خواجہ غلام فرید بن دلبر شکل جہان آیا

غدیر زھرا

لائبریرین
بن دلبر شکل جہان آیا
ہر صورت عین عیان آیا

کتھے آدم ؑ تے کتھے شیث ؑ نبی
کتھے نوح کتھاں طوفان آیا
کتھے ابراہیم ؑ خلیل نبی
کتھے یوسف ؑ وچ کنعان آیا

کتھے عیسیٰؑ تے الیاس ؑ نبی
کتھے لچھمن رام تے کان آیا
کتھے ذکریا ؑ کتھے یحییٰ ؑ ہے
کتھے موسیٰؑ بن عمران آیا

بوبکر ؓ عمر ؓ عثمانؓ کتھاں
کتھے اسد ؑ اللہ ذیشان آیا
کتھے حسن ؑ حسین ؑ شہید بنے
کتھے مرشد فخر جہان آیا

کتھے احمد شاہ رسولاں دا
محبوب سبھی مقبولاں دا
دستار نفوس عقولاں دا
سلطاناں سر سلطان آیا

تنزیل کتھاں جبریل کتھاں
توریت زبور انجیل کتھاں
آیات کتھاں ترتیل کتھاں
حق باطل دا فرقان آیا

کل شئے وچ کل شئے ظاہر ہے
سوہنڑا ظاہر عین مظاہر ہے
کتھے ناز نیاز دا ماہر ہے
کتھے درد کتھاں درمان آیا

کتھے ریت پریت دا ویس کرے
کتھے عاشق تھی پردیس پھرے
کھلے گل وچ مارو کیس دھرے
لٹ دھاری تھی مستان آیا

کتھے پنڈت جوسی ہے
کتھے سامی تے کتھے بھوگی ہے
کتھے مصر براگی روگی ہے
کتھے بید بیاس گیان آیا

خاموش فرید اسرار کنوں
چپ بے ہو !دی گفتار کنوں
پر غا فل نہ تھی یار کنوں
ایہو لا ریبی فرمان آیا

(خواجہ غلام فرید)

منصور ملنگی دی آواز وچ
 
آخری تدوین:

غدیر زھرا

لائبریرین
نہیں جناب یہ منصور ملنگی ہی ہے
جاسمن بہنا منصور کی آواز سے انکاری نہیں وہ کہنا چاہ رہی تھیں کہ انہوں نے یہ کلام عنایت حسین بھٹی صاحب کی آواز میں سنا ہوا ہے منصور کی آواز میں اس سے قبل نہیں سنا تھا :)
 
Top