1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

عالی بنگلہ نار - جمیل الدین عالی

کاشفی نے 'پسندیدہ کلام' کی ذیل میں اس موضوع کا آغاز کیا، ‏اکتوبر 4, 2011

  1. کاشفی

    کاشفی محفلین

    مراسلے:
    15,371
    بنگلہ نار
    جمیل الدین عالی - ( ۱۹۵۹ )

    باتیں بہت سنیں عالیؔ کی، اب سُن لو یہ بانی
    جس نے بنگلہ نار نہ دیکھی، وہ نہیں پاکستانی

    ہولے ہولے نوکا ڈولے، گائے ندی بھٹیالی
    گیت کِنارے، دوہے لہریں، اب کیا کہوے عالیؔ

    پیچھے ناچیں ڈاب کے پیڑ، اور آگے پان سُپاری
    اِنھی ناچوں کی تھاپ سے اُبھرے سانوری بنگلہ ناری

    سانوری بنگلہ ناری جس کی آنکھیں پریم کٹورے
    پریم کٹورے جن کے اندر کِن کِن دُکھوں کے ڈورے

    دُکھوں کے ڈورے مِٹ جائیں گے جب کوئی پیار سے چومے
    لیکن پیار سے چُومنے والا دریا دریا گھُومے

    دریا دریا گھُومے مانجھی، پیٹ کی آگ بجھا نے
    پیٹ کی آگ میں جلنے والا کِس کِس کو پہچانے ؟

    کِس کِس کو پہچانے مانجھی، نینوں کا رَس سُوکھا
    نینوں کا رس سوکھتا جائے، مانجھی سوئے بھوکا !

    بھوکی نیندوں والے مانجھی، ہم پچھّم سیلانی
    ہم پچھّم سیلانی مانگیں سبزہ رُوپ جوانی

    سبزہ رُوپ جوانی ہو، اور سُندر بن کی چھایا
    سُندر بن کی چھایا میں چھپ جائے جیون مایا

    ہم پچھّم سیلانی، مانجھی، آنے جانے والے
    کب ہُوئے آنے جانے والے روگ مٹانے والے؟

    یہ تری لوہا لاٹ سی بانہیں، جن سے ڈریں منجدھاریں
    اِن باہوں کو چار طرف سے کتنے دھیان پکاریں

    او مانجھی سُن دھیان پکاریں، آ پہنچے وہ کنارے
    اِک ترے من میں جوت جگے تو چھَٹ جائیں اندھیارے!

    او مانجھی تو اپنے ہی من میں دھیان کی جوت جگَا لے
    کب ہوئے آنے جانے والے روگ مٹانے والے؟


    بشکریہ : کمال ابدالی
    ماخذ: لاحاصل
    جمیل الدّین عالی
    طبع دوم (اضافوں کے ساتھ)، ۱۹۸۴
    مکتبہ اسلوب ، پوسٹ بکس ۲۱۱۹ ، کراچی ۱۸​
     
    • پسندیدہ پسندیدہ × 5
  2. فرخ منظور

    فرخ منظور لائبریرین

    مراسلے:
    12,650
    جھنڈا:
    Pakistan
    موڈ:
    Cold
    بہت خوبصورت! شکریہ کاشفی صاحب!
     
    • پسندیدہ پسندیدہ × 1
  3. شمشاد

    شمشاد لائبریرین

    مراسلے:
    200,087
    جھنڈا:
    Pakistan
    موڈ:
    Relaxed
    کیا بات ہے بنگلہ نار کی۔ بنگال کا جادو یہی تو ہے۔
     
    • پسندیدہ پسندیدہ × 1
  4. محمد وارث

    محمد وارث لائبریرین

    مراسلے:
    25,306
    جھنڈا:
    Pakistan
    موڈ:
    Depressed
    بہت شکریہ کاشفی صاحب شیئر کرنے کیلیے۔
     
    • پسندیدہ پسندیدہ × 1

اس صفحے کی تشہیر