اے وقت ذرا تھم جا ، یہ کیسی روانی ہے

اے وقت ذرا تھم جا ، یہ کیسی روانی ہے
آنکھوں میں ابھی باقی اک خوابِ جوانی ہے

کیا قصہ سنائیں ہم اس عمرِ گریزاں کا
فرصت ہے بہت تھوڑی اور لمبی کہانی ہے

اک راز ہے سینے میں ، رکھا نہیں جاتا اب
آکر کبھی سن جاؤ اک بات پرانی ہے

سچے تھے ترے وعدے ، سچے ہیں بہانے بھی
بس ہم کو شکایت کی عادت ہی پرانی ہے

جو کچھ بھی کہا تم نے ، تم کو ہی خبر ہوگی
ہم نے تو سنا جو کچھ دنیا کی زبانی ہے

گزری جو بنا تیرے اُس عمر کا افسانہ
ہونٹوں کی خموشی ہے ، آنکھوں کا یہ پانی ہے

اے یادِ شبِ الفت ! کچھ اور تھپک مجھ کو
پلکوں پر ابھی باقی دن بھرکی گرانی ہے

امید کی خوشبو ہے ، یادوں کے دیئے روشن
ہر وقت تصور میں اک شام سہانی ہے

ظہیراحمدظہیر ۔۔۔۔۔۔۔۔۔ ۱۹۹۹

ٹیگ: فاتح سید عاطف علی محمد تابش صدیقی الف عین ​

 

واہہہہہہ بھائی بہت خوبصورت شعر ہے

بہت عمدہ

ہم نے تو سنا جو کچھ دنیا کی زبانی ہے بہت خوب

 

آنکھوں میں ابھی باقی اک خوابِ جوانی ہے ۔۔۔ ہائے ہائے ہائے

 

واہ واہ بہت ہی خوبصورت غزل

 

بہت بہت شکریہ حمیرا بہن ! ممنون ہوں ۔ اللہ آپ کو خوش رکھے ۔ جواب دینے میں ذرا تاخیر ہوگئی اس کے لیے معذرت خواہ ہوں ۔

بہت شکریہ فاتح بھائی ! نوازش! جواب میں تاخیر کی معذرت ! اُن دنوں بس غزلوں کی اندھادھند ٹائپنگ ہی میں لگا ہوا تھا اور جلد ازجلد کام نبٹانے کی کوشش ہورہی تھی ۔ امید ہے درگزر فرمائیں گے ۔

شکریہ عبداللہ بھائی ، بہت نوازش! یہ غزل تقریباً چار سال پہلے پوسٹ کی تھی۔ اسے ڈھونڈ کر پڑھنے کا الگ سے شکریہ ! اللہ آپ کو شاد و آباد رکھے ۔

 

واہ واہ واہ!

کیا کہنے ظہیر بھائی ! عمدہ غزل ہے۔

لاجواب!

اب محفل چھوڑ کر مت جائیے گا۔

 

سبحان اللہ کیا خوبصورت غزل ہے واہ

 

زبردست بھائی. بہت پہلے لکھی تھی اب دیکھی ہے
اوپر لانے والے کا بھی شکریہ

 

صرف شکریہ؟ حلوہ کھلانا پڑے گا پھر سے

 

واہ۔۔۔ نہایت عمدہ۔ میں نے بھی آج ہی پڑھی۔ آپ کا بہت شکریہ۔

 

I

I am always ready brother
اگر آج کل آؤ تو حلیم اور بریانی اور دودھ والا شربت بھی ملے گا

 

ہائے میرا دل بھی کتنا پاگل ہے. رہتا کہی اور ہے. جاتا کہی اور ہے. اگلے ماہ مختصر سا ارادہ ہے. ملیں گے تم سے تو بتائیں گے ہم کہ کتنا حلیم کھاتے ہیں ہم

 

بہت شکریہ احمد بھائی ! ذرہ نوازی ہے ! اللہ آپ کو خوش رکھے۔
احمد بھائی ، میں تو اتنے دنوں سے اب باقاعدہ آتاہوں ۔ آپ ہی غائب ہیں ۔ نہ کوئی خیر نہ خبر ۔ اور ویسے بھی میں محفل کہاں چھوڑتا ہوں ،محفل خود ہی اپنی روش چھوڑ کر الٹے رستے پر چلنا شروع کردیتی ہے ۔ وہی سیاسی مذہبی لایعنی لڑائی جھگڑے !

نوازش! بہت شکریہ فرحان !

فاخر بھائی ! بہت نوازش ! بہت ممنون ہوں !۔

بہت بہت شکریہ خواہرم ! اللہ آپ کو خوش رکھے !

شکریہ بھائی ، بہت نوزش!

بہت شکریہ ! ممنون ہوں !

 

بہت خوب ظہیر بھائی -دل کے تار چھیڑتی ہوئی ایک اور عمدہ غزل -

 

آداب! بہت نوازش! یاسر بھائی ۔
اللہ آپ کو خوش رکھے! شاد و آباد رکھے ۔ آمین ۔

 

نوازش خلیل بھائی ! ذرہ نوازی ہے آپ کی !
آپ کو پسند آئی تو سمجھئے پیسے وصول ہوئے ۔

 

بہت ہی خوبصورت اشعار، ایک سے بڑھ کر ایک ظہیر بھائی بے انتہا داد قبول فرمائیے