہلے جنہوں نے بٹ کوائن میں صرف 1000 ڈالر انویسٹ کیے تھے آج کروڑ پتی بن گئے :)
بٹ کوائن پر ایم آئی ٹی ٹیکنالوجی ریویو کا یہ کافی دلچسپ مضمون ہے جو اگرچہ پرانا ہے لیکن بٹ کوائن کے بارے میں ہری تصویر پیش نہیں کرتا۔ :)
آج کل کیا صورتحال ہے ؟
 
Adam Smith نے ویلتھ آف نیشن میں مارکیٹ کے حالات اور اکنامکس کے متعلق بڑی دلچسپ بات کہی تھی فی الحال یاد نہیں آ رہا، کل لکھتا ہوں.

بنیادی طور پر دولت ، ایک قوم اور زمین کی پیداوار کا نام ہے۔

دولت کی ترجمانی کسی بھی قابل بھروسہ طریقے سے کی جاسکتی ہے، جیسے کسی بھی حکومت کے جاری کردہ وعدے کے سرٹیفیکیٹ، جنہیں عرف عام میں بنک نوٹ کہا جاتا ہے۔

تو گویا کچھ اس طرح سے ہوا کہ ایک قوم ، پاکستان، نے طے کیا کہ اس قوم کے افراد کی پیداوار، اور اس قوم کی زمین کی پیداوار، کی خرید و فروخت روپے میں ہوگی ، پھر اس قوم نے ایک حکومت تشکیل دی جو ہر ممکن بھروسے کے مطابق، روپے کی کرنسی کی ضمانت دیتی ہے کہ اس روپے سے لوگ اجناس کی خرید فروخت کرسکیں گے۔

بٹ کوائین میں یہ ضمانت، صرف اتنی ہے کہ اس کو کاپی کرنا مشکل ہے۔ لیکن اس بات کی کوئی ضمانت نہیں کہ بٹ کوائین سے کسی ملک میں ہم اس ملک کی زمین اور لوگوں کی پیداوار کی خرید و فروخت کرسکیں گے۔ اس طرح دولت کے ترجمان ، ڈالر، پاؤنڈ، ریال ، دینار اور روپے کے ٹرانسفر کا محفوظ ذریعہ بٹ کوائین تو ہو سکتا ہے لیکن یہ خود کرنسی نہیں ہوسکتی۔

گویا، دولت کا ترجمان کرنسی
اور کرنسی کے محفوظ ٹرانسفر کا ذریعہ کرپٹو کرنسی
اب اسے ذریعہ یعنی کرپٹو کرنسی کو آپ ریل سمجھیں ، اگر آپ کے پاس اتنی کرنسی ہے جو آپ ریل پر لے جاسکتے ہیں تو ریل کا کرایہ ، اس کرپٹو کرنسی کی قیمت بنے گا۔
اگر کرایہ پاگل پن کی حد تک زیادہ ہے تو لوگ ہوائی جہاز سے یا ٹرک سے یہی سب کچھ لے کر جائیں گے
یہی وجہ ہے کہ مزید کرپٹو کرنسی ، کرنسی کے محفوذ نقل و حمل کے لئے سامنے آئیں گی۔ جو بٹ کوائین کی اہمیت کو کم کردیں گی اور اس طرح یہ بٹ کوائین کا ببل پھوٹ جائے گا۔

یہ ہے میرا خیال ، آپ کا کیا خیال ہے؟
 
آخری تدوین:
بٹ کوائن اگرچہ جدید دور کی کرنسی ہے،

بٹ کوائین یا ایسی ہی کسی دوسری کرپٹو کرنسی کو ہم کرنسی کے نقل و حمل کا طریقہ کہہ سکتے ہیں لیکن ، یہ طریقہ نقل حمل کرنسی اس لئے نہیں ہے کہ کسی بھی قوم نے حکومتی سطح پر اس کو کرنسی قرار نہیں دیا ہے۔ اگر امریکہ کے تمام عوام ، اپنے منتخب نمائندوں کے ذریعے یہ قرار دیں کہ وہ اپنی زمین اور افراد کی پیداوار کو اس کرپٹو کرنسی کے لئے قانونی کرنسی قرار دیتے ہیں اور ضمانت دیتے ہیں کہ یہ ملک اپنی دولت یعنی زمین اوار افراد کی پیداوار اس بٹ کوائین کے عوض دینے کے لئے تیار ہے تو پھر بٹ کوئیں کا درجہ یقینی طور پر کرنسی کا ہوگا۔ جب تک کوئی ملک یعن اس ملک کے افراد اپنے منتخب نمائیندوں کے ذریعے یہ ضمانت نہیں دیتے ، اس وقت تک یہ ایک قابل قبول کرنسی نہیں ہے۔ بلکہ صرف اور صرف کرنسی کی نقل و حمل کا ایک طریقہ ہے۔
 
آپ کی بات بظاہر درست ہے، لیکن ان سب خدشات کے باوجود بٹ کوائن کی ویلیو میں اضافہ کیوں ہو رہا ہے؟
کیا یہ اضافہ ڈیمانڈ میں اضافے کی وجہ سے ہی ہے یا کچھ اور وجہ ہے؟
ٹیٹھر نامی ایک کائن ہے جس کو جاری کرنے والی کمپنی کا دعویٰ ہے کہ اسکی قدر ہمہ وقت 1 ڈالر رہتی ہے۔ یعنی آپ ایک ورچول ٹیٹھر کو ایک اصل ڈالر کیش سے ایکسچینج کر سکتے ہیں۔ اب چکر کچھ یوں ہے کہ ٹیٹھر کی ٹوٹل سپلائی 1 بلین ڈالر سے تجاوز کر چکی ہے ، تمام بڑے بٹ کائن ایکسچینج اسے ڈالر جتنی قدر دیتے ہوئے بٹ کائن خریدنے اور بیچنے کیلئے استعمال کرتے ہیں، البتہ اسکے پیچھے جو ڈالر کیش ہونا تھا، اسکا نام و نشان نہیں ہے۔ یعنی بڑے پیمانہ پر جعلی ٹیٹھر ایشو کرکے اور ان سے بٹ کائنز خرید کر اسکی مانگ مصنوعی طور پر بڑھائی جا رہی ہے۔ اور یہ فراڈ اپریل 2017 سے جاری ہے:
Capture.png

حال ہی میں امریکی اقتصادی اخبار بلومبرگ نے اس تاریخی فراڈ کا پردہ فاش کیا تھا:
There’s an $814 Million Mystery Near the Heart of the Biggest Bitcoin Exchange
 
بٹ کوائین یا ایسی ہی کسی دوسری کرپٹو کرنسی کو ہم کرنسی کے نقل و حمل کا طریقہ کہہ سکتے ہیں لیکن ، یہ طریقہ نقل حمل کرنسی اس لئے نہیں ہے کہ کسی بھی قوم نے حکومتی سطح پر اس کو کرنسی قرار نہیں دیا ہے۔ اگر امریکہ کے تمام عوام ، اپنے منتخب نمائندوں کے ذریعے یہ قرار دیں کہ وہ اپنی زمین اور افراد کی پیداوار کو اس کرپٹو کرنسی کے لئے قانونی کرنسی قرار دیتے ہیں اور ضمانت دیتے ہیں کہ یہ ملک اپنی دولت یعنی زمین اوار افراد کی پیداوار اس بٹ کوائین کے عوض دینے کے لئے تیار ہے تو پھر بٹ کوئیں کا درجہ یقینی طور پر کرنسی کا ہوگا۔ جب تک کوئی ملک یعن اس ملک کے افراد اپنے منتخب نمائیندوں کے ذریعے یہ ضمانت نہیں دیتے ، اس وقت تک یہ ایک قابل قبول کرنسی نہیں ہے۔ بلکہ صرف اور صرف کرنسی کی نقل و حمل کا ایک طریقہ ہے۔
متفق! بٹ کائن اور دیگر ورچول کرنسیز ایسٹ یعنی اثاثہ جات میں تو شمار ہو سکتی ہیں پر کرنسی نہیں۔ کسی بھی نئی کرنسی کے اجراء کی طاقت صرف آزاد اور خودمختار ممالک کے پاس ہے۔
 
Top