نظیر بسکہ دل اس کا ہے مانوس خیال آئنہ

[نمرہ]

بسکہ دل اس کا ہے مانوسِ خیالِ آئنہ
ہے وہ مِلکِ حسن محروسِ خیالِ آئنہ
تھا وہ پشتِ بام پر ، عکس آرسی میں ہم نے بھی
زورِ حکمت سے لیا بوسِ خیالِ آئنہ
تا ابد آزاد ہیں دام و قفس کے جور سے
بلبلِ تصویر و طاؤسِ خیالِ آئنہ
دل جفا سے اس کی آزردہ ہو سو ہوتا نہیں
بے خطر ہے زنگ سے روسِ خیالِ آئنہ
کل اسے آئینہ خانے میں جو تھی مشق ِخرام
تھا دو صد جا ہم کو پابوسِ خیالِ آئنہ
صافئ دل کا لغت اس سے نہ پھر پنہاں رہے
یک نظر دیکھے جو قاموسِ خیالِ آئنہ
ہے اگر منظور سیرِ عالمِ حیرت، نظیر
تو دل اپنا کر تو محبوسِ خیالِ آئنہ​

 

[نیرنگ خیال]

بہت خوب