امجد اسلام امجد اے وقت گواہی دے۔۔۔۔ امجد اسلام امجد

فرحت کیانی

لائبریرین
اے وقت گواہی دے

ہم لوگ نہ تھے ایسے
ہیں جیسے نظر آتے
اے وقت گواہی دے
ہم لوگ نہ تھے ایسے
یہ شہر نہ تھا ایسا
یہ روگ نہ تھے ایسے
دیوار نہ تھے رستے
آزار نہ تھے رشتے
زنداں نہ تھی بستی
خلجان نہ تھی ہستی
یوں موت نہ تھی سستی
یہ آج جو صورت ہے
حالات نہ تھے ایسے
یوں غیر نہ تھے موسم
دن رات نہ تھے ایسے
تفریق نہ تھی ایسی
سنجوگ نہ تھے ایسے
اے وقت گواہی دے
ہم لوگ نہ تھے ایسے


۔۔۔۔۔امجد اسلام امجد
 
Top