ای میلز اُڑا دیجے( از قلم نیرنگ خیال)

[نیرنگ خیال]

ای میلز اُڑا دیجے​

(جون ایلیا سے معذرت کے ساتھ)

"تم نے مجھ کو لکھا ہے"
ای میلز اُڑا دیجے
"مجھ کو فکر رہتی ہے"
یہ اکاؤنٹ دفع کیجیے
آپ کا اکاؤنٹ گر ہیک ہوا تو کیا ہوگا
"دیکھیے میں کہتی ہوں، یہ بہت برا ہوگا"
"میں بھی کچھ کہوں تم سے!"
فارحہ نگارینہ!
فیس بک کی شاہینہ
ٹوئیٹر کی تہمینہ
بے فکر تمھیں تھیں نا
میں تمھاری ای میلز کو آرکائیو کرتا ہوں
ہے سوادِ بینائی، ان میں جو بھی تصویر ہے
آرکائیوز اڑا دوں کیا
جو ہے بیک اپ ان کا
پاسپورٹ ڈرائیو پر
پاسپورٹ ڈرائیو
کو فارمیٹ کردوں کیا
اور کچھ کلاؤڈ پر
آسماں ڈرائیو پر
تو ڈرائیو لٹا دوں کیا
ساری پکس اُڑا دوں کیا
جو بھی ان کاعنواں ہے
"نقشِ جاں ہے جاناناں"
"نقشِ جاں مٹا دوں کیا؟"
سکائی ڈرائیو مٹا دوں کیا؟
آرکائیوز اڑا دوں کیا؟
بیک اپ لٹا دوں کیا؟
اور اکاؤنٹ گنوا دوں کیا؟

مجھ کو لکھ کے ای میل تم
اور بھیج کر اسنیپس
"یونہی بےخیالانہ جرم کر گئی ہو تم"
ای میل ہیک ہونے پر، سب سے ڈر گئی ہو تم
جو بنا تھری ایف اے*
ای میل کیے تم نے
"پھر تو میری رائے میں، جرم ہی کیے تم نے"​

3FA* = Three Factor Authentication


بعد از تدوین:

فاتح بھائی کی محبتوں نے اس نظم کو نکھار دیا ہے۔ لہذا دوبارہ سے پیش خدمت ہے۔

تم نے مجھ کو لکھا ہے
"میلز سب اُڑا دیجے
مجھ کو فکر رہتی ہے
دفع آئی ڈی کیجے
آپ کا اکاؤنٹ گر
ہیک ہوا تو کیا ہو گا
دیکھیے میں کہتی ہوں، یہ بہت برا ہو گا"

"میں بھی کچھ کہوں تم سے!
فارحہ نگارینہ!
فیس بک کی شاہینہ
اردو ویب کی تہمینہ
شوخ تو تمھیں تھیں نا
میں تمھاری ای میلیں
کرتا آرکائو ہوں
ہے سوادِ بینائی، ان میں جو ہیں تصویریں
ارکئوز اڑا دوں کیا؟
جو بھی ان کے بیک اپ ہیں
ڈبلو ڈی ڈرائیو پر
ڈبلو ڈی ڈرائیو کو
فارمیٹ کر دوں کیا
اور کچھ کلاؤڈ پر
آسماں ڈرائیو پر
سب کی سب لٹا دوں کیا
ساری پکس اُڑا دوں کیا
جو بھی ان کاعنواں ہے
نقشِ جاں ہے جاناناں
نقشِ جاں مٹا دوں کیا؟


آسماں ڈرائیو کیا
اور کُل کلاؤڈ کیا
سب کی سب لٹا دوں کیا؟
ارکئوز اڑا دوں کیا؟
بیک اپ ہی مٹا دوں کیا؟
آئی ڈی گنوا دوں کیا؟

مجھ کو لکھ کے ای میلیں
اور بھیج کر اسنیپس
یونہی بےخیالانہ جرم کر گئی ہو تم
ای میل ہیک ہونے پر، سب سے ڈر گئی ہو تم
جو بغیر سوچے ہی
میلز میں کبھی تم نے
یوں اٹیچ کر ڈالیں
جب سنیپ چیٹ آٹو
وائپ ہی سے نہ بھیجیں
پھر تو میری رائے میں، جرم ہی کیے تم نے​

 

[ابن سعید]

 

[نیرنگ خیال]

 

[arifkarim]

نیٹ سے تو اڑا دیں گے، دل سے کیسے اڑائیں گے؟

 

[محمد تابش صدیقی]

آن لائن عاشقی کے بعد پیش ہے آن لائن جدائی
کیا نیرنگیء خیال ہے، کیا کہنے

 

[سید ذیشان]

ہاہا۔ بہت عمدہ۔

اس سے تو اپنی نظم ہیکر یاد آ گئی، جو کب کا بھول بیٹھا تھا۔

 

[حمیرا عدنان]

ہاہاہا بہت خوب نیرنگ خیال بھائی

 

[نور وجدان]

بے فکر تمھیں تھیں نا

بہت خوب ۔۔ اس لائن کی سمجھ نہیں آئی شاید بڑی فکر ۔۔؟

 

[محمد خلیل الرحمٰن]

ای میلز اُڑا دیجے
از نیرنگ خیال
(جون ایلیا سے معذرت کے ساتھ)

تم نے مجھےلکھّا ہے
ای میلز اُڑا دیجے
پر فکر مجھے یہ ہے
پروفائل کا کیا کیجے
آپ کا اکاؤنٹ گر ہیک ہوا تو کیا ہوگا
للہ میں کہتی ہوں، یہ بہت برا ہوگا

کچھ میں بھی کہوں تم سے!
فارا وہ نگارینہ!
فیس بک کی وہ شاہینہ
ٹوئیٹر کی وہ تہمینہ
بے فکر تمھیں تھیں نا!
ای میلز تمہاری میں آرکائیو جو کرتا ہوں
تصویریں ہیں جتنی بھی
ہر ایک پہ مرتا ہوں
آرکائیوز اڑا دوں کیا؟
بیک اپ بھی جو ہے ان کا
پاسپورٹ ڈرائیو پر
پاسپورٹ ڈرائیوکو
فارمیٹ بھی کردوں کیا
جو کچھ ہے کلاؤڈ پر
آسمان ڈرائیو پر
یہ ڈرائیو لٹا دوں کیا
سب پکس اُڑا دوں کیا
ان سب کا جو عنواں ہے
سب نقش جگر پر ہے
سب نقش مٹا دوں کیا؟
تصویر مٹا دوں کیا؟
آرکائیوز اڑا دوں کیا؟
بیک اپ بھی مٹا دوں کیا؟
پروفائل گنوا دوں کیا؟

مجھ کو لکھ کے ای میل تم
اور بھیج کر اسنیپس
"یونہی بےخیالانہ جرم کر گئی ہو تم"
ای میل ہیک ہونے پر، سب سے ڈر گئی ہو تم
جو بنا تھری ایف اے*
ای میل کیے تم نے
"پھر تو میری رائے میں، جرم ہی کیے تم نے"

نوٹ :خط کشیدہ مصرعوں پر کام جاری ہے۔ ہماری صلاح​

 

[لاریب مرزا]

"میں بھی کچھ کہوں تم سے!"
فارحہ نگارینہ!
فیس بک کی شاہینہ
ٹوئیٹر کی تہمینہ​

انسٹا کی نگینہ
ایمو کی ثمینہ
سنیپ چیٹ کی نورینہ
اور اسکائیپ کی یومینہ

کیا خوب طنزیہ انداز ہے!

 

[اکمل زیدی]

انسٹا کی نگینہ
ایمو کی ثمینہ
سنیپ چیٹ کی نورینہ
اور اسکائیپ کی یومینہ

کیا خوب طنزیہ انداز ہے!

اگر اسے اور عام فہم کرنا ہو تو یوں بھی ہوسکتا ہے ..

پڑوس کی زرینہ
کالج کی تہمینہ
کوچنگ کی زرمینہ

 

[لاریب مرزا]

اگر اسے اور عام فہم کرنا ہو تو یوں بھی ہوسکتا ہے ..

پڑوس کی زرینہ
کالج کی تہمینہ
کوچنگ کی زرمینہ

جس نقطے کو لے کر میں نے لطف کشید کیا ہے وہ کچھ اور ہے۔

 

[اکمل زیدی]

جس نقطے کو لے کر میں نے لطف کشید کیا ہے وہ کچھ اور ہے۔

اب ہمیں کیا پتا آپ کشیدہ کاری کر رہی ہیں ...مناسب سمجھیں تو وہ "نکتہ" شئیر کردیں ...ورنہ مرضی ہے ...آپ کے پاس اپنے نکتے کا کاپی رائٹ ہے ...

 

[لاریب مرزا]

اب ہمیں کیا پتا آپ کشیدہ کاری کر رہی ہیں ...مناسب سمجھیں تو وہ "نکتہ" شئیر کردیں ...ورنہ مرضی ہے ...آپ کے پاس اپنے نکتے کا کاپی رائٹ ہے ...

جی جی۔... "نقطہ" نہیں "نکتہ"
جی تو نکتہ کچھ یوں ہے کہ آج کل کچھ رواج سا چل نکلا ہے کہ لڑکیاں اصل نام کی بجائے مختلف ناموں سے مختلف ایپس پر پائی جاتی ہیں۔. تو اس نکتے کو لے کر مجھے ہنسی آئی..

 

[اکمل زیدی]

جی جی۔... "نقطہ" نہیں "نکتہ"
جی تو نکتہ کچھ یوں ہے کہ آج کل کچھ رواج سا چل نکلا ہے کہ لڑکیاں اصل نام کی بجائے مختلف ناموں سے مختلف ایپس پر پائی جاتی ہیں۔. تو اس نکتے کو لے کر مجھے ہنسی آئی..

اوہ ..اچھا اچھا .....................آپ کا نام ؟

 

[لاریب مرزا]

اوہ ..اچھا اچھا .....................آپ کا نام ؟

ہاہاہا.. میں سب ایپس پر ایک ہی نام سے پائی جاتی ہوں۔
ویسے اردو محفل کوئی ایپ تو نہیں ہے نا..

 

[اکمل زیدی]

ہاہاہا.. میں سب ایپس پر ایک ہی نام سے پائی جاتی ہوں۔
ویسے اردو محفل کوئی ایپ تو نہیں ہے نا..

بڑی حیرت ...اوہ سوری میرا مطلب ہے خوشی کی بات ہے ...بندے کو ایسے ہے کلین اینڈ کلئیر ہونا چاہئے ..
رہی بات اردو ویب کے ایپس نہ ہونے کی بات تو ٹھیک ہے چلتا ہے جب اردو کے ساتھ ویب ہوسکتا ہے تو پھر یہ بھی ہوسکتا ہے ...

 

[ادب دوست]

واہ واہ نیرنگ خیال بھائی کیا کہنے بہت خوب،
بس کچھ مصرعوں کو دیکھ لیں اوزان کے اعتبار سے باقی گرفت اور روانی تو کمال ہے

 

[فلک شیر]

برصغیر میں بالعموم اور پنجاب میں بالخصوص مرد شعراء اپنی گزارشات "محبوب" تک نسوانی آواز میں پہنچاتے رہے ہیں ۔ صاحبِ نظم اسی روایت کو اپناتے ہوئے کامیابی سےاپنا مدعا بیان کر پائے ہیں ، جو دیگر مواصلاتی ذرائع مسدود ہو جانے کے باعث انہیں نچلا نہیں بیٹھنے دے رہا تھا، کیونکہ ۔۔۔۔۔۔۔۔۔۔۔۔۔۔۔۔۔۔۔۔۔۔ کہیں یہ نہ ہو جائے ، کہیں وہ نہ ہو جائے کا خدشہ تو ہر شریف آدمی کو ہمہ دم لاحق رہتا ہے
اب مجھے نکلنا چاہیے، کیونکہ صاحبِ تحریر آتے ہی ہوں گے۔

 

[رانا]

واہ واہ۔ زبردست نیرنگ بھائی۔ لاجواب۔
جون ایلیا کو کسی فرشتے نے خبر کردی تو کیا حال ہوگا ان کا وہاں۔
اللہ میاں سے کہیں گے کہ تو نے شیطان کو اتنی لمبی مہلت دی ہے تو مجھے بس ایک دن کی مہلت دے کہ میں اسلام آباد تک ہو آؤں ذرا۔