سودا بلبل نے جسے جا کے گلستان میں دیکھا ۔ سودا

[فرخ منظور]

غزل

بلبل نے جسے جا کے گلستان میں دیکھا
ہم نے اُسے ہر خارِ بیابان میں دیکھا

روشن ہے وہ ہر ایک ستارے میں زلیخا
جس نور کو تُو نے مہِ کنعان میں دیکھا

برہم کرے جمعیّتِ کونین جو پل میں
لٹکا وہ تری زلفِ پریشان میں دیکھا

واعظ تو سنی بولے ہے جس روز کی باتیں
اُس روز کو ہم نے شبِ ہجران میں دیکھا

اے زخمِ جگر سودۂ الماس سے خُو کر
کتنا وہ مزا تھا کہ نمک دان میں دیکھا

سودا جو ترا حال ہے اتنا تو نہیں وہ *
کیا جانیے تُو نے اسے کس آن میں دیکھا

*متغیرات: سودا جو ترا حال ہے ایسا تو نہیں وہ

(مرزا رفیع سودا)

 

[فاتح]

قبلہ! ہماری فرمائش پوری کرنے پر آپ کا بے حد شکریہ۔

 

[فرخ منظور]

قبلہ! ہماری فرمائش پوری کرنے پر آپ کا بے حد شکریہ۔

حضور آپ کا بھی فرمائش کرنے کا بہت شکریہ۔ خوبصورت غزل سے آشنائی آپ ہی کی وجہ سے ہوئی۔

 

[hani]

روشن ہے وہ ہر ایک ستارے میں زلیخا
جس نور کو تُو نے مہِ کنعان میں دیکھا

واہ واہ، کیا بات ھے

 

[محمد وارث]

سودا کی خوبصورت ترین غزلوں میں سے ہے یہ غزل، لاجواب۔

بہت شکریہ جناب شیئر کرنے کیلیے۔

 

[امیداورمحبت]

بہت خوب۔۔۔۔۔۔۔۔۔۔۔۔۔۔

 

[جیہ]

بہت اچھی غزل۔ زبان نہایت صاف ہے

 

[فرخ منظور]

سودا کی خوبصورت ترین غزلوں میں سے ہے یہ غزل، لاجواب۔

بہت شکریہ جناب شیئر کرنے کیلیے۔

شکریہ وارث صاحب! لیکن آپ کو اس غزل سے پہلے آشنائی تھی تو آپ نے کیوں فرمائش نہیں کی۔ میں سخت ناراض ہوں۔

 

[فرخ منظور]

روشن ہے وہ ہر ایک ستارے میں زلیخا
جس نور کو تُو نے مہِ کنعان میں دیکھا

واہ واہ، کیا بات ھے

بہت شکریہ ہانی۔ معذرت چاہتا ہوں آپ کا اصل نام ذہن سے نکل گیا۔

 

[فرخ منظور]

بہت خوب۔۔۔۔۔۔۔۔۔۔۔۔۔۔

بہت شکریہ امید!

 

[فرخ منظور]

بہت اچھی غزل۔ زبان نہایت صاف ہے

بہت شکریہ جویریہ لیکن کیا سودا کی دوسری غزلوں میں زبان میں کچھ ملاوٹ ہے؟

 

[محمد وارث]

شکریہ وارث صاحب! لیکن آپ کو اس غزل سے پہلے آشنائی تھی تو آپ نے کیوں فرمائش نہیں کی۔ میں سخت ناراض ہوں۔

اور مجھے واقعی حیرت ہے کہ یہ غزل آپ کیلیے "نئی" ہے، جب کہ اس کے پہلے تین اشعار اور مقطع تو زبان زد خاص و عام ہیں۔

 

[محمد وارث]

یہ دیکھیئے آپ کے شکریے کی مہر

گو میں نے اس شعر کو اس طور پڑھا اور لکھا یقیناً آپ کا شعر ہی صحیح ہوگا

 

[فرخ منظور]

یہ دیکھیئے آپ کے شکریے کی مہر

گو میں نے اس شعر کو اس طور پڑھا اور لکھا یقیناً آپ کا شعر ہی صحیح ہوگا

جی واقعی میں نے ثبت مہر کو دیکھا لیکن اس غزل کا صرف مقطع ہی کچھ مانوس لگ رہا تھا لیکن باقی کے اشعار میں ایک بھی نہیں سنا ہوا ۔ ویسے چیٹ کا کبھی کبھار کچھ فائدہ بھی ہوتا ہے۔ اس لئے کبھی مسنجر پر بھی نظر آجایا کیجیے۔

 

[محمد وارث]

مشکل ہے

مجھے پہلے ہی بہت "بیماریاں" لگی ہوئی ہیں، مزید نہیں لگوانا چاہتا

 

[فرخ منظور]

مشکل ہے

مجھے پہلے ہی بہت "بیماریاں" لگی ہوئی ہیں، مزید نہیں لگوانا چاہتا

اللہ رحم کرے حضرت۔ ہم آپ کے لئے دعا گو ہیں۔ لیکن ڈاکٹر دعاگو نہیں