بختِ خفتہ نے مجھے روضے پہ جانے نہ دیا

الف نظامی نے 'حمد، نعت، مدحت و منقبت' کی ذیل میں اس موضوع کا آغاز کیا، ‏ستمبر 6, 2013

  1. الف نظامی

    الف نظامی لائبریرین

    مراسلے:
    13,975
    جھنڈا:
    Pakistan
    موڈ:
    Cool
    بختِ خفتہ نے مجھے روضے پہ جانے نہ دیا
    چشم و دل سینے کلیجے سے لگانے نہ دیا

    آہ قسمت مجھے دنیا کے غموں نے روکا
    ہائے تقدیر کہ طیبہ مجھے جانے نہ دیا

    پاوں تھک جاتے اگر پاوں بناتا سر کو
    سر کے بل جاتا مگر ضعف نے جانے نہ دیا

    سر تو سر، جان سے جانے کی مجھے حسرت ہے
    موت نے ہائے مجھے جان سے جانے سے جانے نہ دیا

    شربتِ دید نے اور آگ لگا دی دل میں
    تپشِ دل کو بڑھایا ہے بجھانے نہ دیا

    اب کہاں جائے گا نقشہ تیرا میرے دل سے
    تہ میں رکھا ہے اسے دل نے گُمانے نہ دیا

    سجدہ کرتا جو مجھے اس کی اجازت ہوتی
    کیا کروں اذن مجھے اس کا خدا نے نہ دیا

    میرے اعمال کا بدلہ تو جہنم ہی تھا
    میں تو جاتا مجھے سرکار نے جانے نہ دیا

    میرے اعمالِ سیاہ نے کیا جینا دوبھر
    زہر کھاتا تیرے ارشاد نے کھانے نہ دیا

    نفسِ بدکار نے دل پر یہ قیامت توڑی
    عمل نیک کیا بھی تو چھپانے نہ دیا

    اور چمکتی سی غزل کوئی پڑھو اے نوری
    رنگ اپنا ابھی جمنے شعرا نے نہ دیا​
     
    • زبردست زبردست × 4
    • پسندیدہ پسندیدہ × 1
  2. ابو المیزاب اویس

    ابو المیزاب اویس محفلین

    مراسلے:
    365
    جھنڈا:
    Pakistan
    موڈ:
    Cheerful
    سبحان اللہ

    حسرتِ سجدہ یونہی کچھ تو نکلتی لیکن
    سر بھی سرکار نے قدموں پہ جھکانے نہ دیا

    ہائے اس دل کی لگی کو میں بجھاؤں کیونکر
    فرطِ غم نے مجھے آنسو بھی بہانے نہ دیا

    کبھی بیمارِ محبت بھی ہوئے ہیں اچھے
    روز افزوں ہے مرض کام دوا نے نہ دیا

    حالِ دل کھول کے دل آہ ادا کر نہ سکا
    اتنا موقع ہی مجھے میری قضا نے نہ دیا
     
    • زبردست زبردست × 2
  3. محمد محبوب

    محمد محبوب محفلین

    مراسلے:
    174
    جھنڈا:
    UnitedArabEmirates
    موڈ:
    Brooding
    میرے اعمالِ سیاہ نے کیا جینا دوبھر
    زہر کھاتا تیرے ارشاد نے کھانے نہ دیا
     
    • زبردست زبردست × 1
  4. مہ جبین

    مہ جبین محفلین

    مراسلے:
    6,246
    جھنڈا:
    Pakistan
    موڈ:
    Relaxed
    میرے اعمال کا بدلہ تو جہنم ہی تھا
    میں تو جاتا مجھے سرکار نے جانے نہ دیا

    میرے اعمالِ سیاہ نے کیا جینا دوبھر
    زہر کھاتا تیرے ارشاد نے کھانے نہ دیا
    سبحان اللہ الف نظامی بھائی لاجواب اور عمدہ کلام شاملِ محفل کیا
    جزاک اللہ خیرا
     
    • پسندیدہ پسندیدہ × 1
  5. داداؔ محسن بن نور

    داداؔ محسن بن نور محفلین

    مراسلے:
    30
    سبحان اللہ
    یہ کلام مفتی اعظم ہند مصطفی رضا خان نوؔری صاحب کا ھے؟؟
     
    • متفق متفق × 1

اس صفحے کی تشہیر