ایک نظم اصلاح کے لیے پیش ہے

[خرم شہزاد خرم]

عنوان
سمندر پار جب تھامیں

مجھے اب پھر اجازت دو
کہ میں نے پیٹ کی خاطر
سمندر پار جانا ہے

سمندر پار جب تھا میں
تو سارے دوست تھے میرے
وہ رشتے خون کے تھے جو
مرے اک اک اشارے پر
مری ہر بات پر لبیک
مرے ہر کام پر راضی
مری مشکل میں شامل تھے
مجھے ہمت وہ دیتے تھے
بہت ہی خوش رہا تھا میں
سمندر پار جب تھا میں

میری ہر بات سنتے تھے
مرا ہر کام کرتے تھے
مجھے خرم ،مجھے بھیا
مجھے جانی بُلاتے تھے
مجھے کس چیز کا ڈر تھا
بہت بے خوف رہا تھا میں
سمندر پار جب تھا میں

مجھے وہ فون کرکر کے
وطن آنے کا کہتے تھے
بہت دن ہوگے خرم
تجھے دیکھا نہیں ہم نے
بَلا اتنی بھی دوری کیا
چلو اب لوٹ آؤ تم
خوشی سے جی رہا تھا میں
سمندر پار جب تھا میں

وطن کو لوٹ آیا ہوں
ابھی کچھ دن ہی گزرے ہیں
کہ سب بے زار لگتے ہیں
غموں سے چار لگتے ہیں
مرے وہ یار رشتے دار
مری الفت کے مارے تھے
وہی اب مجھ سےکہتے ہیں
ارے واپس نہیں جانا ؟
یہیں پر کام کرنا ہے ؟
وہاں سے چھوڑ آئے ہو ؟
اے واپس نہیں جانا ؟
یہاں کیا کام کرنا ہے ؟
یہاں کچھ بھی نہیں باقی
مری مانو مرے پیارے
سمندر پار پھر جاؤ

مجھے اب پھر اجازت دو
کہ میں نے پیٹ کی خاطر
سمندر پار جانا ہے

خرم شہزاد

 

[خرم شہزاد خرم]

یہاں بھی کوئی نظرِ کرم فرما دے

 

[مغزل]

خرم شہزادے ، رسید حاضر ہے پیارے، باباجانی کا انتظار کرتے ہیں۔میری دانست خیال کی رو خوب ہے، مگر کچھ اغلاط اور نظم کے مزاج کی بابت کچھ کہنا تھا۔ مگر فی الحال انتظار کرتا ہوں۔

 

[خرم شہزاد خرم]

خرم شہزادے ، رسید حاضر ہے پیارے، باباجانی کا انتظار کرتے ہیں۔میری دانست خیال کی رو خوب ہے، مگر کچھ اغلاط اور نظم کے مزاج کی بابت کچھ کہنا تھا۔ مگر فی الحال انتظار کرتا ہوں۔

مجھے انتظار رہے گا بابا جانی کا بھی اور آپ کا بھی شکریہ

 

[عین عین]

خرم کئی جگہ مصرعوں کی روانی متاثر ہوئی ہے، غلطیاں ہیں لیکن دور ہو سکتی ہیں۔ اعجاز صاحب نشاندہی کریں گے تو ہمییں بھی سیکھنے کو ملے گا۔
بس یہ مجھے ہمیشہ کھلتا ہے۔
میں نے پیٹ کی خاطر۔۔۔۔۔۔۔
اسے تو کم از کم یوں کر لو
کہ مجھ کو پیٹ کی خاطر۔۔۔۔۔۔

 

[خرم شہزاد خرم]

خرم کئی جگہ مصرعوں کی روانی متاثر ہوئی ہے، غلطیاں ہیں لیکن دور ہو سکتی ہیں۔ اعجاز صاحب نشاندہی کریں گے تو ہمییں بھی سیکھنے کو ملے گا۔
بس یہ مجھے ہمیشہ کھلتا ہے۔
میں نے پیٹ کی خاطر۔۔۔ ۔۔۔ ۔
اسے تو کم از کم یوں کر لو
کہ مجھ کو پیٹ کی خاطر۔۔۔ ۔۔۔

بہت شکریہ عین عین بھائی
اصل میں میں نے پہلے اسی طرح لکھا تھا (کہ مجھ کو پیٹ کی خاطر) لیکن پتہ نہیں کیوں بعد میں میں نے تبدیل کر دیا بابا جانی کا انتظار ہے لیکن لگتا ہے وہ بہت مصروف ہیں۔ محمد وارث صاحب بھی نظر نہیں آ رہے۔
اور ہاں اصل میں یہ نظر تقریبا ایک سال کے بعد کہی گئی ہے اس لیے بہت سے غلطیاں ہیں اب اصلاح ہوتی رہے گی تو انشاءاللہ بہتری آتی رہے گی

 

[حماد]

سمندر پار "پیٹ کی خاطر" جانے والوں کے جذبات و تجربات کی خوب ترجمانی کی ہے۔

 

[خرم شہزاد خرم]

سمندر پار "پیٹ کی خاطر" جانے والوں کے جذبات و تجربات کی خوب ترجمانی کی ہے۔

ترجمانی تب ہی ہوتی ہے جب انسان خود تجربات سے گزرے اور میں گزر چکا ہوں
بہت شکریہ حماد بھائی

 

[ایم اے راجا]

پہلے تو خوش آمدید بھائی جانی، خدا کا شکر ہے آپکو ادھر کا خیال تو آیا۔
بہت اچھی نظم کہی ہے۔
اور ہاں ہم ان میں سے نہیں جو آپکو اپنے قریب دیکھنا نہیں چاہتے، ہم تو آپکو ہر جا خوش دیکھنا چاہتے ہیں

 

[خرم شہزاد خرم]

پہلے تو خوش آمدید بھائی جانی، خدا کا شکر ہے آپکو ادھر کا خیال تو آیا۔
بہت اچھی نظم کہی ہے۔
اور ہاں ہم ان میں سے نہیں جو آپکو اپنے قریب دیکھنا نہیں چاہتے، ہم تو آپکو ہر جا خوش دیکھنا چاہتے ہیں

شکریہ جناب
آپ تو ان میں سے ہیں جن کے ہم ساتھ رہنا چاہتے ہیں

 

[ایم اے راجا]

شکریہ جناب
آپ تو ان میں سے ہیں جن کے ہم ساتھ رہنا چاہتے ہیں

تو پھر یا تو آپ آ جائیں یا ہمیں بلا لیں نہ

 

[مغزل]

تو پھر یا تو آپ آ جائیں یا ہمیں بلا لیں نہ

’’ ہزاروں خواہشیں ایسی کہ ہر خواہش پہ دم نکلے ‘‘

 

[ایم اے راجا]

’’ ہزاروں خواہشیں ایسی کہ ہر خواہش پہ دم نکلے ‘‘

کیا درست مصرعہ ارشاد فرمایا ہے، ھاھاھاھاھاھاھا

 

[خرم شہزاد خرم]

مجھے لگتا ہے یا تو اساتذہ مجھ سے ناراض ہیں یا ان کے پاس وقت ہی نہیں ہے کوئی کچھ تو بتائیں پلیز غزل کے بارے میں

 

[مغزل]

بھیا بابا جانی مصروف ہیں۔ آپ ہمیں حکم دیجیے تو ہم کچھ عرض کرتے ہیں ۔۔

 

[عین عین]

مجھے لگتا ہے یا تو اساتذہ مجھ سے ناراض ہیں یا ان کے پاس وقت ہی نہیں ہے کوئی کچھ تو بتائیں پلیز غزل کے بارے میں

خرم ۔۔۔۔۔۔۔۔۔میں دعوے سے کہتا ہوں کہ کوئی بھی غزل کے بارے میں رائے نہیں دے گا۔ آپ کا انتظار بے جا ہے۔

 

[مغزل]

ہاں عین عین بھائی ۔۔بھئی بتاؤ۔ چسپاں نظم کی ہے اور رائے غزل پر مانگ رہے ہیں موصوف۔۔

 

[خرم شہزاد خرم]

ہاں عین عین بھائی ۔۔بھئی بتاؤ۔ چسپاں نظم کی ہے اور رائے غزل پر مانگ رہے ہیں موصوف۔۔

خرم ۔۔۔ ۔۔۔ ۔۔۔ میں دعوے سے کہتا ہوں کہ کوئی بھی غزل کے بارے میں رائے نہیں دے گا۔ آپ کا انتظار بے جا ہے۔

ہا ہا ہا بس کیا کہوں کل مصروف تھا اس لیے غزل کو نظم میرا مطلب ہے نظم کو غزل لکھ دیا
م م مغل بھائی آپ کو ہماری اجازت کی ضرورت کب سے پڑ گئی سر جی آپ تو ہمارے اساتذہ میں سے ہیں پلیز اصلاح فرما دیں

 

[ایم اے راجا]

خرم بھائی لگتا ہے استاد محترم کافی مصروف ہیں آجکل، لیکن دوسرے اساتذہ سے بھی تکلیف کرنے کی گزارش ہے، خاص طور پر وارث صاحب سے

 

[خرم شہزاد خرم]

م م مغل بھائی نے کہا تھا کہ وہ کچھ کہیں گے لیکن ان کی طرف سے بھی ابھی تک مسلسل خاموشی ہے