مجاز اے غمِ دل کيا کروں، اے وحشت ِ دل کيا کروں - اسرار الحق مجاز

پاکستانی

محفلین
نظم ۔ اسرارالحق مجاز

شہر کی رات اور میں ناشاد و ناکارہ پھروں
جگمگاتی جاگتی سڑکوں پہ آوارہ پھروں
غیر کی بستی ہے کب تلک دربدر مارا پھروں
اے غمِ دل کیا کروں اے وحشتِ دل کیا کروں

جھلملاتے قمقموں کی راہ میں زنجیر سی
رات کے ہاتھوں میں دن کی موہنی تصویر سی
میرے سینے پر مگر چلتی ہوئی شمشیر سی
اے غمِ دل کیا کروں اے وحشتِ دل کیا کروں

یہ رُو پھیلی چھاؤں یہ آکاش پر تاروں کا جال
جیسے صُوفی کا تصوّر جیسے عاشق کا خیال
آہ لیکن کون جانے کون سمجھے جی کا حال
اے غمِ دل کیا کروں اے وحشتِ دل کیا کروں

رات ہنس ہنس کر یہ کہتی ہے کہ مے خانے میں چل
پھر کسی شہنازِ لالہ رُخ کے کاشانے میں چل
یہ نہیں ممکِن تو پھر اے دوست ویرانے میں چل
اے غمِ دل کیا کروں اے وحشتِ دل کیا کروں

راستے میں رُک کے دَم لے لوں میری عادت نہیں
لوٹ کر واپس چلا جاؤں ، میری فطرت نہیں
اور کوئی ہم نوا مل جائے یہ قسمت نہیں
اے غمِ دل کیا کروں اے وحشتِ دل کیا کروں

اک محل کی آڑھ سے نکلا وہ پیلا ماہتاب
جیسے مُلا کا عمامہ جیسے بنئے کی کتاب
جیسے مُفلس کی جوانی جیسے بیوہ کا شباب
اے غمِ دل کیا کروں اے وحشتِ دل کیا کروں

مُفلسی اور یہ مظاہر ہیں نظر کے سامنے
سینکڑوں چنگیز اور نادر ہیں نظر کے سامنے
سینکڑوں سُلطان و جابر ہیں نظر کے سامنے
اے غمِ دل کیا کروں اے وحشتِ دل کیا کروں

بڑھ کے اس اِندر سبھا کا سازوساماں پھونک دوں
اِس کا گلشن پھونک دوں اُس کا شبستاں پھونک دوں
تختِ سُلطاں کیا میں ساراقصرِ سُلطاں پھونک دوں
اے غمِ دل کیا کروں اے وحشتِ دل کیا کروں
اسرارالحق مجاز
 

فرخ منظور

لائبریرین

شہر کي رات اور ميں ناشاد و ناکارہ پھروں
جگمگاتي جاگتي سڑکوں پہ آوارہ پھروں
غير کي بستی ہے کب تک در بدر مارا پھروں

اے غمِ دل کيا کروں، اے وحشت ِ دل کيا کروں

جھلملاتے قمقموں کي راہ ميں زنجير سي
رات کے ہاتھوں ميں دن کي موہني تصوير سي
ميرے سينے پر مگر چلتي ہوئي شمشير سي

اے غم ِ دل کيا کروں، اے وحشت ِ دل کيا کروں

يہ روپہلي چھاؤں، يہ آکاش پر تاروں کا جال
جيسے صوفي کا تصور، جيسے عاشق کا خيال
آہ! ليکن کون جانے کون سمجھے جي کا حال

اے غم ِ دل کيا کروں، اے وحشت ِ دل کيا کروں

پھر وہ ٹوٹا اک ستارہ، پھر وہ چھوٹي پھلجھڑي
جانے کس کي گود ميں آئے يہ موتي کي لڑي
ہوک سي سينے ميں اٹھي، چوٹ سي دل پر پڑي

اے غم ِ دل کيا کروں، اے وحشت ِ دل کيا کروں

رات ہنس ہنس کر يہ کہتي ہے کہ ميخانے ميں چل
پھر کسي شہناز ِ لالہ رخ کے کاشانے ميں چل
يہ نہيں ممکن تو پھر اے دوست! ويرانے ميں چل

اے غم ِ دل کيا کروں، اے وحشت ِ دل کيا کروں

ہر طرف بکھري ہوئي رنگينياں رعنائياں
ہر قدم پر عشرتيں ليتي ہوئي انگڑائياں
بڑھ رہي ہيں گود پھيلائے ہوئے رسوائياں

اے غم ِ دل کيا کروں، اے وحشت ِ دل کيا کروں

راستے ميں رک کے دم لے لوں، مري عادت نہيں
لوٹ کر واپس چلا جاؤں، مري فطرت نہيں
اور کوئي ہم نوا مل جائے، يہ قسمت نہيں

اے غم ِ دل کيا کروں، اے وحشت ِ دل کيا کروں

منتظر ہے ايک طوفان ِ بلا ميرے ليے
اب بھي جانے کتنے دروازے ہيں وا ميرے ليے
پر مصيبت ہے مرا عہد ِ وفا ميرے ليے

اے غم ِ دل کيا کروں، اے وحشت ِ دل کيا کروں

جي ميں آتا ہے کہ اب عہد ِ وفا بھي توڑ دوں
ان کو پا سکتا ہوں ميں، يہ آسرا بھي چھوڑ دوں
ہاں مناسب ہے يہ زنجير ِ ہوا بھي توڑ دوں

اے غم ِ دل کيا کروں، اے وحشت ِ دل کيا کروں

اک محل کي آڑ سے نکلا وہ پيلا ماہتاب
جيسے ملا کا عمامہ، جيسے بنيے کي کتاب
جيسے مفلس کي جواني، جيسے بيوہ کا شباب

اے غم ِ دل کيا کروں، اے وحشت ِ دل کيا کروں

دل ميں اک شعلہ بھڑک اٹھا ہے آخر کيا کروں
ميرا پيمانہ چھلک اٹھا ہے آخر کيا کروں
زخم سينے کا مہک اٹھا ہے آخر کيا کروں

اے غم ِ دل کيا کروں، اے وحشت ِ دل کيا کروں

مفلسي اور يہ مظاہر ہيں نظر کے سامنے
سينکڑوں چنگيز و نادر ہيں نظر کے سامنے
سينکڑوں سلطان جابر ہيں نظر کے سامنے

اے غم ِ دل کيا کروں، اے وحشت ِ دل کيا کروں

لے کے اک چنگيز کے ہاتھوں سے خنجر توڑ دوں
تاج پر اس کے دمکتا ہے جو پتھر توڑ دوں
کوئي توڑے يا نہ توڑے، ميں ہي بڑھ کر توڑ دوں

اے غم ِ دل کيا کروں، اے وحشت ِ دل کيا کروں

بڑھ کے اس اندر سبھا کا ساز و ساماں پھونک دوں
اس کا گلشن پھونک دوں، اس کا شبستاں پھونک دوں
تخت ِ سلطاں کيا ميں سارا قصر ِ سلطاں پھونک دوں

اے غم ِ دل کيا کروں، اے وحشت ِ دل کيا کروں

جي ميں آتا ہے يہ مردہ چاند تارے نوچ لوں
اس کنارے نوچ لوں، اور اس کنارے نوچ لوں
ايک دو کا ذکر کيا، سارے کے سارے نوچ لوں

اے غمِ دل کيا کروں، اے وحشت ِ دل کيا کروں
 

مرک

محفلین
السلام علیکم!!!
بہت اچھی غزل ہے مگر تھوڑی اور اچھی ہوسکتی تھی اگر ذرا سی اور طویل ہوتی۔;)
 

زھرا علوی

محفلین
مفلسي اور يہ مظاہر ہيں نظر کے سامنے
سينکڑوں چنگيز و نادر ہيں نظر کے سامنے
سينکڑوں سلطان جابر ہيں نظر کے سامنے

اے غم ِ دل کيا کروں، اے وحشت ِ دل کيا کروں


بہت خوب۔۔۔۔۔۔۔۔۔:)
 

گرو جی

محفلین
راستے ميں رک کے دم لے لوں، ميري عادت نہيں
لوٹ کر واپس چلا جاؤں، ميري فطرت نہيں
اور کوئي ہم نوا مل جائے، يہ قسمت نہيں

اے غم ِ دل کيا کروں، اے وحشت ِ دل کيا کروں

کیا بند ہے جناب
 

فرحت کیانی

لائبریرین
لے کے اک چنگيز کے ہاتھوں سے خنجر توڑ دوں

کچھ دن پہلے میں نے اس نظم کا کچھ حصہ پڑھا تھا کسی آرٹیکل میں۔ اب مکمل پڑھ کر بہت اچھا لگا۔
بہت شکریہ سخنور :)
 

الف عین

لائبریرین
واہ خرم۔۔ جیتے رہو۔۔۔
لیکن بھائ یہ تم ایک سپیس چھوڑ کر زیر کیوں لگاتے ہو؟ غمِ دل کو غم ِ دل؟؟
 

فرخ منظور

لائبریرین
اعجاز صاحب - خرم نہیں فرّخ :) لیکن خیر اصل میں میرے پاس جو فانٹ ظاہر ہوتا ہے اس میں زیر بغیر سپیس کے کہیں غائب ہو جاتا ہے - اس لیے یہ غلطی کرنے کی جسارت کی - :)
 

فرخ منظور

لائبریرین
ویسے مجھے یاد آگیا کہ یہ نظم "لتا منگیشکر" اور "طلعت محمود" دونوں نے بہت اچھی گائی ہے لیکن فلم کا نام ذہن میں نہیں‌ہے - ابّا سے پوچھ کر لکھ دوں گا -
 
Top