برائے اصلاح و تنقید (نظم 1)

[امان زرگر]

پہلا دن​

پھول نرم و نازک سا
شبنمی قَبا اوڑھے
دشتِ دل میں کِھلتا ہے
جب سمیٹ کر چاہت
کتنے سارے ارماں بھی
جب سجائے ماتھے پر
اک کرن اجالے کی
خواب بُن کےآنکھوں میں
اک سنہرے سے کل کا
جب اٹھائے کاندھے پر
خواہشوں کا اک بستہ
پھول نرم و نازک سا
مدرسے کو چلتا ہے
​

سر الف عین
سر محمد ریحان قریشی

 

[محمد تابش صدیقی]

اچھی نظم ہے، مگر عنوان ہونا چاہیے۔

 

[امان زرگر]

اچھی نظم ہے، مگر عنوان ہونا چاہیے۔

پسندیدگی پر مشکور ہوں۔ عنوان تجویز کر دیجئے ناں۔۔۔۔

 

[امان زرگر]

۔

 

[محمد تابش صدیقی]

مجھے تو بیٹی کے سکول کا پہلا دن یاد آ گیا۔

 

[امان زرگر]

سر محمد خلیل الرحمٰن

 

[فرحان محمد خان]

خوبصورت واہ

 

[امان زرگر]

خوبصورت واہ

شکریہ۔۔

 

[الف عین]

اچھی نظم ہے۔ اگرچہ مصرع نمبر ٬4 5٬ 6٬ 7 مکمل نہیں لگتے۔ شاید چل جائیں لیکن بدل دیں تو بہتر ہے

 

[امان زرگر]

اچھی نظم ہے۔ اگرچہ مصرع نمبر ٬4 5٬ 6٬ 7 مکمل نہیں لگتے۔ شاید چل جائیں لیکن بدل دیں تو بہتر ہے

تھوڑی سی وضاحت کر دیں تو احسان ہو گا اور میری مشکل بھی آسان ہو جائے گی۔۔۔

 

[الف عین]

جب سمیٹ کر چاہت
کتنے سارے ارماں بھی
جب سجائے ماتھے پر
اک کرن اجالے کی
///یہ پتہ نہیں چلتا کہ پھول چاہت اور ادماں سمیٹ کر کیا کر رہا ہے۔ جس طرح 'ماتھے پر اجالے کی کرن ' سے انگلی سطروں سے مربوط ہے۔ اس طرح یہ سطریں مربوط نہیں